کینیڈا میں مقیم پاکستانی ڈاکٹر کا اچھوتا طبی کارنامہ
اشاعت کی تاریخ: 23rd, February 2025 GMT
لاہور:
سرزمین پاک کے سپوت نے دیار غیر میں ملک وقوم کا نام روشن کر دیا۔ پاکستانی نژاد ڈاکٹر، عمر اسلام کینیڈا کے قدیم ترین سرکاری ہسپتال، کنگسٹن ہیلتھ سائنسز سینٹر(KHSC) میں شعبہ ریڈیالوجی کے سربراہ ہیں۔
چند سال قبل طبی آلات کی نمائش میں انھیں ایک نئی ایجاد، پورٹیبل ایم آرآئی اسکین مشین ( Swoop MRI ) نظر آئی جو آئی سی یو میں رکھنے کی خاطر امریکی کمپنی نے بنائی تھی۔
ایم آر آئی اسکین جسمانی و ذہنی امراض کی بہترین تشخیص کرتی ہے۔اسے دیکھ کر ڈاکٹر عمر کو خیال آیا، یہ چھوٹے شہروں، قصبوں، دیہات کے طبی مراکز میں لگ جائے تو لاکھوں لوگوں کو بہت فائدہ ہو گا۔
روایتی ایم آرآئی مشین مہنگی ، نہایت بھاری ہوتی اور صرف بڑے ہسپتالوں میں ملتی ہے۔چھوٹے علاقوں کے باسی بڑے شہر آ کر تشخیص کراتے ہیں جس پر وافر پیسا، وقت اور توانائی لگتی ہے۔
ڈاکٹر عمر نے اپنا خیال ہسپتال انتظامیہ اور امریکی کمپنی کو بتایا تو سبھی کو پسند آیا۔ان کی ہدایت پر کمپنی نے پورٹیبل مشین میں تبدیلیاں کیں تاکہ وہ چھوٹے اسپتال یا کلینک میں لگ سکے۔پھر کینیڈین محکمہ صحت نے تنصیب کی منظوری دی۔پ
چھلے دو ماہ سے یہ مشین کینڈین چھوٹے شہروں وقصبات کے طبی مراکز میں لگ چکی اور ہزارہا لوگ اس سے مستفید ہو رہے ہیں۔وہ بہ آرام بیماریوں کی تشخیص کراتے اور جلد صحت کی دولت پاتے ہیں۔
ڈاکٹر عمر کا منصوبہ ہے، یہ پورٹیبل مشین بلوچستان، سندھ، خیبرپختون خوا اور پنجاب کے دوردراز علاقوں میں بھی نصب کی جائے تاکہ لاکھوں ہم وطنوں کو تشخیص کی فوری وبہترین سہولت ملے۔
یہ ایم آر آئی کافی مشین جتنی بجلی استعمال کرتی اور چھوٹی سے جگہ پہ لگ سکتی ہے۔اس کو چلانا سیکھنا بھی آسان اور چلانے کا خرچہ بھی کم ہے۔
.ذریعہ: Express News
پڑھیں:
کینیڈا طیارہ حادثہ : امریکی ائرلائن کی مسافروں کو 30ہزار ڈالر کی پیشکش
اوٹاوا (انٹرنیشنل ڈیسک) امریکی ائر لائنز ڈیلٹا نے ٹورنٹو ائرپورٹ پر گر کر تباہ ہونے والے طیارے کے ہر مسافر کو 30ہزار ڈالر کی پیشکش کردی۔ یاد رہے کہ پیر کے روز ڈیلٹا ایئر لائنز کا طیارہ امریکی شہر منیسوٹا کے منیاپولس سے روانہ ہوا تھا، جو ٹورنٹو کے مرکزی ائرپورٹ پر رن وے سے زور سے ٹکراکر تباہ ہوگیا تھا۔ طیارے میں موجود 80 افراد میں سے کوئی بھی ہلاک نہیں ہواتھا۔ڈیلٹا نے کہا کہ حادثے میں 21 مسافر زخمی ہوئے ،جن میں سے اکثر کو اسپتال سے فارغ کردیا گیا ہے۔ کینیڈا کے ٹرانسپورٹیشن سیفٹی بورڈ نے امریکی فیڈرل ایوی ایشن ایڈمنسٹریشن، ڈیلٹا اور مٹسوبشی کی مدد سے تحقیقات کا آغاز کردیا ہے۔
جیکب آباد ،نائب امیرجماعت اسلامی سندھ پروفیسرنظام الدین میمن فاتحہ خوانی کررہے ہیں