آزاد اور خودمختار ہونے کیلئے مالی لحاظ سے خود کفیل ہونا ضروری ہے، علی امین گنڈا پور
اشاعت کی تاریخ: 23rd, February 2025 GMT
آزاد اور خودمختار ہونے کیلئے مالی لحاظ سے خود کفیل ہونا ضروری ہے، علی امین گنڈا پور WhatsAppFacebookTwitter 0 23 February, 2025 سب نیوز
پشاور (آئی پی ایس )وزیر اعلی خیبر پختونخوا علی امین گنڈا پور نے کہا ہے کہ ہمیں آزاد اور خودمختار ہونے کے لیے مالی لحاظ سے خود کفیل ہونا ضروری ہے۔ ہماری حکومت غذائی پیداوار اور غذائی تحفظ پر خصوصی توجہ مرکوز کئے ہوئے ہے۔وزیر اعلی خیبر پختونخوا علی امین خان گنڈاپور نے پشاور میں ایگریکلچر ریسرچ انسٹیٹیوٹ ترناب کا دورہ کیا اور وہاں سنٹر آف ایکسیلینس کا افتتاح کیا۔
وزیر اعلی خیبر پختونخوا اس موقع پر محکمہ زراعت کو 90موٹر سائیکل ، 6ٹریکٹرز اور 6منی ٹرکس کی چابیاں حوالہ کیں۔وزیر اعلی نے لگائے گئے سٹال کا دورہ کیا ۔صوبے میں پیدا ہونے والی زرعی اجناس اور اشیا کا جائزہ لیا۔تقریب سے خطاب میں وزیر اعلی علی امین گنڈا پور نے کہا کہ غذائی پیداوار کو بڑھانے کے لیے تحقیق نہایت ضروری ہے۔ سنٹر آف ایکسیلنس اس سلسلے میں معاون و مددگار ثابت ہوگا۔انہوں نے کہا کہ گزشتہ ایک سال کے دوران مختلف منصوبوں کی تکمیل سے چار لاکھ کنال زمین کو زیر کاشت لایا جا چکا ہے جبکہ رواں سال مزید چار لاکھ ایکڑ زمین کو زیر کاشت لایا جائے ۔وزیر اعی نے کہا کہ ٹیکنیکل پوسٹوں پر بھی متعلقہ علاقے کے لوگوں کو تعینات کیا جائے تاکہ وہ ڈیلیور کر سکیں۔
.ذریعہ: Daily Sub News
کلیدی لفظ: علی امین گنڈا پور وزیر اعلی ضروری ہے نے کہا
پڑھیں:
گوادر بندرگاہ گیٹ وے، ترقی کیلئے ڈائیلاگ ضروری، زرداری، لاہور پہنچ گئے
اسلام آباد (نمائندہ خصوصی) صدر آصف علی زرداری نے 5 ویں بین الاقوامی ورکشاپ برائے قیادت اور استحکام کے شرکاء سے خطاب میں کہا ہے کہ جامع اور پائیدار ترقی کیلئے ممالک کے درمیان تعاون کے فروغ کی ضرورت ہے۔ صدر مملکت نے موسمیاتی تبدیلی، غربت اور غلط معلومات جیسے چیلنجز سے نمٹنے کیلئے عالمی تعاون اور شراکت داری پر زور دیا۔ صدر مملکت نے کہا کہ پاکستان وسطی ایشیائی ممالک کے لیے گیٹ وے کی حیثیت رکھتا ہے۔ مشترکہ ترقی اور خوشحالی کیلئے وسطی ایشیائی ممالک گوادر بندرگاہ سے مستفید ہو سکتے ہیں۔ صدر مملکت کا علاقائی روابط اور اقتصادی تعاون کے لیے پاکستان کے عزم کا اعادہ ایک مستحکم دنیا مشترکہ ترقی کے لیے ناگزیر ہے۔ دنیا کو اقتصادی، ماحولیاتی، سکیورٹی، غلط معلومات اور تکنیکی چیلنجز کا سامنا ہے، موجودہ عالمی چیلنجز سے نمٹنے کے لیے عالمی تعاون درکار ہے۔ ورکشاپ کا انعقاد نیشنل ڈیفنس یونیورسٹی اسلام آباد کی جانب سے کیا گیا، ورکشاپ میں مختلف شعبوں سے تعلق رکھنے والے64 غیر ملکی اور 32 پاکستانی شرکت کر رہے ہیں۔ کورس میں کاروباری رہنماؤں، سفارت کاروں، سرکاری حکام، تھنک ٹینکس اور میڈیا کے نمائندوں نے شرکت کی۔ نیشنل ڈیفنس یونیورسٹی دنیا بھر سے پارلیمنٹرینز، پالیسی سازوں، سفارت کاروں اور سینئر ایگزیکٹوز کے لیے ورکشاپ کا انعقاد کرتی ہے۔ علاوہ ازیں صدر مملکت آصف علی زرداری دو روزہ دورے پر لاہور پہنچ گئے۔ ذرائع کے مطابق آصف علی زرداری گورنر ہاؤس میں وزیر اعظم شہباز شریف سے ملاقات کریں گے۔ ملاقات میں پیپلز پارٹی کو پنجاب میں درپیش مسائل پر تبادلہ خیال کیا جائے گا۔ آصف علی زرداری پیپلز پارٹی پنجاب کے رہنماؤں سے ملاقاتیں بھی کریں گے۔ امید کی جا رہی ہے کہ پنجاب میں پیپلز پارٹی بالخصوص گورنر پنجاب کے شکوے دور کئے جائیں گے۔ پیپلز پارٹی اور ن لیگ کے درمیان سیاسی سرد جنگ ختم ہو گی۔ صدر آصف علی زرداری مفاہمتی راستہ نکالیں گے۔ صدر مملکت اتوار کو لاہور ریس کلب میں ہونے والی ڈربی ریس میں بطور مہمان خصوصی شرکت بھی کریں گے۔
بین الاقوامی اصولوں میں کہیں نہیں لکھا کہ سویلنز کا کورٹ مارشل نہیں ہو سکتا، جسٹس نعیم اختر افغان کے ریمارکس