دبئی میں چیمپئنز ٹرافی کا ہائی وولٹیج معرکہ، پاکستان نے بھارت کو جیت کیلئے 242 رنز کا ہدف دیدیا
اشاعت کی تاریخ: 23rd, February 2025 GMT
دبئی میں چیمپئنز ٹرافی کا ہائی وولٹیج معرکہ، پاکستان نے بھارت کو جیت کیلئے 242 رنز کا ہدف دیدیا WhatsAppFacebookTwitter 0 23 February, 2025 سب نیوز
دبئی (سب نیوز)چیمپئنزٹرافی کے سب سے بڑے مقابلے میں پاکستان اوربھارت دوبئی میں مدمقابل ہیں، پاکستانی ٹیم بھارت کے خلاف بڑا اسکور کرنے میں ناکام رہی، پوری ٹیم دوسو اکتالیس رنز پر پویلین لوٹ گئی۔ کپتان محمد رضوان اور سعود شکیل کا کسی نے ساتھ نہ دیا۔
رضوان نے چھیالیس جبکہ سعود نے باسٹھ رنز بنائے۔ بابر اعظم اور امام الحق کا بلا ایک بار پھر نہ چلا۔چیمپئنز ٹرافی کے ہائی وولٹیج میچ میں پاکستان نے بھارت کے خلاف ٹاس جیت کر پہلے بیٹنگ کرنے کا فیصلہ کیا۔ پاکستان نے بھارت کو جیت کے لیے 242 رنز کا ہدف دے دیا۔ پاکستان کی ٹیم 50 اوورز مکمل نہ کھیل سکی۔گرین شرٹس کی پہلے بیٹنگ کے دوران ابتدائی دو وکٹیں سینتالیس رنز پر گریں، بابراعظم تئیس رنز بناکر چلتے بنے ان کے ساتھ امام الحق بھی غیر ضروری رن لیتے ہوئے وکٹ گنوابیٹھے۔تیسری وکٹ پر کپتان محمد رضوان اور سعود شکیل نے ایک سو چار رنز کا اضافہ کیا۔ رضوان چھیالیس اور پھر سعود باسٹھ رنز بناکر پویلین لوٹے۔ رضوان اور سعود کی پارٹنرشپ ٹوٹنتے ہی پاکستان کی وکٹیں گرنے لگیں۔
طیب طاہر بھی چار رنز پر چلتے بنے۔ سلمان آغا 19 رنز بنا کر آٹ ہوئے۔ ان کے بعد آنے والے شاہین آفریدی بغیر کوئی رن بنائے آوٹ ہوئے۔نسیم شاہ صرف 14 رنز بنا سکے۔ بھارت کی جانب سے بالرمحمد شامی نے پہلے اوور میں پانچ وائڈ گیندیں کروادیں۔ پاکستان کی نویں وکٹ 241کے اسکور پرگری۔ خوشدل شاہ نے 38 رنزکی ذمہ دارانہ اننگز کھیلی۔پاکستان نے بھارت کیخلاف 49.
ذریعہ: Daily Sub News
کلیدی لفظ: پاکستان نے بھارت رنز کا
پڑھیں:
چیمپئنز ٹرافی: پاکستان کا بھارت کیخلاف ٹاس جیت کر بیٹنگ کا فیصلہ
چیمپئنز ٹرافی کے ہائی وولٹیج میچ میں پاکستان نے بھارت کے خلاف ٹاس جیت کر بیٹنگ کا فیصلہ کیا ہے۔دبئی انٹرنیشنل کرکٹ اسٹیڈیم میں کھیلے جارہے اس میچ میں بھارتی ٹیم پہلے فیلڈنگ کرے گی۔ٹاس کے موقع پر گفتگو کرتے ہوئے قومی ٹیم کے کپتان محمد رضوان نے کہا کہ ہماری ٹیم آج کے میچ میں اچھی کارکردگی دکھائے گی، ٹیم میں ایک تبدیلی ہے ، فخرزمان کی جگہ امام الحق کو شامل کیا گیا ہے۔محمد رضوان نے کہا کہ اسکور بورڈ پر اچھا ٹوٹل سجائیں گے۔پاکستان کی پلیئنگ الیون میں بابراعظم ، امام الحق ، سعود شکیل ، محمد رضوان، آغا سلمان، طیب طاہر، خوشدل شاہ، ابرار احمد ، نسیم شاہ ، شاہین آفریدی اور حارث رؤف شامل ہیں۔خیال رہے کہ ٹورنامنٹ میں رہنے کے لیے پاکستان کو بھارت کے خلاف یہ میچ جیتنا ضروری ہے، ہارنے کی صورت میں پاکستان ٹورنامنٹ سے باہر ہوسکتا ہے۔اس سے قبل پاکستان نیوزی لینڈ کے خلاف اپنا افتتاحی میچ ہار چکا ہے جب کہ بھارتی ٹیم کو افغانستان کے خلاف کامیابی ملی تھی۔
کینیڈا میں مسافر طیارہ لینڈنگ کے دوران حادثے کا شکار، متعدد مسافر زخمی