خیبرپختونخوا حکومت نے ایک سالہ کارکردگی رپورٹ جاری کردی
اشاعت کی تاریخ: 23rd, February 2025 GMT
خیبرپختونخوا حکومت نے ایک سالہ کارکردگی رپورٹ جاری کردی ہے، جس میں حکومت کی کامیابیوں کا ذکر کیا گیا ہے۔
حکومت کی جانب سے جاری رپورٹ کے مطابق بانی چئیرمین عمران خان کے وژن کے مطابق خیبرپختونخوا حکومت نے ایک سال کے دوران شاندار کارکردگی کا مظاہرہ کیا۔
یہ بھی پڑھیں خیبرپختونخوا: 2024 میں علی امین گنڈاپور حکومت کی کارکردگی کیسی رہی؟
رپورٹ میں کہا گیا ہے کہ وزیراعلیٰ علی امین گنڈاپور کی قیادت میں خیبرپختونخوا حکومت نے گزشتہ ایک سال کے دوران تعلیم کے شعبے میں بے مثال اقدامات کیے۔ صوبے کے 183 سرکاری کالجز کو 10 کے وی اے سولر سسٹم کی فراہمی کی گئی۔
رپورٹ کے مطابق ان کالجوں کو سولر سسٹم کی فراہمی سے صوبائی حکومت کو بجلی کے بلوں کی مد میں سالانہ 100 ملین روپے کی بچت ہوگی۔
اس کے علاوہ پبلک سیکٹر یونیورسٹیوں کو 4.
رپورٹ کے مطابق پاک آسٹریا فخاشولے انسٹیٹیوٹ میں ٹیکنالوجی پارک کے لیے 922 ملین روپے گرانٹ فراہم کی گئی۔ جبکہ ہائیر ایجوکیشن ریسرچ انڈومنٹ فنڈ کے تحت 27 ریسرچ پراجیکٹس کے لیے 72 ملین روپے فنڈ کی فراہمی یقینی بنائی گئی۔
کارکردگی رپورٹ میں کہا گیا ہے کہ انصاف فیمیل ایجوکیشن انڈوومنٹ فنڈ کے لیے 2 ارب روپے فراہم کیے گئے، اس فنڈ کے تحت سرکاری کالجز کے 51 ہزار 500 انٹرمیڈیٹ خواتین اور یتیم طالبات کی فیسیں ادا کی جائیں گی۔ اس کے علاوہ اسکالرشپس کو بڑھانے کے لیے چیف منسٹر ایجوکیشن انڈوومنٹ فنڈ کے سیڈ منی میں 1.3 ارب روپے کا اضافہ کیا گیا۔
رپورٹ میں کہا گیا ہے کہ ایک لاکھ پاؤنڈز تحقیقاتی فنڈنگ اے یو ایس ٹی اور برطانوی ماہرین تعلیم کے درمیان تحقیق اور علم کے تبادلے کے لیے ہوئی۔
رپورٹ کے مطابق 3 سرکاری کالجز میں جدید لیبز اور انفراسٹرکچر کی اپ گریڈیشن کے لیے 2.93 ارب روپے کی فراہمی کی گئی۔ یہ کالجز مصنوعی ذہانت، ڈیٹا سائنس، سائبر سیکیورٹی، گیمنگ اور روبوٹکس میں مارکیٹ کی بنیاد پر اپلائیڈ سائنسز پروگرام پیش کریں گے۔
رپورٹ میں کہا گیا ہے کہ گزشتہ ایک سال کے دوراں 37 نئے پرائمری اسکولز کا قیام عمل میں لایا گیا، 54 اسکولز کی اپ گریڈیشن جن میں 25 پرائمری سے مڈل، 13 مڈل سے ہائی اور 16 ہائی سے ہائیر سیکنڈری تک اپ گریڈ ہوئے۔
اس کے علاوہ 113 ناکارہ اسکولوں کی بحالی اور تعمیر نو کی گئی، جبکہ بندوبستی اور ضم اضلاع میں 831 اسکولز کو شمسی توانائی کی فراہمی یقینی بنائی گئی۔
رپورٹ کے مطابق مخلتف اسکولوں میں 734 کلاس رومز کی تعمیر کی گئی، جبکہ 3 ماڈل اسکولوں کا قیام عمل میں لایا گیا۔
رپورٹ میں کہا گیا ہے کہ ضم اضلاع میں 32 ہزار بچیوں کو وظائف کی فراہمی کی گئی۔ ضم اضلاع کے طلبا کی آرمی پبلک اسکولز میں مفت تعلیم کے لیے 130 ملین روپے فراہم کیے گئے۔
رپورٹ کے مطابق 2 داخلہ مہم کے نتیجے میں سرکاری اسکولوں میں 8 لاکھ بچوں کی انرولمنٹ ہوئی، جبکہ بچیوں کے لیے 600 کمیونٹی اسکولز کا قیام عمل میں لای گیا۔
رپورٹ کے مطابق حکومت نے 640 الٹرنیٹ لرننگ سینٹرز کا قیام عمل میں لایا، جبکہ 45 نئے ڈبل شفٹ اسکولز قائم کیے گئے اور 3 ہزار اساتذہ کو جدید تربیت فراہم کی گئی۔
یہ بھی پڑھیں خیبرپختونخوا کے عوام کارکردگی پر ووٹ دیتے تو پی ٹی آئی کی حکومت نہ بنتی، شیر افضل مروت کی پھر تنقید
رپورٹ میں کہا گیا ہے کہ 10 ہزار 985 اساتذہ کو رجسٹریشن کے پروگرام کے تحت تربیت فراہم کی گئی، جبکہ 560 سیلاب سے متاثرہ اسکولز بحال کرائے گئے، اس کے علاوہ جنوبی اضلاع میں پہلی بار لڑکیوں کے کیڈٹ کالج کا قیام عمل میں لایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایک سال خیبرپختونخوا حکومت شاندار کارکردگی علی امین گنڈاپور کارکردگی رپورٹ وزیراعلی وی نیوزذریعہ: WE News
کلیدی لفظ: ایک سال خیبرپختونخوا حکومت شاندار کارکردگی علی امین گنڈاپور کارکردگی رپورٹ وزیراعلی وی نیوز خیبرپختونخوا حکومت نے کارکردگی رپورٹ رپورٹ کے مطابق اس کے علاوہ کی فراہمی ملین روپے ارب روپے فراہم کی ایک سال کے لیے کی گئی فنڈ کے
پڑھیں:
قبر سے لیے گئے لاش کے نمونے مصطفیٰ عامر کے ہی ہیں، فارنزک لیب نے رپورٹ پولیس کے حوالے کردی، ذرائع
تفتیشی ذرائع کا کہنا ہے کہ لیب گزشتہ رات سے کام کر رہی تھی، ایمرجنسی بنیاد پر ایک روز میں رپورٹ تیار کی گئی۔ فوٹو: پی پی آئیکراچی کے علاقے ڈیفنس کے نوجوان مصطفیٰ عامر کی قبر سے لیے گئے نمونے مصطفیٰ عامر کے ہی ہیں، سندھ فارنزک لیب نے نمونوں کی رپورٹ تیار کرلی۔
ذرائع کا کہنا ہے کہ سیل کی گئی رپورٹ پولیس حکام کے حوالے کر دی گئی، لاش سے لیے گئے نمونے مصطفیٰ عامر کے ہی ہیں۔
تفتیشی ذرائع کا کہنا ہے کہ لیب گزشتہ رات سے کام کر رہی تھی، ایمرجنسی بنیاد پر ایک روز میں رپورٹ تیار کی گئی۔
شیراز نے بتایا کہ مصطفیٰ کو کئی گھنٹے تشدد کا نشانہ بنایا کپڑوں سے باندھا اورحب میں جلا دیا، منشیات کے استعمال کے بعد ارمغان نے ڈنڈا نکالا، تشدد کرنا شروع کر دیا۔
خیال رہے کہ دوستوں کے ہاتھوں قتل ہونے والے اور لاش کو حب میں لے جاکر جلانے والے نوجوان مصطفیٰ عامر کی گزشتہ روز قبر کشائی کی گئی تھی، جس کے بعد اس کی لاش سے نمونے حاصل کیے گئے تھے۔
تفتیشی حکام کا کہنا تھا کہ قبر سے مصطفیٰ عامر کی لاش نکالنے کے بعد نمونے حاصل کر لیے گئے تھے، جس کے بعد لاش کو ایدھی سرد خانے منتقل کیا گیا تھا۔
مصطفیٰ عامر کی قبر کشائی ڈاکٹر سمعیہ سید کی سربراہی اور مجسٹریٹ کی زیرِ نگرانی کی گئی تھی، حکام کا کہنا تھا کہ ڈی این اے رپورٹ کے بعد لاش کو لواحقین کے حوالے کر دیا جائے گا۔
اس موقع پر مصطفیٰ عامر کے والد بھی قبرستان میں موجود تھے۔
پولیس حکام کا کہنا ہے کہ ڈیفنس کے مختلف علاقوں میں اسپیشل انویسٹی گیشن پولیس نے چھاپہ مار کارروائیاں کی ہیں،
پولیس سرجن ڈاکٹر سمیہ سید کا میڈیا سے گفتگو کرتے ہوئے کہنا تھا کہ ڈی این اے کے لیے نمونے لے لیے گئے ہیں، لاش بہت زیادہ جلی ہوئی ہے وجہ موت کا تعین نہیں ہو سکے گا۔
پولیس سرجن کا کہنا تھا کہ نمونے لینے کے لیے بہت زیادہ مشکل ہوئی، 3 سے 7 دن میں ڈی این اے کی رپورٹ آ جائے گی۔
کیس کا پس منظر:۔واضح رہے کہ کراچی کے علاقے ڈیفنس سے 6 جنوری کو لاپتہ ہونے والے مصطفیٰ کی لاش 14 فروری کے روز پولیس کو مل گئی تھی، مصطفیٰ کو اس کے بچپن کے دوستوں نے تشدد کرنے کے بعد گاڑی میں بٹھا کر جلا دیا تھا۔
مغوی مصطفیٰ کا موبائل فون بھی ملزم ارمغان کے گھر سے ملا، موبائل فون کا بھی فارنزک کروایا جا رہا ہے۔
8 فروری کو مصطفیٰ کی بازیابی کیلئے ڈیفنس کے ایک بنگلے پر چھاپا مارا گیا تھا، گرفتار ملزم ارمغان کی فائرنگ سے ڈی ایس پی سمیت 2 اہلکار زخمی ہوئے تھے۔
23 سالہ مصطفیٰ عامر کی لاش ملنے کے بعد ڈپٹی انسپکٹر جنرل (ڈی آئی جی) سی آئی اے مقدس حیدر نے پریس کانفرنس کرتے ہوئے بتایا تھا کہ مصطفیٰ عامر کو قتل کیا گیا، مصطفیٰ ارمغان کے گھر گیا تھا وہاں لڑائی جھگڑے کے بعد فائرنگ کرکے اس کو قتل کیا گیا۔
ان کا کہنا تھا کہ مقتول کی لاش کو گاڑی کی ڈگی میں ڈال کر حب لے جایا گیا، لاش کو گاڑی میں جلایا گیا، ملزمان نے لاش کی نشاندہی کی، اب تک کی تحقیقات کے مطابق ارمغان اور شیراز نے گاڑی کو آگ لگائی۔
جس طرح ہم ملک چلا رہے ہیں ایسے تو پرچون کی دکان بھی نہیں چلتی: مصدق ملک