مصباح الحق کی میزبانی اعزازکی بات ہے، قونصل جنرل خالد مجید
اشاعت کی تاریخ: 23rd, February 2025 GMT
قونصل جنرل پاکستان خالد مجید نے کہا ہے کہ کرکٹ لیجنڈ اورپاکستان چلڈرن ہارٹ فاؤندیشن کے” برینڈ ایمبسڈر” مصباح الحق کی پاکستان ہاؤس میں میزبانی اعزاز کی بات ہے۔ وہ بدھ کی شام کوجدہ مین اپنی رہائش گاہ پاکستان ہاؤس میں پاکستان چلڈرن ہارٹ فاؤندیشن کے” برینڈ ایمبسڈر” شہرہ آفاق کرکٹر، پاکستان کی قومی ٹیم کے سابق کپتان مصباح الحق اور فاؤنڈیشن کے سی ای او فرحان احمد کے اعزاز میں اپنی جانب سے دیئے گئے عشائیہ میں خوش آمدید کہہ رہے تھے۔
عشائیہ میں جدہ میں پاکستانی کمیونٹی کی ممتاز کاروباری اور سماجی شخصیات، شائقین کرکٹ اوراخباری نمائندگان کی بڑی تعداد نے شرکت کی۔ پاکستان ہاؤس پنہچنے پر قونصل جنرل پاکستان خالد مجید، ڈپٹی قونصل جنرل عدنان جاوید، قونصلیٹ کے دیگر افسران، اسٹاف اور کمیونٹی کے افراد نے مصباح الحق اور ان کے ہمراہ مہمانوں کا پرتپاک استقبال کیا۔ قونصل جنرل پاکستان نے اپنے خطاب میں کہا مصباح الحق پاکستانی کرکٹ کی تاریخ کیکامیاب ترین کپتانوں میں سے ایک ہیں۔ ہم انکی کامیابیوں کوخراجِ تحسین پیش کرتے ہیں۔ مصباح الحق نے کہا کہ2017 میں کرکٹ سے ریٹائرمنٹ کے بعد فلاحی کاموں کا خیال آیا تو پاکستان چلڈرن ہارٹ فاؤندیشن کے روح رواں فرحان احمد کے ساتھ مل کرفاؤنڈیشن کے ” برینڈ ایمبسڈر کے طور پر کام کرہا ہوں۔ مصباح الحق نے قونصل جنرل اور کمیونٹی کا والہانہ استقبال پر شکریہ ادا کیا۔ انہوں نے اپنے کرکٹ کیریئر کے بارے میں اپنے تجربات اورمشاہدات سے بھی آگاہ کیا۔ انھوں نے کہا کہ جب سے فاؤنڈیشن اور اس کے کاز میں شریک ہونے کا موقع ملا ان کے ساتھ بات چیت کرنے اور ان کے سفر سیسیکھنے کا موقع ملا۔ اس کی خوشی کی کوئی انتہا نہیں ہے۔ مصباح الحق نے کہا کہ پیدائشی طور پر جن بچوں کے دل میں سوراخ ہوتا ہے اس کے علاج کے فرحان احمد صاحب نے ہسپتال قائم کیا ہے۔ آج کی تقریب کا مقصد اسی کاز سے آگاہی دینا ہے۔ اس کاز کا اپنا کاز سمجھیں، اس مقصد میں ہماری مدد کریں۔ یہ ہی ہماری آپ سے اپیل۔ تقریب سے پاکستان چلڈرن ہارٹ فاؤندیشن کے بانی سی ای او فرحان احمد نے بھی خطاب کیا اور فاؤنڈیشن کی خدمات پر روشنی ڈالی۔
ذریعہ: Jasarat News
کلیدی لفظ: مصباح الحق فاو نڈیشن نے کہا
پڑھیں:
گمراہی سے نکلنے کیلئے تلاوت قرآن، تزکیہ نفس کو عام کرنا ہوگا،علامہ ریاض نجفی
جامع مسجد علی حوزہ علمیہ جامعہ المنتظر میں خطبہ جمعہ ہمارے بچے سب کچھ پڑھ لیتے ہیں، لیکن قرآن مجید کا ترجمہ نہیں پڑھتے، علمی تبلیغی مجالس دین محمدی کے فروغ کا بہترین پلیٹ فارم، صرف فضائل مصائب تک محدود کیوں ہماری مجالس میں قرآن مجید برائے نام پڑھا جاتا ہے۔ اسلام ٹائمز۔ وفاق المدارس الشیعہ پاکستان کے صدر علامہ حافظ سید ریاض حسین نجفی نے کہا ہے کہ ہم بحیثیت مسلمان چاہے سنی ہوں یا شیعہ قرآن سے دور ہو گئے ہیں۔ ہمارے بچے سب کچھ پڑھ لیتے ہیں لیکن قرآن مجید کا ترجمہ نہیں پڑھتے۔ قرآن مجید سے دور ہونے کی وجہ سے ہم بحیثیت امت کمزور ہو گئے ہیں۔ سب سے اہم چیز قرآن ہے، خدارا اہل ایمان قرآن سے دوری اختیار نہ کریں، قرآن کے مطابق اولاد کی تربیت ہماری ذمہ داری ہے، توجہ کریں، نہیں تو قیامت کے دن سب پکڑے جائیں گے۔ فلسطین پرکتنا ظلم ہوا ہے لیکن مسلمان کچھ نہیں کر سکے۔ دشمن نے عراق اور افغانستان پر حملے کیے اسلامی ممالک نے کچھ نہ کیا تو ان میں جرات پیدا ہو گئی کہ جہاں چاہے حملہ کر دیں، امت کی طرف سے کوئی ردعمل نہیں آئے گا۔
جامع مسجد علی حوزہ علمیہ جامعتہ المنتظر ماڈل ٹاون میں خطبہ جمعہ دیتے ہوئے انہوں نے کہا حزب اللہ اور انصار اللہ یمن کا بھلا ہوکہ جنہوں نے کچھ نہ کچھ تو اسرائیل کیخلاف کیا ہے، ورنہ باقی مسلمان تو سوئے ہوئے ہیں۔ حافظ ریاض نجفی نے افسوس کا اظہار کیا کہ ہماری مجالس عزاء صرف فضائل و مصائب تک محدود ہو گئی ہیں۔ علمی اور تبلیغی مجالس دین محمدی اور علوم آل محمد کو فروغ دینے کا بہترین پلیٹ فارم ہے مگر ان مجالس اور محافل کو فضائل امام علی علیہ السلام اور مصائب امام حسین علیہ السلام تک محدود کر دیا گیا ہے، ہماری مجالس میں قرآن مجید برائے نام پڑھا اور سنا جاتا ہے، تفسیر قرآن ہو یا قرآن کا درس ہو بہت کم پایا جاتا ہے۔ وفاق المدارس کے صدر نے کہا کہ اگر ذلالت اور گمراہی سے نکلنا ہے تو تلاوت کلام پاک اور تزکیہ نفس کو عام کرنا ہوگا۔ ان کا کہنا تھا کہ سورہ مبارکہ جمعہ میں کتاب کی تلاوت اور تزکیہ نفس کے بارے میں ہی کہا گیا ہے۔ حضرت امام جعفر صادق ؑنے ایسے عالم تیار کیے ایسے مناظر تھے جو توحید کا درس دیتے تھے۔ مشہور سائنسدان جابر بن حیان جیسے لوگ امام جعفر صادق کی شاگرد تھے۔
ٹک ٹاکر کی موت کی وجہ سامنے آگئی