ملتان، سنی علماء کونسل کے زیراہتمام ملتان میں تحفظ ناموس صحابہ، حقوق اہل سنت، استحکام پاکستان کانفرنس
اشاعت کی تاریخ: 23rd, February 2025 GMT
مولانا اورنگ زیب فاروقی نے کہا کہ حق نواز جھنگوی کا مشن جاری رہے گا، صحابہ کرام کی شان کے کا دفاع کرتے رہیں گے، یہ دہشتگردی نہیں ہے، پاکستان ہمارا ملک ہے ہم اس کا تحفظ ہماری ذمہ داری ہے، اس کی قیام کے لیے ہمارے شہدا نے قربانی دی ہیں، ہم اس کی حفاظت کرتے رہیں گے۔ اسلام ٹائمز۔ سنی علما کونسل کے زیراہتمام قلعہ قاسم باغ سٹیڈیم میں عظیم الشان تحفظ ناموس صحابہ، حقوق اہل سنت، استحکام پاکستان کانفرنس کا انعقاد کیا گیا، جس میں ہزاروں کی تعداد میں کارکنان نے شرکت کی، ملک بھر سے قافلے شریک ہوئے اور مشائخ عظام، علما کرام نے خطاب کیا، ناموس صحابہ بل کے قانون بنوانے کے لیے عظیم الشان کانفرنس میں اسلام آباد کے رخ کرنے کا اعلان کیا گیا، مرکزی امیر مولانا محمد احمد لدھیانوی نے اپنے خطاب میں کہا کہ ناموس صحابہ بل کے منظور ہونے سے ملک فرقہ واریت کا خاتمہ ہو جائے گا، بل منظور نہ ہوا تو اسلام آباد کی طرف رخ کریں گے، ہماری جماعت کی عمر 40 سال ہونے والی ہے، جس دن 40 سال ہماری جماعت کو ہو گئے تو اس دن قانون ناموس صحابہ قانون بنوانے کے لیے اسلام آباد جانے کی آواز دوں گا، مولانا محمد احمد لدھیانوی نے کہا ہم صحابہ کے غلام ہیں، تحفظ ناموس رسالت، ناموس صحابہ اور پاکستان کے لیے آخر دم تک جدوجہد جاری رکھیں گے، انہوں نے کہا کہ پاکستان کے دشمنوں سے ٹکرا جائیں گے، انہوں نے کہا جو ملک کو میلی آنکھ سے دیکھے گا اس کو ہم دیکھ لیں گے۔صحابہ کے دشمنوں سے ٹکرائے تھے، پاکستان کے دشمنوں سے بھی ٹکرا جائیں گے۔
انہوں نے کہاکہ پاکستان مردہ باد کے نعرے لگانے والوں کا مقابلہ کریں گے، اہل سنت والجماعت کے مرکزی رہنما مولانا غازی اورنگزیب فاروقی نے ولولہ انگیز خطاب کیا تو پنڈال نعروں سے گونج اٹھا، مولانا اورنگ زیب فاروقی نے کہاکہ حق نواز جھنگوی کا مشن جاری رہے گا، صحابہ کرام کی شان کے کا دفاع کرتے رہیں گے، یہ دہشتگردی نہیں ہے، انہوں نے کہا کہ پاکستان ہمارا ملک ہے ہم اس کا تحفظ ہماری ذمہ داری ہے، اس کی قیام کے لیے ہمارے شہدا نے قربانی دی ہیں، ہم اس کی حفاظت کرتے رہیں گے، انہوں نے کہا پاکستان ہمارا ملک ہے یہاں فرقہ واریت نہیں ہونے دوں گا، دہشت گردی نہیں ہونے دوں گا، جمعیت علمائے اسلام) س(کے مرکزی نائب امیر مفتی حبیب الرحمن درخواستی نے کہا ہے کہ امیر عزیمت کے عظمت صحابہ کا تحفظ متفقہ مسئلہ ہے، سرکاری زعما ناموس صحابہ کے میدان کو متنازعہ نہ بنائیں، صحابہ کے بارے میں حق ادا نہیں کرو گے تو کوئی سنی تمہیں معاف نہیں کرے گا، انہوں نے کہا اہل سنت زندہ ہے مضبوط ہے۔
جماعت اہلسنت پاکستان کے مرکزی رہنما سابق وفاقی وزیر مذہبی امور صاحبزادہ سید حامد سعید کاظمی نے خطاب کرتے ہوئے کہا کہ ہم سنی ایک پلیٹ فارم پر اکٹھے ہو کر ملک کی دفاع کو مضبوط بنائیں گے، انہوں نے کہا کہ دشمنان اسلام اور دشمنان پاکستان کا ہم سے کوئی تعلق نہیں، ہم محب وطن لوگ ہیں اور محب وطن لوگوں کے ساتھ کھڑے ہیں، جو لوگ ملک میں انتشار پھیلانا چاہتے ہیں ہم کسی بھی صورت میں ان کی حمایت نہیں کر سکتے، آج کے اس اتنے بڑے تاریخ ساز اجتماع پر سنی علما کونسل کے قائدین کو خراج تحسین پیش کرتا ہوں۔
مرکزی جمعیت اہل حدیث کے مرکزی ناظم اعلی حافظ عبدالکریم نے خطاب کرتے ہوئے کہا کہ صحابہ اہل بیت اطہارکی عظمت کا دفاع ہم سب کے ایمان کا حصہ ہے، ناموس رسالت عقیدہ ختم نبوت، ناموس صحابہ و اہل بیت پر ہر چیز قربان ہے، انہوں نے کہا عظمت صحابہ و اہل بیت اطہار کے تحفظ کے لیے قانون کو حرکت میں آنا چاہیے، انہوں نے کہا کہ تحفظ ناموس صحابہ بل دونوں ایوانوں سے منظور ہو چکا ہے، اس پر عمل درآمد کرایا جائے اگر عمل درآمد نہ کیا گیا تو ہم متحد ہو کر اسلام آباد کی طرف رخ کریں گے، آزاد کشمیر حکومت کے وزیر مولانا عبداللہ شاہ مظہر نے کہا کہ کلمے کی بنیاد پر قائم مملکت الاسلامیہ پاکستان کی جغرافیائی ونظریاتی سرحدوں کا تحفظ کرتے ہوئے اسے ریاست مدینہ سے ملائیں گے، لا الہ الا اللہ کے پرچم تلے متحد ہو کر اللہ اور اس کے رسول، عظمت صحابہ کی ناموس کے تحفظ کے لئے منکرین اور گستاخوں کا مقابلہ کریں گے۔
ذریعہ: Islam Times
کلیدی لفظ: انہوں نے کہا کہ کرتے رہیں گے پاکستان کے اسلام آباد کے مرکزی صحابہ کے کا تحفظ اہل سنت کریں گے کے لیے
پڑھیں:
پاکستان کے علماء کرام نے غزہ میں مظلوم فلسطینیوں کیلئے جہاد کا اعلان کردیا، شاداب نقشبندی
دعائیہ تقریبات سے خطاب کرتے ہوئے سربراہ پاکستان سنی تحریک نے کہا کہ اسرائیلی بمباری کھلی دہشتگردی اور فلسطینیوں کی نسل کشی ہے، او آئی سی اسرائیل کے ظالمانہ، غاصبانہ اور دہشتگردانہ کاروائیوں کے خلاف جہاد فی سبیل اللہ کا اعلان کرے، اُمت مسلمہ فلسطین کے مظلوموں کے ساتھ کھڑے ہیں۔ اسلام ٹائمز۔ پاکستان سنی تحریک کے تحت ملک بھر میں سانحہ نشتر پارک اور فلسطین کے شہداء کے ایصال ثواب کیلئے قرآن خوانی اور دعائیہ تقریبات منعقد کی گئی، 11 اپریل 2006ء میں عیدمیلاد النبی (ص) کے موقع پر پاکستان سنی تحریک کی اعلیٰ قیادت سمیت 63 علماء و مشائخ کو شہید کردیا گیا تھا، جس میں پاکستان سنی تحریک کے سربراہ محمد عباس قادری، مرکزی رہنماؤں افتخار احمد بھٹی، مولانا اکرم قادری، مرکزی رابطہ کمیٹی کے ڈاکٹر عبدالقدیر عباسی و کارکنان شامل ہیں، دعائیہ تقریبات میں شہداء کی بلندی درجات کیلئے اور ملک کی سلامتی و استحکام کیلئے دعائیں کی گئیں۔ دعائیہ تقریبات سے خطاب کرتے ہوئے سربراہ پاکستان سنی تحریک محمد شاداب رضا نقشبندی نے کہا ہے کہ اسرائیلی بمباری کھلی دہشتگردی اور فلسطینیوں کی نسل کشی ہے، خیموں میں رہنے والے مظلوم جو انسانی امداد اور خوراک کیلئے پریشان حال تھے ان پر بمباری اسرائیل کی بزدلانہ حملے ہیں، اسلامی ممالک بے حسی اور خاموشی کو توڑ کر فلسطین میں اسرائیلی مظالم و مسلم نسل کشی کے خلاف آواز بلند کریں، ملک سے دہشتگردی کا خاتمہ کرنا ہے تو محب وطن قوتوں کو آگے لانا ہوگا۔
ان کا کہنا تھا کہ سانحہ نشتر پارک عید میلاد مصطفی (ص) کے شہداء کی قربانیوں کو رائیگاں نہیں جانے دینگے، سانحہ نشتر پارک کو 19 سال ہوچکے مگر اصل کرداروں کو ابھی تک گرفتار نہیں کیا جاسکا، ہمارے علماء و قائدین اہلسنت نے ملک کی سلامتی اور دہشتگردی کے خاتمے کیلئے اپنی جانوں کے نذرانے پیش کئے اور دنیا کو پیغام دیا دین کی سربلندی اور ملک کی سلامتی کے کسی بھی قسم کی قربانی دینے سے گریز نہیں کرنا چاہیئے، عدالتوں اور اداروں نے سانحہ نشتر پارک کے شہداء کے لواحقین کو انصاف نہیں دلایا جو تشویشناک عمل اور دہشتگردوں کو آکسیجن دینے کے مترادف ہے، اہلسنت ملک کی پرامن اور اکثریت ہیں مگر ہمارے ہی حقوق کو غصب کیا جارہا ہے۔ شاداب رضا نقشبندی نے کہا کہ سانحہ نشتر پارک کے شہداء کا خون رائیگاں نہیں جانے دیں گے، دہشتگردوں سے خوفزدہ ہونے والے نہیں، ملک میں رہ کر ہی عوام کی خدمت انجام دیتے رہیں گے۔ انہوں نے کہا کہ پاکستان کے علماء کرام نے غزہ میں مظلوم فلسطینیوں کیلئے جہاد کا اعلان کردیا، او آئی سی اسرائیل کے ظالمانہ، غاصبانہ اور دہشتگردانہ کاروائیوں کے خلاف جہاد فی سبیل اللہ کا اعلان کرے، اُمت مسلمہ فلسطین کے مظلوموں کے ساتھ کھڑے ہیں۔
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن