مختلف علاقوں میں چھاپوں اور آپریشنز میں 30 ملزمان گرفتار
اشاعت کی تاریخ: 23rd, February 2025 GMT
کراچی (اسٹاف رپورٹر) شہر کے مختلف علاقوں میں پولیس کومبنگ آپریشن اور چھا پوں کے دوران 30ملزمان کو گرفتار کرلیا گیا ،ملزمان کے قبضے سے منشیات ،اسلحہ ،موبائل فون ،موٹر سائیکل اور مسروقہ سامان، بڑی مقدات میں گٹکا اور گٹکا بنانے کا سامان برآمد ہوا۔پولیس نے ملزمان کے خلاف مقدمات درج کرکے تفتیش شروع کردی۔ تفصیلات کے مطابق خواجہ اجمیر نگری میں چھاپے کے دوران عبید عرف گولی اور فرحان عرف ملا گرفتار جبکہ ایک ملزم فرار ہوگیا، بھاری مقدار میں گٹکاماوا اور تیاری کا سامان بھی برآمد ہوا تھانہ بغدادی اور چاکیواڑہ کی حدود سے اسٹریٹ کرائمز کی متعدد وارداتوں میں ملوث 2 ملزمان سجاد عرف ساجد اور عبدالرحمن کو گرفتار کرکے 2 پستول بمعہ گولیاں برآمد کرلیں۔ ملزمان عادی مجرم، اس سے قبل بھی گرفتار ہوکر جیل جا چکے ہیں۔ تھانہ سولجر بازار کے مختلف علاقوں سے پولیس نے ٹریفک روانی میں خلل اور پیشہ ورانہ گداگری کرنے والے6 ملزمان محمد وکیل، عبدالغفار، مینگل خان، سلیمان، اسلام اور عاشق حسین کو گرفتار کر لیا۔ ملزمان کے قبضے سے ایک سوزوکی اور 2 عدد ترازو قبضہ میں لے لیا گیا ہے۔ شریف آباد پولیس نے فیڈرل بی ایریا بلاک ون میں چھاپہ مارکر 2 ملزمان صمد ولد عبدالرزاق اور اسد ولد عبدالرزاق کو گرفتار کر لیا اور بھاری مقدار میں گٹکا اور تیاری کا سامان سمیت مشینیں بھی برآمد کرلیں۔ تھانہ ڈاکس پولیس نے مچھر کالونی میں جرائم پیشہ عناصر کی سرکوبی کیلیے داخلی و خارجی راستے بند کرکے سرچ اینڈ کومبنگ آپریشن کیا اور گھر گھر تلاشی لی گئی۔
، اس موقع پر 2 جرائم پیشہ عناصر سمیت 6 مشتبہ گان کو بھی حراست میں لیا گیا۔ دوران آپریشن سلمان خان نامی مطلوب اسٹریٹ کریمنل کو غیرقانونی پستول سمیت گرفتار کیا گیاجبکہ گٹکا فروشی میں ملوث اصغر علی نامی ملزم کو گرفتار کرکے 40 پڑیاں گٹکا برآمد کیا گیا۔ 6 مشتبہ افراد کو تفتیش کے بعد رہا کردیا گیا۔ جمشید ڈویژن پولیس نے کارروائی کر کے منشیات فروشی میں ملوث2 ملزمان حماس عرف گٹو ولد ذاکر اور عبد العزیز ولد مشتاق کو گرفتار کرکے قبضے سے ڈیڑھ کلو سے زاید اعلیٰ کوالٹی کی چرس اور فروختگی کی رقم برآمد کرلی تھانہ بلدیہ ٹاؤن پولیس نے بلدیہ کوہاٹی محلہ میں کارروائی کر کے منشیات فروشی میں ملوث اشتہاری ملزم عدنان کو ساتھی تنویر سمیت گرفتار کر لیا اور قبضے سے 240 گرام چرس برآمد کرلی۔ تھانہ کلری، عیدگاہ، کلاکوٹ، چاکیواڑہ اور نیپئر کی حدود سے 3 گٹکا سپلائرز سمیت 4 منشیات و شراب فروش گرفتار کرلیے، ملزمان کی شناخت عامر عرف کپی عرف پوڈری، اکبر، صدراللہ، عبداللہ، کامران، ونود اور اکبر خان کے ناموں سے ہوئی ہے، ملزمان سے 10 کلو گٹکا، 32 گرام کرسٹل اور 8 شراب کی بوتلیں برآمدہوئیں، ملزمان کے خلاف متعلقہ تھانہ جات میں مقدمات درج ہیں، ملزمان کو مزید قانونی کاروائی کیلیے انویسٹیگیشن حکام کے حوالے کیا جا رہا ہے۔
ذریعہ: Jasarat News
کلیدی لفظ: کو گرفتار کر ملزمان کے پولیس نے
پڑھیں:
گرمی قہر ڈھانے لگی، مختلف علاقوں میں پارہ بڑھنے لگا، آج ہیٹ ویو کا خدشہ
پی ڈی ایم اے نے آج سے ہیٹ ویو کا خدشہ ظاہر کر دیا، دادو اور شہید بینظیر آباد میں پارہ 45 ڈگری کو چھو گیا، لاڑکانہ، جیکب آباد، سکھر، 44 روہڑی، سبی اور بہاولپور میں 43 ڈگری سینٹی گریڈ ریکارڈ کیا گیا، لاہور میں پارہ 41، تربت اور نوکنڈی میں 40 ڈگری تک پہنچ گیا۔ کراچی 37، اسلام آباد اور پشاور میں 36 ڈگری رہا، کوئٹہ 31، مظفر آباد 29 اور گلگت بلتستان میں 25 ڈگری ریکارڈ کیا گیا۔ اسلام ٹائمز۔ گرمی کا زور، ملک کے مختلف علاقوں میں پارہ بڑھنے لگا۔ دادو اور شہید بینظیر آباد میں پارہ 45 ڈگری کو چھو گیا، لاڑکانہ، جیکب آباد، سکھر، 44 روہڑی، سبی اور بہاولپور میں 43 ڈگری سینٹی گریڈ ریکارڈ کیا گیا، لاہور میں پارہ 41، تربت اور نوکنڈی میں 40 ڈگری تک پہنچ گیا۔ کراچی 37، اسلام آباد اور پشاور میں 36 ڈگری رہا، کوئٹہ 31، مظفر آباد 29 اور گلگت بلتستان میں 25 ڈگری ریکارڈ کیا گیا، پی ڈی ایم اے نے آج سے ہیٹ ویو کا خدشہ ظاہر کر دیا، ٹانک شہر میں موسلا دھار بارش اور ژالہ باری کا امکان بڑھ گیا۔ کرک شہر اور مضافات میں تیز ہواؤں کے ساتھ موسلا دھار بارش ہوئی، موسم خوشگوار ہوگیا، خیبرپختونخوا، کشمیر، گلگت بلتستان میں بادل برسنے کی توقع ہے، پنجاب، اسلام آباد اور بلوچستان کے چند مقامات پر بھی بارش کا امکان ہے۔
افغانستان سے دراندازی پھر ناکام، 8 خوارج ہلاک، 4 گرفتار