پمز ہسپتال میں مریضوں کو بہترین سہولیات کی فراہمی کیلئے حکومت کا احسن اقدام
اشاعت کی تاریخ: 23rd, February 2025 GMT
پمز ہسپتال میں مریضوں کو بہترین سہولیات کی فراہمی کیلئے حکومت کا احسن اقدام WhatsAppFacebookTwitter 0 23 February, 2025 سب نیوز
اسلام آباد (سب نیوز) وفاقی دارالحکومت کے سب سے بڑے سرکاری ہسپتال پمز میں مریضوں کو بہترین سہولیات کی فراہمی کیلئے حکومت کا احسن اقدام ،وزیراعظم محمد شہباز شریف کی خصوصی ہدایت پر پاکستان انسٹیٹیوٹ آف میڈیکل سائنسز پمز ہسپتال کی تعمیر کے 40 سال بعد بڑے پیمانے پر ہسپتال کی مرمت اور انفراسٹرکچر کو بہتر بنانے کا کام شروع کر دیا گیا۔
ہسپتال کی مرمت اور دیگر سہولیات میں بہتری کیلئے وفاقی حکومت نے 400 ملین کی گرانٹ منظور کرنے کے بعد 250 ملین کی گرانٹ جاری کر دی ہے۔
وزیر اعظم کے کوارڈینیٹر برائے صحت ڈاکٹر مختار برتھ، سیکرٹری وزارت صحت ندیم محبوب کی خصوصی دلچسپی اور کاوشوں سے ہسپتال کی مرمت کا باقاعدہ آغاز کیا گیا۔ابتدائی طور پر ہسپتال کی چھتوں کی مرمت کا کام شروع کیا گیا ہے ۔
منصوبے پر تکمیل کا کنٹریکٹ وفاقی ترقیاتی ادارہ( سی ڈی اے) کو دیا گیا ہے۔ ایگزیکٹو ڈائریکٹر پمز پروفیسر ڈاکٹر عمران سکندر کی نگرانی میں سی ڈی اے پمز ہسپتال کی مرمت کے منصوبے کو آئندہ دو ماہ میں مکمل کرے گا۔منصوبے میں ہسپتال کے وارڈ کی مرمت سمیت دیگر کام بھی مکمل کیا جائے گا۔ وفاقی دارالحکومت کے سب سے بڑے سرکاری ہسپتال پمز کی تعمیر 1985 میں کی گئی تھی جس کے بعد بڑے پیمانے پر پہلی بار مرمت کا شروع کیا گیا ہے ۔ہسپتال میں ملک کے مختلف علاقوں سے آئے ہوئے ہزاروں مریضوں کا علاج کیا جاتا ہے۔قبل ازیں ہسپتال کیلئے نئے سٹریچر ،ویل چیئرز ،مریضوں کے لواحقین کیلئے بینچ لگانے سمیت تمام دیگر سہولیات کو بہتر بنایا گیا تھا ۔
ذریعہ: Daily Sub News
کلیدی لفظ: پمز ہسپتال
پڑھیں:
کراچی: کئی علاقوں میں 3 دن کیلئے پانی کی فراہمی معطل
— فائل فوٹوکراچی کے کئی علاقوں میں 72 گھنٹے کے لیے پانی کی فراہمی معطل رہے گی۔
ترجمان واٹر بورڈ کارپوریشن کے مطابق منوں گوٹھ، گلشن اقبال،پیلی کوٹھی اور لیاقت آباد میں متاثرہ لائنوں پر کام جاری ہے۔
ترجمان کا کہنا ہے کہ ایف ٹی ایم کی 48 انچ ڈایا لائن، سی ٹی ایم 54 انچ ڈایا لائن کی مرمت کی جارہی ہے، پانی کی لائنوں کا مرمتی کام 72 گھنٹوں میں مکمل کرلیا جائے گا۔
واٹر کارپوریشن کے مطابق لیاقت آباد، ناظم آباد، پاک کالونی، گولیمار، شیر شاہ، اولڈ سٹی ایریا میں پانی کی سپلائی معطل ہوگی جبکہ لانڈھی، کورنگی، پی اے ایف بیس مسرور میں پانی کی فراہمی جزوی طور پر معطل رہے گی۔
راشد منہاس روڈ پر جوہر موڑ کے قریب سیوریج کا پانی جمع ہونے سے ٹریفک کی روانی متاثر ہوگئی، جوہر موڑ سے نیپا جانے والے ٹریک پر ٹریفک جام ہوگیا۔
ترجمان واٹر بورڈ کارپوریشن نے عوام سے اپیل کی ہے کہ اگلے 72 گھنٹے پانی احتیاط سےاستعمال کریں۔
ترجمان کی جانب سے بتایا گیا ہے کہ شہر کو یومیہ 650 ایم جی ڈی پانی فراہم کیا جاتا ہے، مرمتی کام کے باعث شہر کو یومیہ 250 ایم جی ڈی پانی کی کمی کا سامنا ہوگا۔
ترجمان کے مطابق شہر کو 400 ایم جی ڈی پانی کی فراہمی معمول کے مطابق جاری رہے گی۔
عمران خان کے آرمی چیف کو مبینہ خط پر شاہد خاقان عباسی بھی بول پڑے