منیب بٹ کو عالیہ بھٹ اور دیپیکا پڈوکون کے ساتھ فلم کی آفر؟ اداکار نے حقیقت بتادی
اشاعت کی تاریخ: 24th, February 2025 GMT
پاکستانی ڈراما انڈسٹری کے معروف اداکار منیب بٹ نے حال ہی میں بالی ووڈ میں عالیہ بھٹ کے ساتھ فلم کرنے کی افواہوں پر اپنی موقف بیان کیا ہے۔
منیب بٹ گزشتہ دنوں ایک نجی ٹیلی ویژن ٹاک شو میں شریک تھے جہاں ان سے عالیہ بھٹ یا دیپیکا پڈوکون کے ساتھ کسی فلم کی پیشکش کے بارے میں سوال کیا گیا۔
منیب بٹ سے جب ایک مداح نے سوال پوچھا کہ کیا وہ عالیہ بھٹ کے ساتھ کسی بھارتی فلم میں کام کر رہے ہیں، تو انہوں نے جواب دیا، ’’نہیں، ایسی کوئی بات نہیں ہے۔ مجھے عالیہ یا دیپیکا کے ساتھ کسی فلم کی پیشکش نہیں ہوئی۔ البتہ، مجھے ایک بھارتی پنجابی فلم کی آفر ضرور ہوئی تھی، جو کچھ کینیڈین انڈین پروڈیوسرز بنا رہے تھے، لیکن وہ پروجیکٹ کبھی شروع ہی نہیں ہوسکا۔‘‘
منیب بٹ کے مطابق، اس فلم میں پاکستانی اور بھارتی اداکاروں کی مشترکہ کاسٹ شامل تھی، لیکن کبھی شوٹنگ کا مرحلہ شروع نہ ہوسکا۔
یہ بات درست ہے کہ پاکستانی فنکاروں نے اپنی صلاحیتوں کا لوہا بھارت میں بھی منوایا ہے۔ ماہرہ خان، صنم سعید، فواد خان، عمران ہاشمی، اور علی ظفر جیسے کئی معروف پاکستانی اداکار بالی وڈ پروجیکٹس کا حصہ بن چکے ہیں۔ تاہم، کچھ فنکاروں نے کسی نہ کسی وجہ سے ان پیشکشوں کو مسترد بھی کیا ہے۔
منیب بٹ پاکستانی ڈراما انڈسٹری کے ایک معروف نام ہیں۔ انہوں نے ’کوئی چاند رکھ‘، ’باندی‘، ’غیرت‘، ’قلندر‘، ’شدت‘، اور ’سلسلے‘ جیسے نامور ڈراموں میں اپنی اداکاری کے جوہر دکھائے ہیں۔ اب وہ ایک نئے ڈرامے میں اپنے مداحوں کو ایک بار پھر متاثر کرنے کی تیاری کر رہے ہیں، جس کے لیے ان کے مداح بے چین ہیں۔
منیب بٹ نے اپنے انٹرویو میں یہ بھی واضح کیا کہ اگر انھیں کوئی آفر آتی ہے تو وہ بالی ووڈ میں کام کرنے کےلیے تیار ہیں، لیکن اس کےلیے صحیح اسکرپٹ اور کردار کا ہونا ضروری ہے۔ انہوں نے کہا کہ وہ کسی بھی ایسے پروجیکٹ میں شامل ہونے کےلیے تیار ہیں جو انہیں فنکارانہ طور پر چیلنج کرے۔
منیب بٹ نے بالی ووڈ میں عالیہ بھٹ کے ساتھ فلم کرنے کی افواہوں کو مسترد کردیا ہے۔ اگرچہ انہیں ایک بھارتی پنجابی فلم کی پیشکش ہوئی تھی، لیکن وہ پروجیکٹ کبھی شروع نہیں ہوسکا۔ منیب بٹ فی الحال اپنے ڈرامائی کیریئر پر توجہ مرکوز کیے ہوئے ہیں اور اپنے مداحوں کو ایک بار پھر اپنی اداکاری سے متاثر کرنے کےلیے تیار ہیں۔
یاد رہے کہ کئی پاکستانی فنکاروں نے بالی ووڈ میں اپنی صلاحیتوں کا لوہا منوایا ہے، لیکن سیاسی تناؤ کے باعث دونوں ممالک کے فنکاروں کے درمیان تعاون میں کچھ رکاوٹیں بھی ہیں۔
TagsShowbiz News Urdu.
ذریعہ: Al Qamar Online
کلیدی لفظ: بالی ووڈ میں کے ساتھ فلم کی
پڑھیں:
صوبائی جسٹس کمیٹی کے تحت انٹگریٹڈ کریمنل جسٹس سسٹم کا آغاز
صوبائی جسٹس کمیٹی کے تحت انٹگریٹڈ کریمنل جسٹس سسٹم کا آغاز WhatsAppFacebookTwitter 0 10 April, 2025 سب نیوز
لاہور(سب نیوز)صوبائی جسٹس کمیٹی کے تحت انٹگریٹڈ کریمنل جسٹس سسٹم کا آغاز ہو گیا، ایف آئی آر سے لے کر مقدمہ کے فیصلے تک مکمل ریکارڈ کا انٹگریٹڈ کریمنل جسٹس سسٹم فنکشنل ہو گیا۔
ایف آئی آر سے لے کر مقدمہ کے فیصلے تک مکمل ریکارڈ کا انٹگریٹڈ کریمنل جسٹس سسٹم کے تحت اب ون کلک پر ہوگا، چیف جسٹس لاہور ہائیکورٹ جسٹس مس عالیہ نیلم نے لاہور اور رحیم یار خان میں پائلٹ پراجیکٹس کا افتتاح کر دیا۔آئی جی پنجاب، پراسیکیوٹر جنرل پنجاب سید فرہاد علی شاہ اور چیئرمین پی آئی ٹی بی نے انٹگریٹڈ کریمنل جسٹس سسٹم کی تیاری میں چیف جسٹس مس عالیہ نیلم کو زبردست خراج تحسین پیش کیا۔
افتتاح کے موقع پر رجسٹرار لاہور ہائیکورٹ امجد اقبال رانجھا اور ڈی جی ڈسٹرکٹ جوڈیشری بھی موجود تھے، افتتاحی تقریب میں ایڈیشنل سیکرٹری داخلہ پنجاب، سیکرٹری پراسیکیوشن پنجاب، ایڈووکیٹ جنرل پنجاب امجد پرویز، پراسیکیوٹر جنرل پنجاب سید فرہاد علی شاہ شریک تھے۔ڈسٹرکٹ اینڈ سیشن جج ساہیوال عرفان احمد سعید اور ڈی جی جوڈیشل اینڈ کیس مینجمنٹ لاہور ہائیکورٹ بھی افتتاحی تقریب میں موجود تھے، آئی جی پولیس پنجاب اور ڈی آئی جی جیل خانہ جات بھی شریک ہوئے۔
تقریب سے خطاب کرتے ہوئے چیف جسٹس لاہور ہائیکورٹ جسٹس مس عالیہ نیلم نے انٹگریٹڈ کریمنل جسٹس سسٹم کو انقلابی قرار دیا اور صوبائی جسٹس کمیٹی کے ممبران کو مبارکباد دی۔چیف جسٹس مس عالیہ نیلم نے کہا کہ جب رپورٹ طلب کی گئی تو پتہ چلا لاکھوں مقدمات کے چالان عدالت میں جمع ہی نہیں ہوئے تو پھر ہم نے انٹگریٹڈ کریمنل جسٹس سسٹم کا منصوبہ لانے کا فیصلہ کیا، اس پراجیکٹ سے اب تاخیری حربے ختم ہوجائیں گے۔
اس موقع پر لاہور ہائیکورٹ کے ایڈیشنل رجسٹرار آئی ٹی جمال احمد نے انٹیگریٹڈ کریمینل جسٹس سسٹم سے متعلق شرکا کو تفصیلی بریفنگ دی۔ پراسیکیوٹر جنرل پنجاب سید فرہاد علی شاہ نے کہا کہ چیف جسٹس مس عالیہ نیلم کے ویژن سے کریمنل جسٹس سسٹم میں نکھار پیدا ہوگیا ہے، آئی جی پنجاب نے انٹگریٹڈ کریمنل جسٹس سسٹم کی تیاری میں چیف جسٹس مس عالیہ نیلم کے کردار کو سراہا۔
جڑانوالہ میں بس کی رکشہ کو ٹکر، 8 افراد جاں بحق