بھارتی کرکٹر اور ان کی اہلیہ کے درمیان طلاق کی اصل وجہ سامنے آگئی
اشاعت کی تاریخ: 23rd, February 2025 GMT
بھارتی کرکٹر یوزویندر چاہل اور ان کی اہلیہ دھناشری ورما کے درمیان طلاق کی اصل وجہ سامنے آگئی ہے۔
دونوں کے درمیان علیحدگی کی خبریں طویل عرصے سے گردش کر رہی تھیں، اور اب یہ بات واضح ہو گئی ہے کہ وہ طلاق لینا چاہتے ہیں۔
بھارتی میڈیا رپورٹس کے مطابق یہ جوڑا ممبئی کی ایک عدالت میں پیش ہوا تاکہ طلاق کے معاملے پر قانونی کارروائی مکمل کی جا سکے۔ عدالت میں سماعت کے دوران دھناشری اور چاہل نے اعتراف کیا کہ وہ گزشتہ 18 ماہ سے الگ رہ رہے ہیں۔ جب عدالت نے طلاق کی ممکنہ وجہ پوچھی تو جوڑے نے بتایا کہ انہیں آپس میں مطابقت کے مسائل درپیش تھے جس کے باعث وہ ساتھ نہیں چل سکتے۔
یہ پڑھیں: 4 سال کی شادی میں 18 ماہ کی علیحدگی اور پھر طلاق، وجوہات کیا؟
حال ہی میں رپورٹس سامنے آئیں کہ دھناشری ورما اور یوزویندر چاہل نے اپنی طلاق کو حتمی شکل دے دی ہے۔ تاہم، دھناشری کے وکیل نے اس بات کی تردید کی ہے اور کہا کہ قانونی کارروائی ابھی جاری ہے۔
وکیل کا کہنا تھا کہ یہ معاملہ ابھی عدالت میں زیر غور ہے اس پر کوئی تبصرہ نہیں کیا جا سکتا۔ میڈیا کو رپورٹنگ سے پہلے حقائق کی تصدیق کرنی چاہیے کیونکہ بہت سی گمراہ کن معلومات پھیلائی جا رہی ہیں۔
یہ بھی پڑھیں: معروف بھارتی کرکٹر اور اہلیہ کے درمیان طلاق ہوگئی
یاد رہے کہ دھناشری ورما ایک معروف ڈانسر، کوریوگرافر اور یوٹیوبر ہیں جبکہ یوزویندر چاہل بھارتی کرکٹ ٹیم کے نمایاں اسپن بولر ہیں، دونوں نے 2020 میں شادی کی تھی لیکن اب ان کی راہیں جدا ہو رہی ہیں۔
.ذریعہ: Express News
کلیدی لفظ: کے درمیان
پڑھیں:
سابق کرکٹر محمد عامر کرکٹر شاہین آفریدی کے بولنگ ایکشن میں بڑی غلطی سامنے لے آئے
لاہور(نیوز ڈیسک) سابق فاسٹ بولر محمد عامر شاہین آفریدی کے بولنگ ایکشن میں غلطی سامنے لے آئے ۔ نجی ٹی وی کے پروگرام میں محمد عامر نے سٹیج پر کھڑے ہو کر سمجھایا کہ شاہین انجری کے بعد سے اب تک کیا غلطی کر رہے ہیں، اسے ٹھیک کیا جا سکتا ہے۔
پروگرام میں شامل سابق کپتان راشد لطیف نے کہا کہ شاہین آفریدی بائیں ہاتھ سے بیٹنگ کرنے والے بیٹر کے خلاف بہتر گیند کرتے ہیں اس لیے انہیں کامیابی ملتی ہے۔ راشد لطیف کا کہنا ہے کہ دائیں ہاتھ کے بیٹر کے خلاف انہیں وہ سوئنگ نہیں مل رہا جو پہلے ملا کرتا تھا۔
انہوں نے کہا کہ شاہین آفریدی کو بولنگ ایکشن میں تھوڑے ردوبدل کی ضرورت ہے، ان کے بولنگ ایکشن پر کوچز کو توجہ دینی چاہیے تھی۔
خیبرپختونخوا : نگران دور میں بھرتی تمام ملازمین برطرف
ارکان پارلیمنٹ کی تنخواہوں میں اضافے کا بل سینیٹ سے بھی منظور، اپوزیشن کی شدید مخالفت