گھوٹکی پولیس کی شاندار کارروائی، 2مغوی بازیاب،ڈاکوفرار
اشاعت کی تاریخ: 23rd, February 2025 GMT
میرپور ماتھیلو(نمائندہ جسارت )ڈی آئی جی سکھر کیپٹن (ر) فیصل عبداللہ چاچڑ کے احکامات پر جرائم پیشہ افراد کے خلاف جاری کاروائیوں میں گھوٹکی پولیس کی بہترین اور کامیاب کاروائی 02 مغوی بازیاب، تقریباً 07 ماہ قبل اغواء ہونے والے پنجاب کے دو مغویوں کو بحفاظت بازیاب کروا لیا گیا،تفصیلات کے مطابق مغوی تصور اقبال ولد غلام حسین اعوان سکنہ گاؤں بھلا تحصیل و ضلع چکوال،، رانا خالد محمود ولد طلب دین راجپوت سکنہ تحصیل میلسی ضلع وہاڑی مورخہ 06/07/ 2024 کو کشمور شہر سے اغواء ہو گئے تھے،کل صبح تقریباً 05 بجے ڈی ایس پی اباڑو کی سربراہی میں،ایس ایچ او کمبڑا،ایس ایچ او اباڑو اور انچارج اسپیشل ٹیم کو دورانِ گشت اپنے خفیہ ذرائع کے ذریعے پتہ چلا کہ اغواء کار دو مغویوں کو ماچھکہ کے علاقے سے کراس بند کے نزدیک سے سندھ میں منتقل کرنے والے ہیں،پولیس پارٹی فوراً نشاندھی والی جگہ نزد کراس بند کچہ ایریا پہنچی تو اغواء کاروں نے گرفتاری کے خوف اور اپنا گھیرا تنگ ہوتا ہوا دیکھ کر پولیس پہ فائرنگ کر دی پولیس نے بھی اپنے بچاؤ میں جوابی فائرنگ کی،اغواء کار مغویوں کو چھوڑ کر فائرنگ کرتے ہوئے کچہ کی طرف فرار ہو گئے ، پولیس مغویوں کو بحفاظت اپنے ساتھ لے آئے اور قانونی کاروائی کے بعد انکو ورثاء کے حوالے کر دیا جائے گا،بازیابی کے بعد مغوی تصور اقبال نے پولیس کو بتایا کہ مجھے مختلف نا معلوم فون نمبروں سے لڑکی کے فون آتے تھے جس سے دوستی ہو گئی تھی جس سے ملنے میں کشمور گیا تو وہاں سے اغواء ہوگیا تھا، ،جبکہ دوسرے مغوی رانا خالد محمود نے بتایا کہ میں رنگ کرنے کا کام کرتا ہوں مجھے اغواء کاروں نے رنگ کرنے کے بہانے کشمور بلوا کر وہاں سے اغواء کر لیا تھا،اغواء کاروں نے مغوی رانا خالد محمود کی ایک تشدد شدہ وڈیو بھی تاوان وصول کرنے کے لئے اسکے ورثاء کو بھیجی تھی،مغویوں نے بازیابی کے بعد ڈی آئی جی سکھر اور ایس ایس پی گھوٹکی اور ان کی ٹیم کا تہہ دل سے شکریہ ادا کیا کہ ان کی کاوشوں کی بدولت میں ڈاکوؤں کے چنگل سے آزاد ہوا ہوں،ڈی آئی جی سکھر نے اس کامیاب کاروائی و کارکردگی پر ایس ایس پی گھوٹکی سمیع اللہ سومرو کو شاباش اور پولیس پارٹی کے لئے سی سی سیکنڈ تعریفی سرٹیفیکیٹ دینے کا اعلان کیا۔
.ذریعہ: Jasarat News
کلیدی لفظ: مغویوں کو
پڑھیں:
ایک اور میثاق جمہوریت تک موجودہ صورتحال تبدیل نہیں ہوسکتی. رانا ثنا اللہ
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔15 اپریل ۔2025 )وزیر اعظم کے مشیر اور مسلم لیگ (ن ) کے سینئر رہنما رانا ثنا اللہ نے کہا ہے کہ پی ٹی آئی سمجھتی ہے کہ سیاسی مسائل کو اسٹیبلشمنٹ سے گفتگو کرکے حل کرلیں گے،سیاسی مسائل صرف اس وقت حل ہوں گے جب سیاسی قیادت ٹیبل پر بیٹھے گی، جب تک ایک اور میثاق جمہوریت نہیں ہوگا تب تک موجودہ صورتحال تبدیل نہیں ہوسکتی.(جاری ہے)
نجی ٹی وی سے گفتگو میں رانا ثنا اللہ کا کہنا تھا کہ پی ٹی آئی اپنے معاملات میں بری طرح الجھتی جارہی ہے اور جب تک یہ جماعت الجھی رہے گی پاکستانی سیاست کو بھی الجھائے رکھے گی، یہ جس راستے پر جانا چاہتے ہیں اس سے جمہوریت مضبوط نہیں ہوگی، یہ جس راستے پر جانا چاہتے ہیں اس سے ان کو کوئی منزل نہیں ملے گی. مشیر وزیراعظم کا کہنا تھا کہ کہا جا رہا ہے ہم نے اپنے مسائل اسٹیبلشمٹ سے بات چیت کر کے حل کرنے ہیں، یہ مسائل ایسے حل نہیں ہوں گے ، جب سیاسی قیادت سر جوڑے گی حل ہوں گے لیکن عمران خان کہتے ہیں میں نے اسٹیبلشمٹ سے ہی بات کرنی ہے. انہوں نے کہا کہ مذاکراتی کمیٹیز میں جو گفتگو ہوئی سب کو پتا ہے کہ وہاں سے کون چھوڑ کر بھاگا تھا؟ یہ لوگوں کے گھروں تک جا کر ذاتی طور پر زچ کرتے ہیں، عون عباس کو جس طرح گرفتار کیا گیا میں نے اس کی مذمت کی تھی رانا ثنا اللہ کا کہنا تھا کہ جہاں سے راستہ تلاش کرنا چاہتے ہیں وہاں سے نہیں ملے گا، پی ٹی آئی دور میں ہر طرح کے مسائل موجودہ دور سے زیادہ تھے، اگر سیاسی مسائل بھی حل ہوں تو جو معاملات ایک سال میں حل ہوں ایک ماہ میں ہوں. ان کا کہنا تھا کہ سیاسی جماعتوں میں تقاریر اور خطابات میں بڑی بڑی باتیں ہوجاتی ہیں، میرا یقین ہے جب تک سیاسی جماعتیں بیٹھ کر بات نہیں کریں گی اور ایک اور میثاق جمہوریت نہیں ہوگا تو موجودہ صورتحال تبدیل نہیں ہوسکتی.
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار