ہمیں رہبر معظم نے لبنانی عوام تک تعزیت اور ہمدردی کا پیغام پہنچانے کی ذمہ داری سونپی ہے، حجت الاسلام اختری
اشاعت کی تاریخ: 23rd, February 2025 GMT
رہبر انقلاب اسلامی کے فرمان کے مطابق آج کا دن ثابت کرے گا کہ عوام اس عظیم ہستی سے کس حد تک عشق اور محبت کرتے ہیں اور اگرچہ ان کی تدفین کی جائے گی، لیکن ان کی روح اور مکتب جہاد اور مزاحمت کی علامت کے طور پر زندہ رہے گا۔ اسلام ٹائمز۔ لبنان میں شہید سید حسن نصر اللہ اور شہید ہاشم صفی الدین کی تشیع جنازہ میں رہبر معظم انقلاب کی نمائندگی کرنے والے وفد کے رکن حجت الاسلام اختری نے کہا ہے کہ یہ غمم انگیز اور تاریخی دن مزاحمت کے عظیم شہید حجت الاسلام و المسلمین علامہ سید حسن نصر اللہ کے مقدس اور پاکیزہ جسم کی تدفین کا دن ہے اور میں لبنان، دنیا کے تمام لوگوں اور حزب اللہ اور مزاحمت سے محبت رکھنے والوں سے تعزیت پیش کرتا ہوں۔
ان کا کہنا تھا کہ ہمیں رہبر معظم حضرت آیت اللہ امام خامنہ ای کی جانب سے ایک وفد کے ساتھ اس تقریب میں شرکت، لبنان کے عوام کے تئیں ان کا تعزیتی اور ہمدردی کا پیغام پہنچانے اور جنازے میں شرکت کی ذمہ داری سونپی گئی ہے، یہ تقریب ایک تاریخی موڑ ثابت ہو گی اور ایک بار پھر یہ ظاہر کرتی ہے کہ لبنانی عوام اور سید حسن نصر اللہ سے محبت رکھنے والے دنیا کے 80 سے زائد ممالک کی یہاں موجودگی کے مزاحمت کےساتھ ایک عظیم الشان وابستگی کی علامت ہے۔
ان کا کہنا تھا کہ اتنی بڑی تعداد میں لوگوں کی شرکت اس عظیم شہید کے مقام و مرتبہ، مقبولیت اور عظمت کو ظاہر کرتی ہے، جس نے اپنی زندگی جہاد، قربانی اور مزاحمت کے لیے وقف کر دی اور آخری دم تک مردانہ وار اس راستے پر ڈٹے رہے۔ رہبر انقلاب اسلامی کے فرمان کے مطابق آج کا دن ثابت کرے گا کہ عوام اس عظیم ہستی سے کس حد تک عشق اور محبت کرتے ہیں اور اگرچہ ان کی تدفین کی جائے گی، لیکن ان کی روح اور مکتب جہاد اور مزاحمت کی علامت کے طور پر زندہ رہے گا۔
حجت الاسلام اختری نے کہا کہ دشمنوں نے ویزہ کے مسائل اور سفری پابندیوں جیسی رکاوٹیں اور پتھراؤ کے ذریعے لاکھوں لوگوں کی موجودگی کو روکنے کی کوشش کی لیکن اس کے باوجود یمن، عراق، بحرین اور اسلامی جمہوریہ ایران سمیت 80 ممالک کے لوگوں نے تقریب میں شرکت کی، اس تاریخی واقعہ نے دنیا کے لوگوں کے لیے مزاحمت اور استقامت کی اہمیت کو ثابت کیا اور یہ ظاہر کیا کہ حزب اللہ کا مکتب اور سید حسن نصر اللہ کا جذبہ جہاد جاری رہے گا اور دشمن اس عظمت سے خوفزدہ ہیں۔
ذریعہ: Islam Times
کلیدی لفظ: سید حسن نصر اللہ حجت الاسلام اور مزاحمت
پڑھیں:
حسن نصر اللہ کی نماز جنازہ کل ہوگی؛ شرکت کیلیے بیروت کی تمام ٹکٹس فروخت
حسن نصر اللہ کی نماز جنازہ کل ہوگی؛ شرکت کیلیے بیروت کی تمام ٹکٹس فروخت WhatsAppFacebookTwitter 0 22 February, 2025 سب نیوز
بیروت (آئی پی ایس )لبنان میں کل 23 فروری کو حزب اللہ کے شہید سربراہ حسن نصراللہ کی نماز جنازہ ادا اور تدفین کی جائے گی۔اسرائیلی بمباری میں شہید ہونے والے حسن نصر اللہ کی نماز جنازہ اور تدفین میں شرکت کے لیے دنیا بھر سے لوگ لبنان جانے کی تیاریاں کر رہے ہیں۔عراق کے دارالحکومت بغداد سے لبنان کے دارالحکومت بیروت کے لیے تمام پروازوں کے ٹکٹس فروخت ہو چکے ہیں۔حسن نصر اللہ کی نماز جنازہ پاکستانی وقت کے مطابق شام 4 بجے بیروت کے ایک اسپورٹس اسٹیڈیم میں ادا کی جائے گی۔
عرب میڈیا کے مطابق حسن نصر اللہ کے جسد خاکی کو بیروت میں ائیرپورٹ روڈ کیقریب سپرد خاک کیا جایے گا۔حسن نصر اللہ کے ساتھ ہی ان کے جانشین شہید ہاشم صفی الدین کی نماز جنازہ بھی ساتھ ادا کی جاییگی۔یاد رہے کہ حزب اللہ کے سربراہ حسن نصر اللہ کو 27 ستمبر 2024 کو تنظیم کے زیر زمین ہیڈ کوارٹر پر بمباری کرکے اسرائیلی فوج نے شہید کیا تھا۔حسن نصر اللہ کی جگہ حزب اللہ کی قیادت ہاشم صفی الدین نے سنبھالی تاہم انھیں بھی اگلے ہی ماہ اکتوبر 2024 کو شہید کردیا گیا تھا۔حزب اللہ کے ان دونوں رہنماوں کو مخصوص افراد کی موجودگی میں نماز جنازہ ادا کرنے کے بعد نا معلوممقام پر سپرد خاک کیا گیا تھا۔
کراچی، واٹر ٹینکر کی ٹکر سے شہری جاں بحق، مشتعل افراد نے 5 ٹینکرز کو آگ لگادی