چیمپئینز ٹرافی؛ پاک بھارت ہائی ولٹیج مقابلے کیلئے اسٹیج تیار
اشاعت کی تاریخ: 23rd, February 2025 GMT
آئی سی سی چیمپئینز ٹرافی میں ایونٹ کا سب سے ٹاکرا پاکستان بمقابلہ بھارت آج ہوگا۔
دبئی میں شیڈول ایونٹ کے ہائی والٹیج میچ میں روایتی حریف مدِ مقابل ہوں گے۔ میچ کا آغاز دوپہر دو بجے ہوگا۔
گروپ اے کی ٹیموں کے درمیان یہ تیسرا میچ ہے۔ اس سے قبل پاکستان کو نیوزی لینڈ کے خلاف شکست کا سامنا کرنا پڑا تھا جبکہ بھارت نے بنگلا دیش کو چھ وکٹوں سے زیر کیا تھا۔
مزید پڑھیں: پاک بھارت ہائی وولٹیج میچ؛ کیا بارش ہوسکتی ہے؟
آئی سی سی چیمپئینز ٹرافی میں پاک بھارت گروپ میچ کیلئے کوئی ریزرو ڈے نہیں رکھا گیا ہے جبکہ یہ میچ پاکستان کیلئے کرو یا مرو کی صورتحال اختیار کرچکا ہے، اگر شکست ہوئی تو گرین شرٹس ٹورنامنٹ سے باہر ہوسکتی ہے جبکہ جیت پاکستان کی سیمی فائنل کھیلنے کی امیدوں کو برقرار رکھے گی۔
دوسری جانب چیئرمین پی سی بی محسن نقوی کھلاڑیوں کا مورال بڑھانے کیلئے دبئی پہنچ چکے ہیں جہاں انہوں نے ٹیم کے کھلاڑیوں اور ٹیم منیجمنٹ سے ملاقات کی اور بھارت کو شکست دینے کی حکمت عملی تیار کی۔
مزید پڑھیں: پاک بھارت میچ؛ کون جیتے گا! ہندو بابا کی بڑی پیشگوئی سامنے آگئی
چیئرمین پی سی بی نے انگلینڈ اور آسٹریلیا کے درمیان میچ میں بھارت کا ترانہ بجنے پر بھی دلچسپ جواب دیا اور کہا کہ یہ ایونٹ آئی سی سی کا ہے انہیں دیکھنا چاہیے کیا ہورہا ہے، ہم نے تو آج بھی بھارتی ماہی گیروں کو رہا کرکے دوستی کا ثبوت دیا ہے۔
مزید پڑھیں: "بابراعظم کو کچھ کہا تو غدار کہلاؤں گا"
ادھر پاک بھارت ہائی ولٹیج مقابلے کیلئے کراچی، اسلام آباد، لاہور سمیت ملک کے چھوٹے بڑے شہروں میں بڑی اسکرینز کے انتظامات مکمل کرلیے گئے ہیں۔
مزید پڑھیں: شاہین کے ایکشن میں غلطی ہے، مگر کہاں؟ عامر کا انکشاف
چیمپئینز ٹرافی کیلئے بھارتی ٹیم کے فینز ایونٹ کا ٹائٹل جیتنے کیلئے مضبوط دعویدار ٹھہرا رہے ہیں جبکہ گرین شرٹس سے امید کی جارہی ہے کہ رضوان کی قیادت میں کم بیک کرے گی۔
.ذریعہ: Express News
کلیدی لفظ: چیمپئینز ٹرافی مزید پڑھیں پاک بھارت
پڑھیں:
میچ کے دوران بابراعظم اور ویرات کوہلی کی دوستانہ ملاقات کی تصویر وائرل
آئی سی سی چیمپئینز ٹرافی میں پاک بھارت میچ کے آغاز سے قبل قومی ٹیم کے سابق کپتان بابراعظم اور بھارتی کرکٹر ویرات کوہلی کے دوستانہ ملاقات کی تصاویر وائرل ہوگئی۔
دبئی میں کھیلے جارہے چیمپئینز ٹرافی کے اہم معرکے میں دونوں ٹیموں کے اسٹار پلئیرز نے ایک دوسرے کیساتھ دوستانہ انداز میں ہاتھ بڑھایا جس پر تماشائیوں نے کھلاڑیوں کو داد دی۔
ہائی وولٹیج مقابلے کے دوران بھی دونوں کرکٹرز نے اپنے دوستانہ تعلق کو برقرار رکھا۔
مزید پڑھیں: چیمپئینز ٹرافی؛ پاکستان کی بھارت کیخلاف بیٹنگ جاری
واضح رہے کہ پاکستان اور بھارت کے درمیان مقابلہ جاری ہے جس میں پاکستان نے بغیر کسی نقصان 31 رنز بنالیے ہیں جبکہ بابراعظم 14 رنز بناکر کریز پر موجود ہیں۔
ہائیڈروجن پیرو آکسائیڈ پلانٹ میں 12ارب روپے کی سرمایہ کاری