مریم نواز کمیونٹی ہیلتھ سروسز متعارف کرانے کا فیصلہ، 19 اہم ٹاسک پورے کریگی، وزیراعلیٰ نے جامع پلان طلب کر لیا
اشاعت کی تاریخ: 23rd, February 2025 GMT
لاہور (نوائے وقت رپورٹ) وزیر اعلیٰ مریم نواز نے ہیلتھ سیکٹر کی بہتری کیلئے اہم اقدام کیا ہے۔ پنجاب میں ''مریم نواز کمیونٹی ہیلتھ سروسز'' متعارف کروانے کا فیصلہ کیا گیا ہے۔ وزیراعلی کی زیر صدارت خصوصی اجلاس میں بتایا گیا کہ ''مریم نواز کمیونٹی ہیلتھ سروسز'' شعبہ صحت کے 19- اہم ٹاسک پورے کرے گی۔'' مریم نوازکمیونٹی ہیلتھ سروسز'' کے ذریعے ہیلتھ سے متعلق امور پر مربوط ٹاسک پورے کیے جائیں گے۔ پنجاب بھر میں آؤٹ سروسنگ کے ذریعے مزید 20 ہزار ہیلتھ انسپکٹرزکی خدمات حاصل کی جائیں گی۔ لیڈی ہیلتھ ورکر پروگرام کو بھی ''مریم نواز کمیونٹی ہیلتھ سروسز''سے منسلک کر دیا جائے گا۔ 39 ہزار لیڈی ہیلتھ ورکرز'' مریم نواز کمیونٹی ہیلتھ سروسز'' فورس کا حصہ ہونگی۔''مریم نواز شریف کمیونٹی ہیلتھ سروسز''کی صوبہ بھرمیں ورک فورس مجموعی طور پر تقریباً 60 ہزار سے زائد افراد پر مشتمل ہو گی۔ ''مریم نواز شریف کمیونٹی ہیلتھ سروسز''پولیو سمیت دیگر ضروری ویکسی نیشن سے متعلق ذمہ داریاں ادا کرنے کا اہتمام کرے گی۔ امراض اور مریضوں کا مستند ریکارڈ مرتب کیا جائے گا۔ مریم نواز شریف کمیونٹی ہیلتھ سروسزسے میپنگ کا ٹاسک بھی پورا کیا جائے گا۔ بریفنگ میں بتایا گیاکہ موجودہ ہیلتھ سروسز سے آبادی 47 فیصد کور اور 53 فیصد ان کورڈ ہے۔ 93 فیصد مریض ہیلتھ سروسز سے متعلق اصلاحات سے مطمئن ہیں۔ وزیراعلیٰ مریم نواز شریف نے کمیونٹی ہیلتھ سروسزسے متعلق جامع پلان طلب کر لیا اور مریم نواز شریف کمیونٹی ہیلتھ سروسزکو فنکشنل کرنے کیلئے فوری اقدامات کا حکم دیا ہے۔ مریم نواز نے مادری زبان کے عالمی دن پر اپنے پیغام میں کہا ہے کہ مادری زبان کسی بھی قوم کی پہچان، ثقافت اور ورثے کی سب سے قیمتی علامت ہوتی ہے۔ مادری زبان کا تحفظ دراصل ہماری ثقافتی خود مختاری اور فکری آزادی کی ضمانت ہے۔ مادری زبان جذبات کے اظہار کا ذریعہ، ہماری تاریخ، روایات اور تہذیب کو نسل در نسل منتقل کرنے کا اہم وسیلہ ہے۔ زبانیں صرف بولنے اور لکھنے کا ذریعہ نہیں ہوتیں بلکہ یہ قوموں کی ترقی اور یکجہتی کی بنیاد بھی رکھتی ہیں۔ وزیراعلیٰ نے ایمن آباد میں پگھلا لوہا گرنے سے مزدوروں کے جاں بحق ہونے پر رنج و دکھ کا اظہار کیا ہے۔ وزیراعلیٰ مریم نواز شریف نے سوگوار خاندانوں سے دلی ہمدردی و تعزیت کا اظہار کیا ہے، زخمی مزدوروں کو برن یونٹ میں بہترین علاج کی ہدایت کی ہے اور کمشنر گوجرانوالہ سے سانحہ کی رپورٹ طلب کر لی ہے۔
.ذریعہ: Nawaiwaqt
پڑھیں:
مریم نواز کے بعد علی امین گنڈاپور نے بھی لیپ ٹاپ تقسیم کرنا شروع کردیے
وزیراعلیٰ خیبرپختونخوا علی امین گنڈاپور نے وزیراعلیٰ پنجاب مریم نواز کے نقش قدم پر چلتے ہوئے طلبا کو مفت لیپ ٹاپس دینے کا اعلان کردیا ہے۔
یہ بھی پڑھیں: وزیراعلیٰ مریم نوازشریف نے دوسرے صوبوں کے لیے بھی لیپ ٹاپ اسکیم کا اعلان کردیا
وزیراعلیٰ خیبرپختونخوا علی امین گنڈاپور نے اپنے بیان میں کہا کہ ہم صوبے کے طلبا کو مفت لیپ ٹاپ دیں گے، وزیراعلیٰ پنجاب خیبرپختونخوا کی طرح صوبے کے عوام کو صحت کارڈ بھی دیں۔
وزیر اعلیٰ خیبر پختونخوا علی امین خان گنڈاپور کا صوبے کے نوجوان طلباء کو لیپ ٹاپ دینے کا اعلان۔ pic.twitter.com/NfOKGOV81f
— Government of KP (@GovernmentKP) February 19, 2025
’بار بار ایک اعلان آرہا ہے کہ ہم لیپ ٹاپ دے رہے ہیں، او میڈم کتنے لیپ ٹاپ آپ نے دے دیے ہیں، آبادی کے حساب سے آپ نے لیپ ٹاپ کتنے دیے ہیں، میرے صوبے کے لوگو آبادی کے حساب سے میں بھی آپ کو لیپ ٹاپ دے دیتا ہوں، بہت جلد پنجاب کی پالیسی کے تحت کے پی میں طلبا کو لیپ ٹاپ مل جائیں گے۔‘
یہ بھی پڑھیں: پنجاب حکومت سے مفت لیپ ٹاپ حاصل کرنے کا طریقہ کار سامنے آگیا
علی امین گنڈا پور کا کہنا ہے کہ ہم نے صوبے کے عوام صحت کارڈ پلس دیا اور ان کو لائف انشورنس کی سہولت بھی دے رہے ہیں، پنجاب حکومت بھی اپنی عوام کو یہ سہولیات دے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news خیبرپختونخوا صحت کارڈ علی امین گنڈاپور لیپ ٹاپ مریم نواز
زرعی یونیورسٹی کی 12 طالبات کو اسکاٹش اسکالرشپ سے نوازاگیا