بابر اعظم نے بھارت کیخلاف میچ میں بڑا اعزاز حاصل کر لیا
اشاعت کی تاریخ: 23rd, February 2025 GMT
پاکستان کے اسٹار بلے باز بابر اعظم نے روایتی حریف بھارت کے خلاف چیمپئنز ٹرافی میچ میں بڑا اعزاز اپنے نام کر لیا ہے۔پاکستان کے اسٹار بلے باز بابر اعظم نے چیمپئنز ٹرافی میں بھارت کے خلاف اہم میچ میں بیٹنگ کے لیے کریز پر موجود ہیں تاہم انہوں نے آغاز میں ہی ایک اہم اعزاز حاصل کر لیا ہے۔بابر اعظم نے انٹرنیشنل کرکٹ کونسل (آئی سی سی) ون ڈے ایونٹس میں ایک ہزار رنز مکمل کر لیے ہیں۔بابر اعظم نے بھارت کے خلاف اس میچ میں 23 رنز بنائے۔ انہیں ہاردک پانڈیا نے وکٹ کیپر کے ایل راہول کی مدد سے آؤٹ کیا۔ قومی بیٹر نے مختصر اننگ میں پانچ چوکے لگائے.
ذریعہ: Nawaiwaqt
کلیدی لفظ: میچ میں
پڑھیں:
بھارت کے خلاف جیت کیلیے کھلاڑیوں کو پرفارم کرنا ہوگا، شاہد آفریدی
کراچی: قومی کرکٹ ٹیم کے سابق کپتان شاہد خان آفریدی کاکہنا ہے کہ بھارت کے خلاف جیت کے لیے کھلاڑیوں کو بھرپور پرفارم کرنا ہوگا، خود اعتمادی ہی ہمیں کامیابی دلائے گی اور اگر کسی بھی کھلاڑی کو ہیرو بننا ہے، تو بھارت کے خلاف بہترین کارکردگی دکھانی ہوگی۔
میڈیا سے گفتگو کرتے ہوئے شاہد آفریدی نے کہا کہ انہوں نے بطور کپتان محمد رضوان کو ہمیشہ سپورٹ کیا اور وہ وکٹ کیپر بیٹر کے طور پر سب سے بہترین انتخاب ہیں، تمام فاسٹ بولرز کو اظہر محمود کے ساتھ مل کر ایک مضبوط پلان بنانا ہوگا۔
شاہد آفریدی کاکہناتھا کہ ہماری ٹیم میں میچ ونرز کی کمی محسوس ہو رہی ہے، ہر کھلاڑی کو اپنی ذمہ داری نبھانی ہوگی، یہ غلط ہے کہ صرف بابر اعظم اور فخر زمان پر جیت کی ذمہ داری چھوڑ دی جائے۔
انہوں نے مزید کہا کہ بھارت کے خلاف بابر اعظم اور امام الحق کو اوپننگ کرنی چاہیے کیونکہ بابر لمبی اننگز کھیلنے کی صلاحیت رکھتے ہیں اور ماضی میں وہ ایسا کر چکے ہیں، بھارت کی فرسٹ کلاس کرکٹ کو 100 سال ہو چکے ہیں اور ان کا وہی نظام چل رہا ہے جبکہ ہمارے کرکٹ بورڈ میں چیئرمین بدلتے ہی پورا نظام تبدیل کر دیا جاتا ہے۔
چیمپئینز ٹرافی؛ ہمارا جھنڈا کیوں نہیں لگایا، بھارت کو نیا اعتراض