کراچی میں ناحلف بیٹے نے بوڑھے باپ پر تیزاب پھینک دیا
اشاعت کی تاریخ: 22nd, February 2025 GMT
کراچی:
کراچی: گارڈن کے علاقے شو مارکیٹ عظیم پلازہ بادشاہی مسجد کے قریب ناحلف بیٹے نے باپ پر تیزاب پھینک دیا۔
تفصیلات کے مطابق شو مارکیٹ عظیم پلازہ بادشاہی مسجد کے قریب 55 سالہ محمد علی کو زخمی حالت میں سول اسپتال کے برنس وارڈ منتقل کیا گیا۔
ایس ایچ او گارڈن زبیر نواز نے بتایا کہ ابتدائی معلومات کے مطابق زخمی ہونے والا محمد علی پیشے کے اعتبار سے دھوبی ہے جسے پر بیٹے نے گھریلو تنازعے پر کپڑے دھونے والا تیزاب پھینکا، جس کے نتیجے میں چہرہ، گردن اور بازو متاثر ہوئے۔
پولیس کے مطابق ناحلف بیٹا تیزاب پھینکنے کے بعد موقع سے فرار ہوگیا جس کی عمر 28 سال اور نام مبشر ہے۔
پولیس نے واقعے کے بعد ملزم کی گرفتاری کے لیے چھاپہ مار کارروائیاں شروع کردی ہیں۔ ملزم چار بہنوں کا اکلوتا بھائی ہے۔
ڈاکٹر نے زخمی محمد علی کی حالت کو خطرے سے باہر قرار دیا ہے تاہم وہ اسپتال میں زیر علاج ہیں۔
.ذریعہ: Express News
پڑھیں:
کراچی، ہیوی ٹریفک سے اموات کا سلسلہ تھم نہ سکا، ٹرالر کی ٹکر سے 2 نوجوان جاں بحق
کراچی:شہر قائد کے علاقے نیو چالی کے علاقے میں سندھ مدرستہ الاسلام کالج کے قریب تیز رفتار ٹرالر کی موٹر سائیکل کو ٹکر کے نتیجے میں دو نوجوان جاں بحق ہوگئے۔
حادثے کے فوری بعد جائے وقوعہ پر افرا تفری مچ گئی جبکہ پولیس اور ریسکیو ادارے موقع پر پہنچ گئے۔ پولیس کے مطابق ابتدائی طور پر جاں بحق ہونے والے افراد کی شناخت نہیں ہو سکی تھی تاہم بعد ازاں ان کی شناخت زید اور نور کے نام سے کی گئی۔
مزید پڑھیں: کراچی؛ بلدیہ ٹاؤن میں ٹینکر نے 4 سالہ بچے کی جان لے لی
پولیس ذرائع کے مطابق دونوں نوجوان آپس میں قریبی دوست تھے اور لیاری کے علاقے عثمان آباد کے رہائشی تھے۔ عینی شاہدین کے مطابق ٹرالر تیز رفتاری کے باعث موٹر سائیکل کو زور دار ٹکر مار کر آگے نکل گیا، تاہم فوری کارروائی کرتے ہوئے پولیس نے ٹرالر ڈرائیور کو گرفتار کرلیا۔
جبکہ لاشوں کو ضابطے کی کارروائی کیلئے سول اسپتال منتقل کردیا گیا۔ پولیس زرائع کے مطابق جاں بحق ہونے والے نوجوان مبینہ طور پر موٹر سائیکل پر ریس لگا رہے تھے جب یہ افسوسناک حادثہ پیش آیا۔
افغانستان سے دراندازی پھر ناکام، 8 خوارج ہلاک، 4 گرفتار