کاشف شیخ و دیگر کی پی ایف یو جےکے نومنتخب عہدیداران کو مبارکباد
اشاعت کی تاریخ: 23rd, February 2025 GMT
کراچی(اسٹاف رپورٹر) جماعت اسلامی سندھ کے امیر کاشف سعید شیخ، جنرل سیکرٹری محمد یوسف اور سیکرٹری اطلاعات مجاہد چنا نے پی ایف یو جے کے الیکشن میں
کامیاب ہونیوالے عہدیداران رانا محمد عظیم صدر، شکیل احمد جنرل سیکرٹری،غلام اکبر جعفری، جنید خانزادہ نائب صدور ودیگر منتخب عہدیداران اور ایگزیکٹو کونسل کے ارکان کو دلی مبارکباد دیتے ہوئے امید کی ہے نئے منتخب کردہ عہدیداران صحافت کی آزادی، صحافیوں کے حقوق اور عوامی مسائل کو اجاگر کرنے کے لیے بہترین کردار ادا اور اپنی جدوجہد کو جاری رکھیں گے۔
ذریعہ: Jasarat News
پڑھیں:
دنیا بھر کے سکاؤٹس کو دل کی گہرائیوں سے مبارکباد دیتا ہوں:شہباز شریف
وزیراعظم محمد شہباز شریف کا سکاؤٹس کے عالمی دن پر پیغام میں کہنا تھا کہ سکاؤٹس کے اس عالمی دن پر میں پاکستان اور دنیا بھر کے سکاؤٹس کو دل کی گہرائیوں سے مبارکباد پیش کرتا ہوں کیونکہ آج کے دن ہم قیادت، برادری اور خدمت کے جذبے کو منا رہے ہیں جو اس پوری تحریک کی بنیاد ہے۔وزیراعظم نے کہا کہ ہر سال 22فروری کو دنیا بھر میں سکاؤٹس،سکاؤٹنگ کی تحریک کے بانی لارڈ رابرٹ سٹیفنسن سمتھ بیڈن پاول کی میراث کو عقیدت سے یاد کرتے ہیں، پاکستان بوائے سکاؤٹس ایسوسی ایشن کی تاریخ میں نمایاں کارکرگی، بالخصوص جب یہ اپریل 2025 میں 15 ویں نیشنل جمبوری کی تیاری کر رہی ہے باعث مسرت ہے۔ اپنے ویژن 2030اور ورلڈ سکاؤٹ بیورو کے ایشیا پیسیفک ریجن کے ساتھ تعاون سے، ایسوسی ایشن بین الاقوامی شراکت کو مضبوط بنانے، پاکستان کے لیے عالمی سطح پر بہترین پریکٹسز کا تبادلہ کرنے اور پاکستان کی عالمی سکاوٹنگ کیلئے خدمات کو نمایاں کرنے کے لیے تیار ہے۔شہباز شریف نے کہا کہ امن اور بحران دونوں وقتوں میں تربیت یافتہ سکاؤٹس کا گراں قدر کردار رہا ہے،سکاوٹس، سکاؤٹنگ کے نصب العین کی جیتی جاگتی مثال ہیں جو کہتا ہے کہ لچک، قیادت اور بے لوث خدمت کا مظاہرہ کرتے ہوئے، "تیار رہو" بابائے قوم قائداعظم محمد علی جناح نے سکاؤٹنگ کی اہمیت کا اعتراف کرتے ہوئے اس بات پر زور دیا"ایک محفوظ، صاف ستھری اور ترقی یافتہ دنیا کی تعمیر کے لیے ہمیں فرد سے شروعات کرنی چاہیے۔آئیے ہم اسے نوجوانی میں ہی تیار کریں اور اس کے اندر سکاؤٹنگ کے نصب العین کے مطابق اپنی ذات سے بالا تر ہوکر خدمت، سوچ، قول اور عمل میں پاکیزگی پیدا کریں،" مستقبل میں اس تحریک میں ہمیں جدید اور پرکشش اقدامات کا نفاذ کرنا ہوگا جو نوجوان ذہنوں کو چیلنج، تحریک و جدت کو فروغ اور کردار کو مضبوط کریں۔میسنجر آف پیس" جیسے اقدامات سکاؤٹس کو اتحاد، ہم آہنگی اور بامعنی سماجی اثرات کو فروغ دینے کے لیے ایک طاقتور پلیٹ فارم فراہم کرتے ہیں، جو انہیں عالمی شہری بننے کی ترغیب دینے کے ساتھ ساتھ معاشرے میں مثبت کردار ادا کرتے ہیں۔ مجھے پوری امید ہے کہ پاکستان میں اسکاؤٹ تحریک یونہی فروغ پاتی رہے گی، جس سے ہر لڑکے اور لڑکی کو اسکاؤٹنگ کی اقدار کو اپنانے اور قوم کی خدمت کے لیے خود کو وقف کرنے کی ترغیب ملے گی۔ سکاؤٹس ڈے مبارک ہو!
گریمی ایوارڈز؛ ریپر نے شہرت اور پیسے کیلیے اپنی اہلیہ کو برہنہ ہونے کو کہا تھا؛ رپورٹ