وزیرآباد: ولیمہ کے دن خوشیوں کاگھر ماتم کدہ بن گیا
اشاعت کی تاریخ: 23rd, February 2025 GMT
نیرعالم: وزیرآباد میں ولیمہ کی خوشیوں بھرے دن کا ماحول اچانک سوگ میں بدل گیا۔
ذرائع کے مطابق وزیرآباد کے نواحی گاؤں بینکہ چیمہ کا رہائشی حافظ عمر شادی کے سلسلے میں اٹلی سے وطن واپس آیا تھا اور گزشتہ روز شام کو دعوت ولیمہ تھی۔ولیمے کی تقریب سے قبل نوجوان کو دوپہر کے وقت دل کا دورہ پڑا۔
اہل خانہ نے حافظ عمر کو کارڈیالوجی وزیرآباد منتقل کیا لیکن جانبر نہیں ہو سکا۔
کیتھولک چرچ کے سربراہ پوپ فرانسس کی حالت تشویشناک
نوجوان دولہا کی اچانک موت پر خوشیوں والا گھر ماتم کدہ بن گیا، اہل خانہ سمیت پورا گاؤں غم سے نڈھال ہے، حافظ عمر کے باقی تین بھائی بھی بیرون ملک مقیم ہیں جو شادی کیلئے پاکستان آئے ہوئے تھے۔
.ذریعہ: City 42
پڑھیں:
گوجرانوالہ میں بھی بنوقابل کا افتتاح ،مفت آئی ٹی کورسز ملک بھر میں پھیلائیں گے،حافظ نعیم الرحمن
امیر جماعت اسلامی حافظ نعیم الرحمن گوجرانوالہ میں بنوقابل پروگرام کی افتتاحی تقریب سے خطاب کررہے ہیںگوجرانوالہ /لاہو ر (نمائندگان جسارت) امیر جماعت اسلامی حافظ نعیم الرحمن نے گوجرانوالہ میں بنوقابل پروگرام کی افتتاحی تقریب سے خطاب کرتے ہوئے کہا ہے کہ جماعت اسلامی عوام اور خصوصی طور پر نوجوانوں کی اجتماعی قوت سے وہ انقلاب برپا کرے گی جس میں وسائل پر چند لوگ قابض نہ ہوں۔ انھوں نے نوجوانوں کو تلقین کی کہ مایوس نہ ہوں بلکہ ناامیدی پھیلانے والوں کو مایوس کریں، جماعت اسلامی نے ایک پرامن مزاحمتی، سیاسی، قلم اور کتاب کی تحریک کا آغاز کر دیا ہے۔ بنوقابل کے ذریعے ملک کے طول و عرض میں 10 لاکھ بچوں اور بچیوں کو فری آئی ٹی تربیت فراہم کر کے انھیں روزگار کے ذرائع فراہم کریں گے، آئی ٹی یونیورسٹی بنا کر تمام بڑے شہروں میں کیمپس قائم کیے جائیں گے۔ بنوقابل کا دائرہ کار گھریلو خواتین تک پھیلا کر انھیں بھی آئی ٹی کی تربیت فراہم کریں گے۔افتتاحی تقریب میں ہزاروں بچوں اور بچیوں نے ٹیسٹ دیا۔ کامیاب ہونے والوںکو کمپیوٹر اور آئی ٹی سے آگاہی کے مختلف کورسز مفت کرائے جائیں گے۔ سیکرٹری جنرل الخدمت فاونڈیشن سید وقاص انجم جعفری، امیر جماعت اسلامی وسطی پنجاب محمد جاوید قصوری، مرکزی سیکرٹری اطلاعات قیصر شریف، امیر ضلع مظہر اقبال رندھاوا، ریجنل صدر الخدمت خالد احمد شیخ، الخدمت فاؤنڈیشن کے دیگر ذمے داران سمیت معروف سماجی شخصیات، انفلوئنسرز اور مختلف شعبہ جات سے تعلق رکھنے والی نمایاں شخصیات نے شرکت کی۔امیر جماعت نے کہا کہ ملک میں 20کروڑ ایسے افراد ہیں جن کی عمریں 40سال تک جبکہ 30سال کی عمر کے 65فیصد افراد ہیں، ہیومن کیپیٹل کو مثبت انداز میں استعمال کیا جائے تو کوئی وجہ نہیں کہ معیشت مضبوط نہ ہو اور ملک ترقی نہ کرے۔ انھوں نے کہا کہ وسائل پر 2فیصد اشرافیہ قابض ہے، یوتھ کو آگے بڑھنے کے مواقع دستیاب نہیں، انھیں جان بوجھ کر مایوس کیا جاتا ہے، تعلیمی اداروں میں منشیات عام ہے، عوام میں عدم تحفظ کا احساس بڑھ رہا ہے، حکمرانوں نے نوجوانوں کو تعلیم سے دور کیا، تعلیمی نظام طبقاتی اور استحصالی ہے، حکمران طبقہ کو مجبور کرنا پڑے گا کہ تعلیم خیرات نہیں عوام کا حق ہے، ملک میں ایک نظام، ایک نصاب اور ایک زبان چاہتے ہیں۔ انھوں نے کہا کہ حکمرانوں نے آئی پی پیز کو2ہزار ارب اس بجلی کی مد میں دیے جو کہ انھوں نے بنائی بھی نہیں، کالجوں، یونیورسٹیوں کے طلبہ و طالبات کی فیس معاف کر دی جائے تو یہ 570ارب بنتا ہے، قابض حکمران کروڑوں نوجوانوں کو 570ارب نہیں دے سکتے چند آئی پی پیز مالکان کو2ہزار ارب دے دیے گئے۔ انھوں نے کہا کہ جماعت اسلامی نوجوانوں کو جدید آئی ٹی ٹریننگ فراہم کرنے کے لیے اپنے تئیں بھرپور کاوش کر رہی ہے، اللہ کی تائید اور عوام کی حمایت سے اقتدار ملا تو اس پورے فرسودہ نظام کو تبدیل کریں گے، وسائل پر ہر شہری کا حق ہو گا۔ انھوں نے کہا کہ جماعت اسلامی نے بنوقابل کا دائرہ کار چاروں صوبوں میں پھیلا دیا ہے۔ نوجوانوں کے لیے لیپ ٹاپ اسکیم بھی شروع کریں گے۔ انھوں نے نوجوانوں کو ہدایت کی کہ وہ بنوقابل کے ایمبیسیڈر بنیں، یہ پروگرام ملک میں آئی ٹی کا انقلاب برپا کرے گا، اس پروگرام کے ذریعے کورسز کرنے والوں کا انڈسٹری اور انٹرنیشنل آئی ٹی فرمز سے رابطہ کرائیں گے تاکہ انھیں بہترین روزگار کے مواقع میسر ہوں۔ انھوںنے کہا کہ لاہور میں بنوقابل پروگرام میں 80ہزار نوجوانوں نے اپنے آپ کو رجسٹرڈ کرایا، گوجرانوالہ کے بعد شیخوپورہ اور اس کے بعد دیگر شہروں میں پروگرام کو وسعت دی جائے گی۔
پنجاب حکومت کا نجی شراکت منصوبوں کیلیے نئی اتھارٹی قائم کرنیکا فیصلہ