روزہ ، نماز اور قیام الیل جذبہ جہاد پیدا کرتا ہے، مفتی مولانا ولی محمد سہتو
اشاعت کی تاریخ: 23rd, February 2025 GMT
نواب شاہ : جماعت اسلامی کے رہنما مفتی مولانا ولی محمدسہتو استقبال رمضان کے اجتماع سے خطاب کررہے ہیں
نواب شاہ (نمائندہ جسارت )ممتاز عالم دین اور جماعت اسلامی ضلع مٹیاری کے رہنما مفتی مولانا ولی محمد سہتو نے کہا ہے کہ رمضان المبارک انقلاب کا مہینہ ہے جو روزہ، نماز اور قیام الیل کے ذریعے مسلمانوں میں جذبہ جہاد پیدا کرتا ہے وہ جماعت اسلامی نوابشاہ کی جانب سے ترازو چوک میں استقبال رمضان کے پروگرام سے خطاب کر رہے تھے جس میں بڑی تعداد میں لوگوں نے شرکت کی انہوں نے کہا کہ رمضان المبارک میں قبلہ اول بیت المقدس کو آزادی ملی ، سندھ باب الاسلام بنا، غزوہ بدر کا معرکہ درپیش آیا جس میں دشمن کے مقابلے میں قلیل تعداد میں ہونے کے باوجود مسلمانوں کو فتح ملی، پاکستان کو آزادی 27 رمضان المبارک کو ملی، قرآن کریم اور دیگر آسمانی کتابیں رمضان میں نازل ہوئی جبکہ اس ماہ مبارک کے آخری عشرے میں اللّٰہ تعالیٰ نے طاق راتوں میں ایک ایسی رات رکھی جس میں ایک رات کی عبادت کو ہزار مہینوں کی عبادت سے افضل قرار دیا گیا ہے جماعت اسلامی کے ضلعی نائب امیر سرور احمد قریشی اور نجف رضا نے لوگوں سے اپیل کی کہ وہ اپنی زندگیوں کو بدلنے کا عہد کریں ہم اسلامی تعلیمات سے انحراف کی وجہ سے مسائل کا شکار ہیں پاکستان نظام اسلام کے لیے قائم ہوا لیکن ہمارے حکمرانوں کی ہوس اقتدار اور غلط پالیسیوں کی وجہ سے غریب عوام کا جینا دوبھر کردیا گیا ہے اس کا واحد حل زمام کار صالح اور دیانتدار قیادت کو سونپی جائے جس کے لیے جماعت اسلامی حافظ نعیم الرحمن کی قیادت میں کوشاں ہے
.ذریعہ: Jasarat News
کلیدی لفظ: جماعت اسلامی
پڑھیں:
راشد نسیم کی زیر صدارت جماعت اسلامی الیکشن کمیشن کا اجلاس
لاہو ر (نمائندہ جسارت)صدر الیکشن کمیشن جماعت اسلامی راشد نسیم نے منصورہ میں الیکشن کمیشن کے اجلاس کی صدارت کی۔ اجلاس میں مرکزی مجلس شوریٰ کے انتخابات اور حلقہ بندیوں کی تیاریوںکا جائزہ لیا گیا۔ تجاویز، ترامیم اور اعتراضات زیر بحث آئے اور ان پر فیصلے کیے گئے۔صدر الیکشن کمیشن نے کہا کہ الیکشن کمیشن کی کوشش ہے کہ جماعت اسلامی کی مرکزی مجلس شوریٰ کی مدت ختم ہونے سے 15 روز قبل تک انتخابی عمل کو مکمل کر لیا جائے۔
وفاقی کابینہ کے طلب کئے گئے اجلاس کا وقت تبدیل ہو گیا