لاہور: اجتماعی شادی کی تقریب، 23 جوڑے بندھن میں بندھ گئے، دلہن کےلیے5 لاکھ روپے گھریلو سامان کا تحفہ
اشاعت کی تاریخ: 23rd, February 2025 GMT
لاہور منہاج ویلفیئر فاؤنڈیشن کے زیر اہتمام شادیوں کی اجتماعی تقریب میں 23 جوڑے رشتہ ازدواج میں منسلک ہوگئے، ہر دلہن کے لیے 5 لاکھ روپے کے گھریلو سامان کا تحفہ دیا گیا
رپورٹ کے مطابق پروفیسر ڈاکٹر حسین محی الدین قادری، خرم نواز گنڈا پور، سید امجد علی شاہ نے نوبیاہتا جوڑوں کو تحائف دیے، منہاج القرآن کے سکالر علامہ غلام مرتضیٰ علوی کی سربراہی میں نکاح پڑھایا گیا۔
سید امجد علی شاہ،نوراللہ صدیقی،قاری ریاست،طیب ضیاء و دیگر رہنماؤں نے باراتوں کا استقبال کیا، منہاج القرآن کے بانی و سرپرست اعلیٰ شیخ الاسلام ڈاکٹر طاہر القادری نےمبارک باد دی۔
ڈاکٹر طاہر القادری نے کہاکہ نکاح جیسی مبارک سنت کی پیروی میں مدد کرنا مستحسن عمل ہے۔
ڈائریکٹر سید امجد علی شاہ نے شادیوں کی اجتماعی تقریب کے انتظامات کے حوالے سے بریفنگ دی، منہاج القرآن انٹرنیشنل کے صدر پروفیسر ڈاکٹر حسین محی الدین قادری نے مثالی انتظامات پر سید امجد علی شاہ کو مبارک دی۔
.ذریعہ: Express News
کلیدی لفظ: سید امجد علی شاہ
پڑھیں:
بڑھاپے میں پسند کی شادی بزرگ جوڑے کا جرم بن گیا
مشتاق بھٹہ: لودھراں میں پسندکی شادی کرنے والی 53 سالہ خاتون کے بھتیجوں نے حملہ کرکے اپنی نوبیاہتا پھپھو کو اغواء کرلیا۔مزاحمت پر بزرگ دلہن پر بہیمانہ تشدد کرے شدید زخمی کردیا، لہولہان خاتوں کو حملہ آور بھتیجےمبینہ اغوا کرکےلے گئے۔
اطلاع پر قریشی والا پولیس نے ملزمان کے گھرپر چھاپہ مارا، تشدد سے چُور خاتون انتہائی ابتر حالت میں بازیاب کی گئی جنہیں ضلعی ہسپتال منتقل کردیا گیا ہے۔
چین کا فلپائنی طیاروں پر سرحدی حدود کی خلاف ورزی کا الزام
شوہررمضان کے مطابق نذیر خاتون نے تین ماہ قبل اپنی پسند سے رمضان سے نکاح کیا ، نکاح کے بعد ہم عمرے کی ادائیگی کیلئے سعودی عرب چلےگئے۔ تین روز قبل آئے تو تونذیرخاتون کے بھتیجوں نے حملہ کرکے اغواء کرلیا۔
دوسری جانب نذیر بی بی کا کہنا ہے کہ میں 10سال سے بیوہ تھی ،چار بچے ہیں جن کی شادی کرچکی ہوں، مجھے جانوروں کی طرح زمین پر لٹا کر مارا گیا ۔ اُن کا کہنا تھا کہ ہم نے اپنے بچوں کی مرضی سے عدالت میں نکاح کیا ہے۔
آئی سی سی چیمپین ٹرافی کا آج لاہور میں پہلا ٹاکرا، آسٹریلیا بمقابلہ انگلینڈ
پولیس کی جانب سے چار ملزمان کے خلاف اغواء کا مقدمہ درج کر کے ایک ملزم گرفتارکرلیاگیا ہے۔ڈی پی او کامران ممتاز کا کہنا ہے کہ ملزمان کے خلاف سخت کارروائی ہوگی ۔
تحریک انصاف کی ایک بار پھر اسٹیبلشمنٹ سے بیک چینل مذاکرات کی کوششیں، پارٹی سیکرٹری اطلاعات کی تردید