مقبوضہ کشمیر میں آبادی کے تناسب کو تبدیل کرنے کی بھارتی کوششوں پر اظہار تشویش
اشاعت کی تاریخ: 23rd, February 2025 GMT
ذرائع کے مطابق حریت کانفرنس کی اکائی تنظیموں اور رہنماﺅں کا ایک اجلاس سرینگر میں منعقد ہوا جس میں کہا گیا کہ بی جے پی کی بھارتی حکومت مقبوضہ علاقے میں بالکل اسی پالیسی پر عمل پیرا ہے جو اسرائیل نے فلسطین میں اپنا رکھی ہے۔ اسلام ٹائمز۔ بھارت کے غیر قانونی زیر قبضہ جموں و کشمیر میں کل جماعتی حریت کانفرنس نے علاقے میں آبادی کے تناسب کو تبدیل کرنے کی بھارتی کوششوں پر شدید تشویش کا اظہار کرتے ہوئے اقوام متحدہ پر زور دیا ہے کہ بھارتی اوچھے ہتھکنڈوں کا نوٹس لیکر تنازعہ کشمیر کے حل کیلئے کردار ادا کرے۔ ذرائع کے مطابق حریت کانفرنس کی اکائی تنظیموں اور رہنماﺅں کا ایک اجلاس سرینگر میں منعقد ہوا جس میں کہا گیا کہ بی جے پی کی بھارتی حکومت مقبوضہ علاقے میں بالکل اسی پالیسی پر عمل پیرا ہے جو اسرائیل نے فلسطین میں اپنا رکھی ہے۔ حریت کانفرنس کے ترجمان نے سرینگر سے جاری ایک بیان میں کہا کہ بی جے پی کی بھارتی حکومت بندوق کی نوک اور کالے قوانین کے زور پر کشمیریوں کے جذبہ آزادی کو دبانے کی کوشش کر رہی ہے اور اس نے علاقے میں ماورائے عدالت قتل، بلاجواز گرفتاریوں، ملازمین کی برطرفی اور کشمیریوں کی جائیدادوں پر قبضے کا بہیمانہ سلسلہ تیز کر دیا ہے۔حریت رہنماﺅں نے اجلاس کے دوران کہا کہ بھارتی حکومت نے جموں و کشمیر پر اپنے غیر قانونی قبضے کو طول دینے کیلئے 370 اور 35اے کی دفعات منسوخ کیں۔ اجلاس میں واضح کیا گیا کہ جب تک تنازعہ کشمیر کو اقوام متحدہ کی قراردادوں اور کشمیریوں کی خواہشات کے مطابق حل نہیں کیا جاتا جنوبی ایشیا میں پائیدار امن و سلامتی ہرگز ممکن نہیں ہے۔ اجلاس میں بھارت اور پاکستان پر بھی زور دیا گیا کہ وہ جنوبی ایشیا میں امن و ترقی کے بہترین مفاد میں تنازعہ کشمیر کو اقوام متحدہ کی متعلقہ قراردادوں اور کشمیری عوام کی امنگوں کے مطابق حل کرنے کیلئے مذاکراتی عمل کا آغاز کریں۔
.ذریعہ: Islam Times
کلیدی لفظ: بھارتی حکومت حریت کانفرنس کی بھارتی علاقے میں کے مطابق گیا کہ
پڑھیں:
اے پی این ایس کی واجبات کی عدم ادائیگی پر تشویش
کراچی: ناز آفرین سہگل لاکھانی کی زیر صدارت اے پی این ایس کی ایگزیکٹو کمیٹی کا اجلاس ہو رہاہےکراچی (اسٹاف رپورٹر) اے پی این ایس کا سالانہ اجلاس عام15 مارچ2025ء کو کراچی میں منعقد ہوگا۔ ناز آفرین سہگل لاکھانی کی زیر صدارت اے پی این ایس کی ایگزیکٹو کمیٹی کا اجلاس کراچی میں منعقد ہوا۔ اجلاس میں اراکین نے متفقہ طور پر 25-2024ء کی سالانہ
رپورٹ اور 2024ء کے حسابات کی رپورٹ کی منظوری دی اور حالیہ اور پرانے واجبات کی وصولی کے لیے سیکرٹریٹ کی کوششوں کا اعتراف کیا۔ ایگزیکٹو کمیٹی نے سندھ اور پنجاب کی صوبائی حکومتوں کی طرف سے واجبات کی ادائیگی میں تاخیر پر تشویش کا اظہار کیا، اراکین نے اس امر پر زور دیا کہ واجبات کی عدم ادائیگی کے باعث اخبارات شدید مالی بحران کا شکار ہیں۔ سرمد علی سیکرٹری جنرل اے پی این ایس نے دونوں صوبائی حکومتوں سے جاری مذاکرات اور ان کی طرف سے واجبات کی ادائیگی کے عمل کو تیز کرنے کی یقین دہانیوں سے اجلاس کو مطلع کیا اور کہا کہ وہ واجبات کی جلد ادائیگی کے لیے تمام اقدامات بروے کار لائیں گی۔ ایگزیکٹوکمیٹی نے ماہنامہ روحانی ڈائجسٹ کے بانی پبلشر خواجہ شمس الدین عظیمی کی رحلت پر افسوس اور دکھ کا اظہار کیا اور ان کے ایصال ثواب کے لیے فاتحہ خوانی کی۔ اجلاس میں مندرجہ ذیل اراکین نے شرکت کی۔ ناز آفرین سہگل لاکھانی (صدر)، سرمد علی (سیکرٹری جنرل)، ایس ایم منیر جیلانی (جوائنٹ سیکرٹری)، شہاب زبیری (فنانس سیکرٹری)، فوزیہ شاہین (ماہنامہ دستک کراچی)، نجم الدین شیخ (روز نامہ دیانت)، قاضی اسد عابد (روز نامہ عبرت)، فیصل شاہجہاں (روز نامہ جدت کراچی)، جاوید مہر شمسی (روزنامہ کلیم سکھر)، طاہر قریشی (ماہنامہ نئے افق کراچی)، ہمایوں گلزار (روز نامہ سیادت بہاولپور) جبکہ سید اکبر طاہر (روز نامہ جسارت)، فیصل زاہد ملک (روز نامہ پاکستان آبزرور)، امتنان شاہد (سینئر نائب صدر)، محسن سیال (روزنامہ آفتاب ملتان)، بلال فاروقی (روز نامہ آغاز کراچی)، وسیم احمد (روز نامہ عوام کوئٹہ) محمد اویس رازی (ہفت روزہ عزم لاہور)، عثمان مجیب شامی (روز نامہ پاکستان لاہور)، عرفان اطہر (روز نامہ تجارت لاہور ) نے بذریعہ ذوم شرکت کی جبکہ ممتاز علی پھلپھوٹو ( روزنامہ عوامی پرچار) نے خصوصی مبصر کے طور پر شرکت فرمائی۔
الخدمت انورنذیراسپتال کی سالانہ ڈونر کانفرنس کا انعقاد