کراچی کے ملیر گیریژن میں طلبا نے پاک آرمی کے ساتھ یادگار دن کیسے گزارا؟
اشاعت کی تاریخ: 24th, February 2025 GMT
کراچی کے مختلف اسکول اور کالجز کے طلبہ و طالبات نے پاک آرمی کے ساتھ یادگار لمحات گزارے، طلبا نے پاک آرمی کے زیر استعمال جدید اسلحہ کا معائنہ کیا اور ٹارگٹ فائرنگ کا تجربہ بھی کیا۔
11 اسکول و کالجز کے 500 سے زائد طلبا اور فیکلٹی ارکان نے ملیر گیریژن کا دورہ کیا، جہاں انہیں پاک فوج کے زیر استعمال جدید اسلحے کے معائنہ کا موقع ملا بلکہ بیشتر نے اس موقع پر اسمال مشین گنز اور پسٹل کا استعمال بھی کیا۔
طلبا نے فوجی جوانوں کی جنگ کے دوران مختلف رکاوٹوں کو عبور کرنے کی مشقوں کا بھی مشاہدہ کیا، جی او سی ملیر گیریژن نے طلبا اور فیکلٹی ارکان سے تفصیلی ملاقات کی، جس میں بات چیت کا ایک طویل سیشن رہا اور تسلی بخش جوابات پر طلبا نے اطمینان کا اظہار کیا۔
جی سی او ملیر گیریژن نے طلبا کی حوصلہ افزائی کرتے ہوئے کہا کہ نوجوان حب الوطنی کا عظیم جذبہ رکھتے ہیں اور ملکی ترقی کا ستون ہیں، ان کا کہنا تھا کہ دشمن قوتوں کے ذریعے پھیلائے جانے والے منفی پروپیگنڈے کو سمجھنا اور اس سے بچنا وقت کی اہم ضرورت ہے۔
جی او سی نے طلبا کو سوشل میڈیا پراپیگنڈسٹس سے بچنے اور اس کے مثبت استعمال کی تلقین کی، طلبا کا کہنا تھا کہ یہ سیشن بہت خوش آئند تھا، جس سے انہیں بہت سی باتیں سیکھنے کو ملیں۔
طلبا نے کہا کہ ہم جان چکے ہیں کہ دشمن ففتھ جنریشن وار فیئر کے ذریعے ایک جھوٹا پراپیگنڈا کرتا ہے اور ہمیں کس طرح اس سے مقابلہ کرنا ہے، طلبا و اساتذہ نے پاک فوج کے ساتھ اظہار جانثاری و یکجہتی کرتے ہوئے فوجیوں کے ساتھ ان لمحات کو اپنی زندگی کے یادگار لمحات قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پسٹل جی او سی سوشل میڈیا فائرنگ کراچی مشین گن ملیر گیریژن.ذریعہ: WE News
کلیدی لفظ: پسٹل جی او سی سوشل میڈیا فائرنگ کراچی کے ساتھ نے پاک
پڑھیں:
تربوز کے شربت میں یہ ایک چیز شامل کرلیں اوربنا محنت وزن گھٹائیں
تربوز نہ صرف پیاس اور تھکاوٹ کو کم کرتا ہے، بلکہ یہ جسم کی گرمی کو بھی دور کرتا ہے۔ یہ پیشاب کی تکلیف، مثانے کے انفیکشن، اور جسم کی سوجن یا ورم کو کم کرنے میں مددگار ہوتا ہے۔
اگر تربوز کو گوند کتیرا کے ساتھ ملایا جائے تو یہ ایک طاقتور مشروب بن جاتا ہے۔ یہ مشروب ہاضمے کو بہتر کرتا ہے، قبض دور کرتا ہے، آنتوں کو صاف رکھتا ہے اور وزن گھٹانے میں مدد دیتا ہے۔
گرمیوں میں دوسرے پھلوں کے مقابلے میں تربوز زیادہ فائدے مند ثابت ہو سکتا ہے، اس لیے اسے اپنی روزمرہ خوراک میں شامل کرنا ایک اچھا فیصلہ ہے۔
گرمیوں کی شدت میں ایک ٹھنڈا اور توانائی بخش مشروب جسم کو نہ صرف تازگی دیتا ہے بلکہ اندرونی صحت کے لیے بھی فائدہ مند ہوتا ہے۔
گوند کتیرا اور تربوز کا امتزاج ایسا ہی ایک قدرتی مشروب ہے، جو گرمی کے دنوں میں جسم کو توانائی، ہائیڈریشن اور راحت فراہم کرتا ہے۔
ڈاکٹر کے سومناتھ گپتا، سینئر کنسلٹنٹ فزیشن اور ذیابیطس کے ماہر (یشودا ہاسپٹلس، حیدرآباد) کے مطابق، گوند کتیرا میں قدرتی اینٹی سوزش خصوصیات پائی جاتی ہیں، جو جسم میں موجود اندرونی سوزش کو کم کرنے میں مدد کرتی ہیں۔ یہ جلد کی نمی برقرار رکھنے، لچک بڑھانے اور رنگت بہتر بنانے میں بھی مؤثر ثابت ہو سکتا ہے۔
جب گوند کتیرا کو تربوز جیسے پانی سے بھرپور پھل کے ساتھ ملایا جائے تو یہ ایک طاقتور، قدرتی انرجی ڈرنک بن جاتا ہے، جو گرمی کے موسم میں جسم کو ٹھنڈک اور توانائی فراہم کرتا ہے۔
ڈاکٹر گپتا خبردار کرتے ہیں کہ گونڈ کتیرا کا زیادہ استعمال نقصان دہ بھی ہو سکتا ہے۔ اس میں فائبر کی مقدار زیادہ ہونے کی وجہ سے اپھارہ یا اسہال جیسے مسائل پیدا ہو سکتے ہیں۔
کچھ افراد کو گوند کتیرا سے الرجی بھی ہو سکتی ہے، اس لیے اسے باقاعدہ استعمال میں لانے سے پہلے الرجی کے امکانات کا اندازہ لگانا ضروری ہے۔
خصوصاً حاملہ اور دودھ پلانے والی خواتین کو اسے استعمال کرنے سے قبل اپنے معالج سے ضرور مشورہ کرنا چاہیے۔
ہیلتھ کوچ ایشا لال مشورہ دیتی ہیں کہ اس مشروب کو صبح 10 بجے سے 12 بجے کے درمیان ہلکے ناشتے کے طور پر یا دوپہر کے کھانے سے پہلے استعمال کیا جا سکتا ہے۔
شام کے وقت، لیکن 5 بجے سے پہلے بھی اسے پینا فائدہ مند ہے۔ تاہم، اسے رات کے کھانے کے ساتھ یا سونے سے پہلے استعمال نہیں کرنا چاہیے۔
تربوز اور گوند کتیرا سے تیار کردہ یہ قدرتی مشروب گرمیوں میں توانائی، تروتازگی اور بہتر صحت کا ذریعہ بن سکتا ہے، بشرطیکہ اسے اعتدال میں استعمال کیا جائے۔
اس کے ساتھ ساتھ متوازن غذا اور صحت مند طرزِ زندگی اپنانا بھی ضروری ہے تاکہ اس مشروب کے تمام فوائد حاصل کیے جا سکیں۔
مراد علی شاہ کو سندھ سے زیادہ پنجاب کے کسانوں کی فکر ہے: عظمیٰ بخاری