عمران خان پر فائرنگ ان کے بھروسے کے لوگوں نے کی، بانی کی منشا شامل تھی، فیصل واوڈا
اشاعت کی تاریخ: 22nd, February 2025 GMT
اسلام آباد:سابق وفاقی وزیر سینیٹر فیصل واوڈا نے کہا ہے کہ آرمی چیف کو بدلہ لینا ہوتا تو مارشل لگا کر حساب برابرکر دیتے، بانی پی ٹی آئی پر فائرنگ ان کے بھروسے کے لوگوں نے کی تھی، عمران خان پر گولیاں چلانا مارشل لا کا پہلو تھا، فیصل واوڈا نے دعویٰ کیا کہ آرمی چیف کے آنے سے پہلے مارشل لا لگنے جا رہا تھا، ملک میں مارشل لا لگنے کی پوری تیاری ہوچکی تھی۔
نجی ٹی وی پروگرام میں اظہار خیال کرتے ہوئے فیصل واوڈا نے کہا کہ بانی پی ٹی آئی پر فائرنگ ان کے بھروسے کے لوگوں نے ہی کی، مقصد بانی کو اڑانا تھا، اللہ نے ان کی جان بچائی، بانی پر گولیاں مارشل لا کا ہی ایک پہلو تھا۔
انہوں نے کہا کہ فائرنگ کے معاملے میں بانی کی منشا بھی شامل تھی، آرمی چیف آئے تو ان کی پلیٹ میں مارشل لا تھا، آرمی چیف کو اللہ کو بانی پی ٹی آئی سے بدلہ لینا ہوتا تو ملک میں 3 ماہ کا ہی مارشل لا لگا دیتے۔
سابق وفاقی وزیر نے کہا کہ پورٹ قاسم کی زمین 10 لاکھ روپے فی ایکڑ دی گئی، 500 ایکڑ زمین ادھار دی گئی ہے، جبکہ اس زمین کی مارکیٹ ویلیو 10 کروڑ روپے فی ایکڑ ہے، زمین لینے والےکراچی کے ہی لوگ ہیں، میری ٹائم کی وزارت پاکستان کا قرضہ اتار سکتی ہے۔
سینیٹر فیصل واوڈا نے کہاکہ ایم کیو ایم کہہ رہی ہےکہ ڈمپرز کا مسئلہ بھی فوج حل کرے، کسی کا ڈمپر جلانے سے معاملہ حل نہیں ہوگا، ڈرائیورزکی اسکروٹنی ہوکر لائسنس دینا چاہیے، ڈمپرکی اسپیڈ 40 کلومیٹر تک محدود کردیں، 75 فیصد حادثات کم ہو جائیں گے۔
ان کا کہنا تھا کہ سندھ اور پنجاب کے ترجمانوں کے بیانات سیاسی تھیٹر ہیں، پی ٹی آئی کے چھوٹے ٹکڑوں میں تقسیم ہو جائے گی، عید کے بعد کچھ نہیں ہوگا، دھرنا ہوگا نہ کوئی گرینڈ الائنس بنے گا، ٹرک کی بتی کے پیچھے لگایا گیا ہے، سب اچھے بچوں کی طرح کام کریں گے، پی ٹی آئی ن لیگ حکومت کی ضمانتی ہے، کے پی میں اس وقت کرپشن کا بازار گرم ہے۔
انہوں نےکہا کہ شیر افضل مروت جیسے آدمی کو پی ٹی آئی میں نہیں چلنے دیا جائے گا، گوہر خان بھی نظر نہیں آرہے ہیں، شہباز شریف کی حکومت گنڈا پور کو بچانےکی بھرپورکوشش کی رہی ہے، 30 سے 45 دن کے اندر ملک کے لئے اچھی خبریں آئیں گی۔
سینیٹر فیصل واوڈا نے کہا ہے کہ پی ٹی آئی میں فارورڈ بلاک بنے گا، اس میں پارٹی کے پرانے لوگ شامل ہوں گے، مولانا فضل الرحمان پی ٹی آئی کے لئے کچھ نہیں کریں گے، تحریک انصاف کے پاس اب اسٹریٹ پاور نہیں ہے، صدر زرداری کے ایک زیرک سیاستداں ہیں۔
ذریعہ: Daily Mumtaz
کلیدی لفظ: فیصل واوڈا نے کہا پی ٹی ا ئی ا رمی چیف مارشل لا کہا کہ
پڑھیں:
اگر وقف اراضی کا صحیح استعمال کیا جاتا تو مسلم نوجوان پنکچر نہ بناتے، نریندر مودی
بھارتی وزیراعظم نے کہا کہ ملک بھر میں وقف کے نام پر لاکھوں ہیکٹر زمین موجود ہے، یہ زمین بے سہارا عورتوں اور بچوں کو فائدہ پہنچانے والی تھی لیکن اسکا فائدہ صرف مٹھی بھر لینڈ مافیا کو ہوا ہے۔ اسلام ٹائمز۔ بھارت کی شمالی ریاست ہریانہ میں نریندر مودی نے وقف کے معاملے پر اپوزیشن پر سخت تنقید کرتے ہوئے کہا کہ اگر وقف املاک کا صحیح استعمال کیا جاتا تو مسلم نوجوانوں کو پنکچر نہیں لگانا پڑتا۔ بھارتی وزیراعظم مودی نے اسی وقف قانون کو لے کر کانگریس پر سخت حملہ کیا، جس سے پورے ملک میں کھلبلی مچ گئی ہے۔ مودی نے کہا کہ کانگریس نے اپنے ووٹ بینک کو خوش کرنے کے لئے 2013ء میں وقف ایکٹ میں ترمیم کی تھی۔ نریندر مودی نے کہا کہ اگر کانگریس کو مسلمانوں سے اتنا ہی پیار ہے تو وہ کسی مسلمان کو پارٹی صدر کیوں نہیں بناتی ہے اور کانگریس مسلمانوں کو 50 فیصد ٹکٹ کیوں نہیں دیتے۔ انہوں نے کہا کہ کانگریس کا مقصد مسلمانوں کا بھلا کرنا نہیں ہے بلکہ صرف ان کے ووٹ حاصل کرنا ہے۔ انہوں نے کہا کہ نیا وقف ترمیمی قانون نہ صرف مسلمانوں کے حقوق کا تحفظ کرے گا بلکہ قبائلیوں کے حقوق کا بھی تحفظ کرے گا۔
نریندر مودی نے کہا کہ ملک بھر میں وقف کے نام پر لاکھوں ہیکٹر زمین موجود ہے، یہ زمین بے سہارا عورتوں اور بچوں کو فائدہ پہنچانے والی تھی، اگر آج اسے ایمانداری سے استعمال کیا جاتا تو مسلم نوجوانوں کو پنکچر بنانے اور سائیکلوں کی مرمت میں اپنی زندگیاں نہ گزارنی پڑتی لیکن اس کا فائدہ صرف مٹھی بھر لینڈ مافیا کو ہوا ہے۔ نریندر مودی نے کہا کہ مختلف علاقوں میں بیٹھے لینڈ مافیا نے وقف کو خوب لوٹا۔ انہوں نے کہا کہ سینکڑوں بیوہ مسلم خواتین نے حکومت ہند کو خطوط لکھے جس کے بعد وقف ایکٹ کا مسئلہ سامنے آیا، ہم نے ایک کام کیا ہے جو بہت ذمہ دارانہ ہے۔ انہوں نے کہا کہ اب نئے وقف قانون کے تحت وقف بورڈ ہندوستان کے کسی کونے میں قبائلیوں کی زمین کو ہاتھ نہیں لگا سکے گا۔ انہوں نے کہا کہ کانگریس نے اپنے ووٹ بینک کو خوش کرنے کے لئے 2013ء میں وقف ایکٹ میں ترمیم کی تھی۔
گھر سے بے دخل خاتون ٹک ٹاکر نے نہر میں چھلانگ لگا دی