سمندر کے راستے شہریوں کو موریطانیہ سے یورپ بھجوانے والے 5 انسانی اسمگلرز گرفتار
اشاعت کی تاریخ: 23rd, February 2025 GMT
سمندر کے راستے شہریوں کو موریطانیہ سے یورپ بھجوانے والے 5 انسانی اسمگلرز گرفتار WhatsAppFacebookTwitter 0 23 February, 2025 سب نیوز
کراچی: سمندر کے راستے شہریوں کو موریطانیہ سے یورپ بھجوانے والے 5 انسانی اسمگلرز گرفتار کر لیے گئے۔
ایف آئی اے گجرانوالہ زون کے مطابق سمندر کے راستے شہریوں کو موریطانیہ سے یورپ بھجوانے میں ملوث 4 انسانی سمگلرز سمیت 5 ملزمان کو گرفتار کیا گیا ہے، جن کی شناخت منور حسین، قمر عباس، حافظ شاہد، محمد طاہر اور ساجد حسین کے نام سے ہوئی ہے۔
ملزمان کو منڈی بہاؤالدین کے مختلف علاقوں سے گرفتار کیا گیا، ملزم منور حسین، قمر عباس، حافظ شاہد اور محمد طاہر شہریوں کو سمندر کے راستے اسپین بھجوانے میں ملوث ہیں، ملزمان نے متاثرین کو پہلے وزٹ ویزے پر موریطانیہ بھجوایا گیا۔
ایف آئی اے کے مطابق ملزمان نے متاثرین کو کشتی کے ذریعے موریطانیہ سے اسپین اسمگل کرنے کی کوشش کی، تاہم شہریوں نے کشتی کے ذریعے سفر کرنے سے انکار کر دیا اور وطن واپس آ گئے، ملزمان نے متاثرین سے بیرون ملک بھجوانے کے لیے فی کس 25 لاکھ سے 40 لاکھ روپے ہتھیائے، متاثرین کا تعلق منڈی بہاؤالدین کے علاقے ککھ تراڑ اور منگٹ سے ہے۔
مسافروں کا سمندر کے راستے یورپ کے غیر قانونی سفر سے انکار، موریطانیہ سے واپسی
ملزم ساجد حسین ’صائم ٹریول اینڈ ٹورز‘ کے نام سے غیر قانونی ٹریول ایجنسی چلا رہا تھا، چھاپا مار کارروائی میں ملزم سے 10 پاسپورٹس اور موبائل فون برآمد ہوا، ملزم پاسپورٹس کے حوالے سے حکام کو مطمئن نہ کر سکا۔ ایف آئی اے کا کہنا ہے کہ ملزمان کو گرفتار کر کے تفتیش کا آغاز کر دیا گیا ہے اور ان کی نشان دہی پر مزید گرفتاریاں متوقع ہیں۔
ڈائریکٹر گجرانوالہ زون عبدالقادر قمر کے مطابق کشتی حادثات میں ملوث عناصر کے خلاف کریک ڈاؤن جاری ہے، انسانی اسمگلنگ کے نیٹ ورک کے خلاف کارروائیاں مزید تیز کر دی گئی ہیں، معصوم جانوں سے کھیلنے والوں کو انصاف کے کٹہرے میں لایا جائے گا۔
ذریعہ: Daily Sub News
پڑھیں:
اسلام آباد پولیس کا چیمپئنز ٹرافی کیلئے چار روزہ خصوصی ٹریفک پلان جاری، شہریوں کو متبادل راستے اختیار کرنے کی ہدایت
اسلام آباد پولیس کا چیمپئنز ٹرافی کیلئے چار روزہ خصوصی ٹریفک پلان جاری، شہریوں کو متبادل راستے اختیار کرنے کی ہدایت WhatsAppFacebookTwitter 0 23 February, 2025 سب نیوز
اسلام آباد (سب نیوز)ٹریفک پولیس نے آئی سی سی چیمپئنز ٹرافی 2025 کے دوران ٹریفک کی روانی کو یقینی بنانے کے لیے خصوصی ٹریفک پلان جاری کر دیا ہے، جس کے تحت 351 افسران تعینات کیے گئے ہیں۔پلان کے مطابق 24 سے 27 فروری تک صبح 7 بجے سے رات 1:30 بجے تک بھاری ٹریفک کے داخلے پر پابندی عائد ہوگی۔ مسافروں کی سہولت کے لیے متبادل راستے فراہم کیے گئے ہیں۔
اسلام آباد پولیس کی جانب سے ہدایت کی گئی ہے کہ پشاور سے لاہور جانے والی بھاری ٹریفک ٹیکسلا موٹر وے اور ترنول پھاٹک کے ذریعے فتح جنگ موٹر وے استعمال کرے، جبکہ لاہور سے جی ٹی روڈ کے راستے اسلام آباد اور راولپنڈی آنے والی ٹریفک چک بیلی روڈ سے چکری موٹر وے کی طرف جائے۔اسی طرح، پشاور سے روات جانے والی گاڑیاں ٹیکسلا موٹر وے، چکری، چک بیلی روڈ اور روات کا راستہ اختیار کریں، جبکہ لاہور سے پشاور جانے والے مسافر روات، چک بیلی روڈ، چکری اور ٹیکسلا موٹر وے کا راستہ استعمال کریں۔انتظامات کے باعث سری نگر ہائی وے اور ایکسپریس وے پر ٹریفک دباو کا امکان ہے، اس لیے شہریوں کو متبادل راستے اختیار کرنے کی ہدایت کی گئی ہے۔ مختلف مقامات پر ٹریفک پولیس کے اہلکار تعینات ہوں گے تاکہ مسافروں کو رہنمائی فراہم کی جا سکے۔شہری ٹریفک سے متعلق تازہ ترین معلومات اور رہنمائی کے لیے آئی ٹی پی ہیلپ لائن 1915 پر رابطہ کر سکتے ہیں یا ایف ایم ریڈیو 92.4 پر اپڈیٹس سن سکتے ہیں۔ مزید معلومات کے لیے سوشل میڈیا چینلز پر بھی اپڈیٹس فراہم کی جائیں گی۔
ایران کے جوہری پروگرام کیلئے دو آپشن ہیں، لینڈزی گراھم