سری لنکا میں خوفناک حادثہ: مسافر ٹرین کی ٹکر سے 6 ہاتھی ہلاک
اشاعت کی تاریخ: 23rd, February 2025 GMT
کولمبو: سری لنکا میں جنگلی حیات کی تاریخ کا ایک المناک واقعہ پیش آیا، جہاں مسافر ٹرین کی ٹکر سے 6 ہاتھی ہلاک ہوگئے۔ یہ حادثہ ہبارانا کے وائلڈ لائف ریزرو کے قریب پیش آیا، جب ہاتھی ریلوے ٹریک سے گزر رہے تھے۔
غیر ملکی میڈیا کے مطابق حادثے کے نتیجے میں ٹرین کی بوگی بھی پٹڑی سے اتر گئی، جبکہ ہلاک ہونے والے ہاتھیوں میں 3 بچے بھی شامل تھے۔ مقامی پولیس کا کہنا ہے کہ 2 دیگر ہاتھی شدید زخمی حالت میں جنگل کی طرف بھاگ گئے۔
حکومتی ترجمان کے مطابق ٹرینوں کی رفتار کم کرنے کے تمام سابقہ اقدامات ناکام ہو چکے ہیں، اور اب حکومت جنگلی جانوروں کو ریلوے حادثات سے بچانے کے لیے نئے میکنزم پر کام کر رہی ہے۔
سری لنکا میں ہاتھیوں کو نقصان پہنچانا مجرمانہ فعل تصور کیا جاتا ہے، جہاں تقریباً 7,000 جنگلی ہاتھی موجود ہیں۔
حالیہ برسوں میں سری لنکا میں ہاتھیوں اور انسانوں کے درمیان تصادم میں اضافہ ہوا ہے۔ کسان اکثر اپنی فصلوں کو بچانے کے لیے ہاتھیوں کے خلاف لڑتے ہیں۔ حکومتی اعداد و شمار کے مطابق 2023 میں 150 افراد اور 450 ہاتھی ہلاک ہوئے۔
حکام کا کہنا ہے کہ جنگلی ہاتھیوں کو گاؤں میں گھسنے سے روکنے کے لیے بجلی کی باڑ، خندقیں اور دیگر رکاوٹیں نصب کرنے پر غور کیا جا رہا ہے۔ ایشیائی ہاتھی انٹرنیشنل یونین فار کنزرویشن آف نیچر کے مطابق خطرے سے دوچار نسل میں شامل ہیں اور قدرتی ماحول میں ان کی تعداد تیزی سے کم ہو رہی ہے۔
.
ذریعہ: Express News
کلیدی لفظ: سری لنکا میں کے مطابق
پڑھیں:
نیویارک میں طیارہ حادثہ: سابق MIT ایتھلیٹ کرینا گروف خاندان سمیت جاں بحق
نیویارک: امریکہ کی ریاست نیویارک میں ایک افسوسناک طیارہ حادثے میں سابق MIT فٹبال پلیئر اور 2022 کی NCAA وومن آف دی ایئر کرینا گروف اپنے خاندان کے پانچ افراد سمیت جاں بحق ہو گئیں۔
یہ حادثہ کوپیک نامی دیہی علاقے میں پیش آیا، جہاں Mitsubishi MU-2B نامی دو انجنوں والا چھوٹا طیارہ ایک کھیت میں گر کر تباہ ہو گیا۔ طیارہ کرینا کے والد ڈاکٹر مائیکل گروف چلا رہے تھے۔
حادثے میں ہلاک ہونے والوں میں کرینا کی والدہ ڈاکٹر جوئے سینی، بھائی جیرڈ گروف، جیرڈ کی ساتھی الیکسیا، اور کرینا کے بوائے فرینڈ جیمز سانٹورو شامل تھے۔ یہ تمام افراد فیملی گیٹ ٹوگیدر اور سالگرہ منانے جا رہے تھے۔
نیشنل ٹرانسپورٹیشن سیفٹی بورڈ کے مطابق پائلٹ نے لینڈنگ میں ناکامی کی اطلاع دی تھی، جس کے بعد ایئر کنٹرول نے لو ایلٹیٹیوڈ الرٹ جاری کیا، مگر پھر کوئی رابطہ نہ ہو سکا۔
تحقیقات کے مطابق طیارہ تیز رفتاری سے زمین سے ٹکرایا، اور حادثے سے قبل کوئی ایمرجنسی سگنل بھی موصول نہیں ہوا۔ خراب موسم یا مکینیکل فیلئر کو ابھی خارج از امکان نہیں قرار دیا گیا۔
25 سالہ کرینا گروف نے MIT سے بائیولوجیکل اور بایومیڈیکل انجینیئرنگ کی ڈگریاں حاصل کی تھیں۔ وہ خواتین کی فٹبال ٹیم کی دو بار کپتان بھی رہ چکی تھیں۔ COVID-19 کے دوران openPPE نامی ماسک فراہم کرنے والی مہم کی بانی بھی تھیں۔
View this post on InstagramA post shared by WCVB News Center 5 (@wcvb5)
کرینا گروف اس وقت NYU گراس مین اسکول آف میڈیسن میں نیورو سرجری کی تعلیم حاصل کر رہی تھیں۔ ان کے ساتھی جیمز سانٹورو بھی MIT سے فارغ التحصیل اور ایک سابقہ لاکروس کھلاڑی تھے۔
’قومی ایوارڈز برائے فروخت‘، مصطفیٰ چوہدری اور خالد بٹ کی دلچسپ گفتگو