حادثات و اقعات میں 4 افراد جاں بحق، 13 زخمی
اشاعت کی تاریخ: 23rd, February 2025 GMT
کراچی (اسٹاف رپورٹر) شہر کے مختلف علاقوں میں حادثات و واقعات میں خاتون سمیت 4 افراد جاں بحق 13 افراد زخمی ہوگئے۔ تفصیلات کے مطابق لانڈھی 36 جی نزد جامعہ دارالعلوم کے قریب گھر میں بلیچ پینے والی خاتون 42 سالہ انوری بیگم جاں بحق ہوگئی، خاتون نفسیاتی مسائل کا شکار تھی۔ حب چوکی ساکران روڈ مری چوک عثمان مسجد کے قریب گھر سے 18 سالہ بے نظیر خاتون دختر شاہ میر کی پھندا لگی لاش ملی۔ پولیس کا کہنا ہے کہ خاتون نے پھندا لگا کر خودکشی کی ہے۔ ادھر ملیر میمن گوٹھ فلک ناز ٹاور کے قریب گھر سے 65 سالہ سر فرار احدم ولد صلاح الدین کی پھندا لگی لاش ملی۔
.ذریعہ: Jasarat News
پڑھیں:
کراچی: گلبرگ میں واٹر ٹینکر کی ٹکر سے 10 سالہ بچہ جاں بحق
کراچی: شہر میں ٹریفک حادثات کا سلسلہ رک نہ سکا، گلبرگ میں واٹر ٹینکر کی زد میں آکر 10 سالہ بچہ جاں بحق ہوگیا۔
میڈیا رپورٹس کے مطابق جاں بحق بچہ صائم کھڑے واٹر ٹینکر سے بغیر بتائے پانی بھر رہا تھا کہ ڈرائیور نے اچانک ٹینکر ریورس کردیا، جس کے نتیجے میں وہ نیچے آکر جاں بحق ہوگیا،واقعے کے بعد مشتعل شہریوں نے ٹینکر پر پتھراؤ کرتے ہوئے اس کے شیشے توڑ دیے، پولیس نے موقع پر پہنچ کر ٹینکر ڈرائیور کو گرفتار کرلیا اور ٹینکر ضبط کر لیا۔
خیال رہےکہ کراچی کے علاقے ملیر کورٹ کے قریب ڈمپر اور ٹریلر کے تصادم میں دو افراد جاں بحق جبکہ ایک شخص زخمی ہوگیا، جاں بحق ہونے والوں میں عامر اور زخمی ہونے والوں میں ساجد شامل ہیں، حادثے کے بعد ڈرائیور ٹریلر چھوڑ کر فرار ہوگیا۔
واضح رہے کہ کراچی میں رواں سال کے صرف دو ماہ میں 119 افراد ٹریفک حادثات میں جاں بحق ہوچکے ہیں، جن میں سے 87 مرد، 16 خواتین، 12 بچے اور 4 بچیاں شامل ہیں۔
شہریوں نے ٹریفک قوانین پر سختی سے عمل درآمد اور حادثات کی روک تھام کے لیے ٹھوس اقدامات کا مطالبہ کیا ہے۔
محمد یوسف نے چیمپئنز ٹرافی کی سب سے متوازن ٹیم کا بتا دیا