شہید سید حسن نصراللّٰہ اور شہید سید ہاشم صفی الدین کی نماز جنازہ ادا، لاکھوں لوگ شریک
اشاعت کی تاریخ: 24th, February 2025 GMT
واضح رہے کہ سید حسن نصراللّٰہ 27 ستمبر 2024ء کو اسرائیل کے جنوبی بیروت پر فضائی حملے میں شہید ہوئے تھے، جس میں اسرائیلی جیٹ طیاروں نے 85 ٹن دھماکہ خیز مواد سے ضاحیہ میں 6 رہائشی عمارتیں تباہ کر دی تھیں، جبکہ سید ہاشم صفی الدین 3 اکتوبر 2024ء کو اسرائیلی حملے میں شہید ہوئے۔ اسلام ٹائمز۔ لبنان کی اسلامی مزاحمتی تنظیم حزب اللّٰہ کے شہید سربراہ سید حسن نصراللّٰہ اور سید ہاشم صفی الدین کی نماز جنازہ ادا کر دی گئی۔ عرب میڈیا کا کہنا ہے کہ سید حسن نصراللّٰہ کو بیروت ایئرپورٹ روڈ کے قریب سپرد خاک کیا جائے گا، ان کا جسد خاکی تدفین کیلئے اسٹیڈیم سے لے جایا گیا، جہاں لاکھوں کی تعداد میں سوگواران موجود تھے۔ خبر ایجنسی کے مطابق سید ہاشم صفی الدین کو پیر کو جنوبی لبنان میں سپرد خاک کیا جائے گا۔
سید حسن نصراللّٰہ اور سید ہاشم صفی الدین کے تاریخی تشیع جنازے میں شرکت کیلئے لبنان اور دنیا بھر سے لاکھوں افراد بیروت پہنچے تھے۔ بیروت میں امن و امان قائم رکھنے کے لیے فوج اور داخلی سیکیورٹی فورسز کے یونٹس تعینات کیے گئے تھے۔ واضح رہے کہ سید حسن نصراللّٰہ 27 ستمبر 2024ء کو اسرائیل کے جنوبی بیروت پر فضائی حملے میں شہید ہوئے تھے، جس میں اسرائیلی جیٹ طیاروں نے 85 ٹن دھماکہ خیز مواد سے ضاحیہ میں 6 رہائشی عمارتیں تباہ کر دی تھیں، جبکہ سید ہاشم صفی الدین 3 اکتوبر 2024ء کو اسرائیلی حملے میں شہید ہوئے۔
ذریعہ: Islam Times
کلیدی لفظ: حملے میں شہید ہوئے سید ہاشم صفی الدین سید حسن نصرالل 2024ء کو
پڑھیں:
حزب اللہ کے شہید سربراہ حسن نصراللہ کی نماز جنازہ کل ہوگی
لبنان: حزب اللہ کے شہید سربراہ حسن نصر اللہ کی نماز جنازہ کل 23 فروری کو ادا کی جائے گی۔
بین الاقوامی خبر رساں اداروں کے مطابق لبنانی تنظیم حزب اللہ کے شہید سربراہ حسن نصراللہ کی نماز جنازہ بیروت کے ایک اسپورٹس اسٹیڈیم میں پاکستانی وقت کے مطابق شام 4 بجے منعقد ہوگی۔ حسن نصر اللہ کے ساتھ ہی ان کے جانشین شہید ہاشم صفی الدین کی نماز جنازہ بھی ادا کی جائے گی۔ میڈیا ذرائع کے مطابق دونوں شہدا کو ائیرپورٹ روڈ کے قریب سپرد خاک کیا جائے گا۔
حسن نصر اللہ کی نماز جنازہ اور تدفین میں شرکت کے لیے دنیا بھر سے لوگ لبنان پہنچ رہے ہیں۔ عراق کے دارالحکومت بغداد سے بیروت کے لیے تمام پروازوں کے ٹکٹس فروخت ہو چکے ہیں، جو حسن نصر اللہ کی مقبولیت اور ان کے پیروکاروں کے جذبات کا واضح اظہار ہے۔
یاد رہے کہ حسن نصر اللہ کو 27 ستمبر 2024 کو حزب اللہ کے زیر زمین ہیڈ کوارٹر پر اسرائیلی فوج کی بمباری کے نتیجے میں شہید کیا گیا تھا۔ ان کی شہادت کے بعد تنظیم کی قیادت ہاشم صفی الدین نے سنبھالی لیکن انہیں بھی اکتوبر 2024 میں شہید کر دیا گیا۔ دونوں رہنماؤں کو شہادت کے بعد نامعلوم مقام پر امانتاً سپرد خاک کیا گیا تھا۔
میڈیا ذرائع میں بتایا گیا ہے کہ نماز جنازہ کی تیاریاں مکمل ہو چکی ہیں اور حزب اللہ کے کارکنان اس موقع کو یادگار بنانے کے لیے کوشاں ہیں۔ عرب میڈیا کے مطابق نماز جنازہ میں شرکت کے لیے لاکھوں افراد کی موجودگی متوقع ہے۔
حسن نصر اللہ حزب اللہ کے ایک اہم ترین رہنماؤں میں سے تھے، جنہوں نے اسرائیل کے خلاف مزاحمت کی قیادت کی۔
سندھ حکومت بھی سمجھے کہ شہریوں کا غصہ قابو میں رکھنا اب مشکل ہوگیا ہے، گورنر سندھ