’’فلم انڈسٹری میں کامیابی کےلیے صرف محنت کافی نہیں!‘‘ تاپسی پنو کا تلخ انکشاف
اشاعت کی تاریخ: 23rd, February 2025 GMT
بالی ووڈ کی معروف اداکارہ اور پروڈیوسر تاپسی پنو جو اپنی بے باک گفتگو اور صاف گوئی کےلیے مشہور ہیں، انھوں نے شوبز انڈسٹری کا ایک تلخ رخ دکھایا ہے۔
تاپسی کا کا تعلق کسی فلمی گھرانے سے نہیں ہے، اس لیے وہ نئے فنکاروں کو اپنے تجربات کی بنیاد پر قیمتی مشورے دیتی ہیں۔ حال ہی میں ایک انٹرویو میں انہوں نے فلم انڈسٹری میں کامیابی کےلیے محنت کے ساتھ ساتھ دیگر عوامل پر بھی روشنی ڈالی۔
تاپسی پنو نے ممبئی میں ایک انٹرویو کے دوران کہا کہ یہ ایک عام غلط فہمی ہے کہ محنت کرنے سے ہر چیز حاصل ہوجاتی ہے۔ ان کا کہنا تھا ’’اگر آپ یہ توقع رکھتے ہیں کہ سب کچھ برابر اور انصاف کے ساتھ ہوگا، تو ایسا نہیں ہے۔‘‘
تاپسی کا کہنا تھا کہ ’’فلمی دنیا میں ناانصافی بہت زیادہ ہوتی ہے۔ کئی تلخ رویوں کا سامنا کرنا پڑتا ہے، کڑوی باتیں سننا پڑتی ہیں۔ اس لیے اپنی انا کو سائیڈ پر رکھ کر کام کرنا ہوگا۔ اگر آپ اپنی عزت نفس کو خاطر میں لائیں گے، تو پھر آپ جلد ہی مایوس ہو جائیں گے۔‘‘
انہوں نے مزید کہا کہ یہ صرف بالی وڈ میں نہیں ہوتا، بلکہ ہر جگہ ایسا ہی ہوتا ہے۔ تاپسی نے واضح کیا کہ وہ خود کو فلم انڈسٹری کا شکار نہیں سمجھتیں، بلکہ انہوں نے اپنی محنت اور لگن سے اپنا مقام بنایا ہے۔
تاپسی پنو نے نئے فنکاروں کو مشورہ دیا کہ وہ اپنے کیریئر میں ناکامی کی صورت میں ایک بیک اپ پلان ضرور رکھیں۔ انہوں نے کہا، ’’میرے پاس پلان بی موجود تھا۔ میں نے انجینئرنگ کی تھی، میرے پاس نوکری تھی، اور میں ایم بی اے کرنا چاہتی تھی۔ اس لیے میں نے اپنے تمام آپشنز کو کھلا رکھا ہوا تھا۔‘‘
تاپسی نے کہا کہ فلم انڈسٹری میں باہر سے آنے والے اداکاروں کی کامیابی صرف ٹیلنٹ پر نہیں، بلکہ اس بات پر منحصر ہے کہ ناظرین ان کے کام کو کیسے قبول کرتے ہیں۔ انہوں نے وضاحت کی، ’’ہماری حیثیت کا انحصار ناظرین پر ہے۔ اگر ناظرین سینما گھروں میں ہیرو سینٹرک فلمیں دیکھنا پسند کرتے ہیں اور ہماری نہیں، تو ہم کیسے کامیاب ہوں گے؟ یہ نہیں ہے کہ انڈسٹری ہمیں باہر نکال دیتی ہے، بلکہ وہ ہمیں مواقع دیتی ہے۔‘‘
تاپسی پنو کا فلمی کیریئر محنت، لگن اور ورسٹائل اداکاری کی بہترین مثال ہے۔ انہوں نے نہ صرف ہندی سنیما، بلکہ تامل، تیلگو اور ملیالم فلم انڈسٹری میں بھی اپنی صلاحیتوں کا لوہا منوایا ہے۔
ذریعہ: Express News
کلیدی لفظ: فلم انڈسٹری میں انہوں نے
پڑھیں:
نشو بیگم کی سلطان راہی کے بیٹے کیساتھ رقص کی ویڈیو وائرل
ماضی کی معروف فلمی ہیروئن نشو بیگم نےمرحوم اداکار سلطان راہی کے بیٹے حیدر سلطان کے ہمراہ وے سب توں سوہنیا پر رقص کیا۔
سدا بہار گانے پر رقص کی ویڈیو وائرل ہوگئی۔ یہ ایک تقریب کی ویڈیو ہے جو نشو بیگم کی اعزاز میں لاہور میں رکھی گئی تھی۔
اس تقریب میں نشو بیگم نے ستر کی دہائی میں اپنی کامیاب ترین فلم ’رنگیلا‘ کے آل ٹائم فیوریٹ گانے پر رقص کیا۔
نشو نے تقریباً 54 سال بعد دوبارہ اس نغمے پر رقص کرکے ماضی کی یادیں اجاگر کیں۔ انھوں نے اس فلم اور گانے کو سنہری دور کی سب سے حسین یاد قرار دیا۔
اداکارہ نشو نے کہا کہ فلم انڈسٹری اب زوال پذیر نظر نہیں آتا۔ اگر اچھی کہانی پر فلم بنائے جائے تو فلم بین دوبارہ سینما کی جانب لوٹ سکتے ہیں۔
مرحوم اداکار سلطان راہی کے بیٹے حیدر سلطان نے کہا کہ نشو بیگم ہماری انڈسٹری کا اثاثہ ہیں۔ جن کے ساتھ ہمارے خاندان کے تعلقات دہائیوں پرمشتمل ہیں۔
ملکی سا لمیت کی پالیسی بند کمروں میں بنائی جا رہی ہیں، فضل الرحمن