پاکستان ڈربی ریس 2025ء سردار نامی گھوڑے نے جیت لی
اشاعت کی تاریخ: 24th, February 2025 GMT
لاہور (سپورٹس رپورٹر) لاہور ریس کلب میں منعقدہ پاکستان ڈربی ریس 2025ء میں سردار نامی گھوڑے نے میدان مار لیا۔ چار سالہ سردار نے 2400ء میٹر کا فاصلہ 3 منٹ 2 سیکنڈ میں طے کر کے فتح حاصل کی۔ ڈربی ریس میں مجموعی طور پر 15 گھوڑوں نے حصہ لیا، لیکن سردار نے سب کو پیچھے چھوڑتے ہوئے جیت اپنے نام کی۔ ڈربی ریس کے دوران متعدد گھڑ سوار گرنے سے زخمی ہوئے۔ گھوڑے کے مالک اور ریس دیکھنے کیلئے آنے والے شائقین نے اس کامیابی پر خوشی کا اظہار کیا۔ صدرِ پاکستان آصف علی زرداری، چیئرمین سینٹ سید یوسف رضا گیلانی اور گورنر پنجاب سمیت کئی اہم شخصیات نے ریس دیکھی۔ صدر آصف علی زرداری نے جیتنے والوں میں انعامات تقسیم کیے۔ پاکستان ڈربی ریس کے فاتحین کیلئے مجموعی طور پر ایک کروڑ روپے کے انعامات رکھے گئے تھے، جس نے اس مقابلے کو مزید دلچسپ بنا دیا۔ لاہور ریس کلب میں دن بھر 11 مقابلے ہوئے جن میں دو سے چار سال تک کی عمر کے گھوڑوں نے حصہ لیا۔ ڈربی مقابلے میں حصہ لینے والے تمام گھوڑوں کی عمریں چار سال تھیں۔ ڈربی 2025ء کے فاتح سردار نامی گھوڑے کے مالک محمد اشفاق نے بتایا کہ انہوں نے گھوڑے کا نام اپنے والد محروم کے نام پر رکھا تھا، انہیں فخر ہے کہ آج سردار فاتح رہا ہے۔ ڈربی ریس میں حصہ لینے والے گھوڑوں کو معمول سے ہٹ کر خوراک دی جاتی ہے، سردار کو بادام، کاجو اور مختلف اقسام کے مربے کھلائے جاتے ہیں۔
.ذریعہ: Nawaiwaqt
پڑھیں:
سلیمان خیل قبیلے کے زمینی تنازعہ کو حل کیا جائے، سردار ناصر خان
سلیمان خیل قبیلے کے زمینی تنازعہ کو حل کیا جائے، سردار ناصر خان WhatsAppFacebookTwitter 0 12 April, 2025 سب نیوز
علاقے میں سکول، ہسپتال، سڑکوں سمیت بنیادی ضروریات پوری کی جائیں، الحاج عجب خان
اسلام آباد() سلمان خیل قومی تحریک پاکستان کےرہنماؤں نے وزیر اعظم پاکستان میاں محمدشہباز شریف اور آرمی چیف جنرل حافظ عاصم منیر سے پرزور مطالبہ کیا ہے کہ سلیمان خیل قبیلے کے آبائی علاقے گل کچھ سمبازہ زرہ ڈگری تحصیل قمر الدین کازیرمیں انکے زمینی تنازعہ کو حل کیا جائےاور وہاں
پرسکول، ہسپتال ، روڈ ز اور بنیادی ضروریات کو پورا کیا جائے اور اس حوالے سے آرمی چیف کی سربرای میں ایک کمیٹی تشکیل دی جائے ،بصورت دیگر عید کے بعد ژوب میں سلیمان خیل علی خیل قبائل کے گرینڈ جرگے بلانے پر مجبور ہونگے، سلمان خیل قومی تحریک پاکستان کےسربراہ سردار ناصر خان، مرکزی وائس چیئرمین الحاج عجب خان، عطا اللہ سلمان خیل، عالم خان ، و دیگر نے نیشنل پریس کلب اسلام آباد میں پریس کانفرنس کرتے ہوئے کیا،
سردار ناصر خان سلیمان خیل قومی تحریک کے سر براہ سردار ناصر خان سلیمان خیل نے پریس کا نفرنس کرتے ہوئے کہا کہ ہمارے علاقوں میں کچھ قبائل نے قومی مارشل لاء لگا رکھا ہے جس میں انہوں نےہمارے راستے بند کر رکھے ہیںاور تمام ترسرکاری وسائل ہمارے خلاف استعمال کر رہے ہیں، ہمارے آبائی علاقے گل کچھ سمبازہ لہڑی زرہ ڈگری جو کہ افغان بارڈر کے نزدیک واقع ہے کو گزشتہ 75 سالوں سے میں زندگی کی تمام بنیادی ضروریات سے محروم رکھا ہے، ہمیں ایک قبیلہ نے تعصب کی بنیاد پر بنیادی ضروریات زندگی مثلا” سکول ،ہسپتال، صاف پانی اور سڑکوںسے محروم کر رکھا ہے، کیونکہ ایم این اے ، ایم پی اے علاقے میں ووٹ لینے کے لئے تو آتے ہیں لیکن منتخب ہو کر ایک قبیلہ کی بلیک میلنگ سے کوئی کام نہیں کراتے، ان لوگوں کا بیورو کریسی میںبہت زیادہ اثر و رسوخ ہے،
اس موقع پرمرکزی وائس چیئرمین الحاج عجب خان نے کہاں کہ ہمارے قبیلے سلیمان خیل علی خیل قبائل کے لوگ 75 سالوں سے ذاتی دشمنیوں، بیروزگاری، امن وامان کی وجہ سے اپنے علاقے چھوڑ کر پنجاب سندھ و دیگر علاقوں میں آباد ہوگئے جنہوں نے شناختی کارڈ بھی انہی ضلعوں میں بنالئے ہیں ،انہوں نے مزید کہا کہ ہم نے ہرممکن کوشش کی کہ زمینوں کا مسئلہ قبائلی جرگوں و ضلعی سطحوں پر ہر حل ہوتاہم مخالف قبیلے میں سے کوئی بھی یہ ماننے کیلئے تیار نہیں ہے،سلیمان خیل قوم نے ہمیشہ وطن عزیز کی سالمیت اور دفاع کے لئے بغیر تنخواہ کے بہت ساری خد ما ت سر انجام دی ہیں جو کسی سے بھی ڈکی چھپی نہیں ہیں
لہذاٰ ہم وزیر اعظم پاکستان میاں محمدشہباز شریف اور آرمی چیف جزل حافظ عاصم منیر سے پرزور مطالبہ کرتے ہیں کہ آرمی چیف کی زیر نگرانی ایک کمیٹی بنائی جائے جس میں سلیمان خیل قبیلے کے آبائی علاقے گل کچھ سمبازہ زرہ ڈگری تحصیل قمر الدین کا زیر میں ہمارے زمینی تنازعہ کو حل کیا جائے اور وہاں پر سکول، ہسپتال ، روڈ ز اور بنیادی ضروریات زندگی فراہم کی جائیں بصورت دیگر ہم عید کے بعد ژوب میں سلیمان خیل علی خیل قبائل کے گرینڈ جرگے بلانے پر مجبور ہونگے۔
ویزوں کے مسائل حل، یو اے ای جانے کے خواہشمند افراد کیلئے بڑی خوشخبری