عوام خیبرپختونخوا حکومت سے مایوس، عام انتخابات میں لوگ اندھے بہرے ہوگئے تھے، پرویز خٹک
اشاعت کی تاریخ: 22nd, February 2025 GMT
سابق وزیراعلیٰ خیبرپختونخوا پرویز خٹک نے کہا ہے کہ خیبرپختونخوا کے عوام صوبائی حکومت سے مایوس ہوچکے ہیں، عام انتخابات میں لوگ اندھے بہرے ہوگئے تھے۔
عام انتخابات کے بعد منظر نامے سے غائب ہو جانے والے پرویز خٹک قریباً ایک سال بعد سامنے آئے ہیں اور نوشہرہ میں جلسہ عام سے خطاب کیا ہے۔
یہ بھی پڑھیں پرویز خٹک کا پاکستان تحریک انصاف پارلیمنٹیرینز سے کوئی تعلق نہیں، چیئرمین میں ہوں، محمود خان
پرویز خٹک نے کہاکہ نوشہرہ کے عوام نے ہمارے ساتھ نہیں اپنے ساتھ زیادتی کی، میں نے اپنی پوری زندگی سیاست میں تباہ کردی ہے۔ تحریک انصاف والے سب سے زیادہ جھوٹ بولتے ہیں، آج سے ان کے خلاف جہاد شروع کررہا ہوں۔ پاکستان کا سب سے جھوٹا شخص عمران خان ہے۔
انہوں نے کہاکہ گزشتہ انتخابات میں لوگ اندھے بہرے ہوگئے تھے، میں نے بحیثیت وزیراعلیٰ خیبرپختونخوا کے لیے جو کچھ کیا وہ اپنے دم پر کیا۔
پرویز خٹک نے کہاکہ خیبرپختونخوا کے عوام ایک سال میں صوبائی حکومت سے نالاں ہوچکے ہیں، میں نے اپنے دور میں صحت کارڈ شروع کیا، اس کے علاوہ تعلیم اور پولیس میں اصلاحات کیں۔
انہں نے کہاکہ میں بہت جلد ایک کتاب لکھنے جارہا ہوں، جس میں سب کچھ کھل کر بیان کروں گا۔
سابق وزیراعلیٰ نے کہاکہ مولانا فضل الرحمان سے ملاقات کے بعد لوگوں نے جھوٹ بولنا شروع کردیا کہ میں جے یو آئی میں شامل ہورہا ہوں، حالانکہ ایسی کوئی بات نہیں، میں نے کسی پارٹی میں شمولیت کا اعلان نہیں کیا۔
انہوں نے کہاکہ آج کا جلسہ میں نے خاندان کے اختلافات کو ختم کرنے کے لیے کیا ہے، بلکہ یہ ایک جلسہ نہیں عوامی جرگہ ہے۔
جلسہ سے خطاب کرتے ہوئے پرویز خٹک کے بھائی لیاقت خٹک نے کہاکہ ہم بھائیوں کے درمیان جو غلط فہمیاں تھیں وہ ختم ہوگئی ہیں۔
یہ بھی پڑھیں پرویز خٹک پھر سرگرم، 22 فروری کو مستقبل کا اعلان متوقع، کیا ناراضی ختم ہوگئی؟
واضح رہے کہ پرویز خٹک نے عام انتخابات 2024 سے قبل پی ٹی آئی سے علیحدگی اختیار کرتے ہوئے پی ٹی آئی پارلیمنٹیرینز کے نام سے سیاسی جماعت بنائی تھی، تاہم وہ اپنی نشست بھی ہار گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اندھے بہرے پرویز خٹک پی ٹی آئی پی ٹی آئی پارلیمنٹیرینز تحریک انصاف جھوٹ سابق وزیراعلیٰ صوبائی حکومت عام انتخابات عمران خان محمود خان وی نیوز.ذریعہ: WE News
کلیدی لفظ: اندھے بہرے پرویز خٹک پی ٹی ا ئی پی ٹی ا ئی پارلیمنٹیرینز سابق وزیراعلی صوبائی حکومت عام انتخابات وی نیوز عام انتخابات پرویز خٹک نے اندھے بہرے پی ٹی ا ئی نے کہاکہ
پڑھیں:
حکومت مکمل ناکام، آئین توڑ کر ملک نہیں چل سکتے، شاہد خاقان عباسی
راولپنڈی: عوام پاکستان پارٹی کے سربراہ اور سابق وزیراعظم شاہد خاقان عباسی کا کہنا ہےکہ ملک میں جمہوریت نہیں بلکہ فارم 47 کی حکومتیں قائم ہیں، پارلیمان نمائندہ نہیں بلکہ رات کے اندھیرے میں کالے قوانین بناتا ہے۔
تقریب سے خطاب کرتے ہوئے شاہد خاقان عباسی نے حکومت پر سخت تنقید کرتے ہوئے کہا کہ???? ملک میں پاکستانی عوام کی بات کرنے والا کوئی نہیں، ???? حکومت مکمل ناکام ہوچکی ہے، آئین توڑ کر ملک نہیں چل سکتے، ملک میں نمائندہ حکومت نہیں، جمہوریت کے بغیر پاکستان نہیں چل سکتا۔
انہوں نے مزید کہاکہ الیکشن چوری ہوں گے تو ترقی نہیں ہوگی، چور حکومت سے معیشت نہیں چل سکتی،تینوں بڑی جماعتیں حکومت میں ہیں، مگر عوام مسائل کا شکار ہیں،پیپلز پارٹی 17 سال سے سندھ میں حکومت کر رہی ہے،ن لیگ پنجاب اور وفاق میں موجود ہے۔
شاہد خاقان عباسی کاکہنا تھا کہ پی ٹی آئی بھی 12 سال سے خیبرپختونخوا ( کے پی کے ) میں حکمران رہی لیکن عوام کو آج بھی بنیادی حقوق سے محروم رکھا جا رہا ہے،سیاست میں انتشار ختم کیے بغیر مسائل حل نہیں ہوں گے۔
سابق وزیراعظم نے مزید کہا کہ جب تک سیاست انتقام اور انتشار کا شکار رہے گی، ملک ترقی نہیں کرے گا، احتساب کا نظام ختم کر دیا گیا، ملک کے حالات بہتر کرنے کے لیے عملی اقدامات ضروری ہیں۔
انہوں نے مزید کہاکہ ملک کو عوام سے خطرہ نہیں، حکومت کنٹینر لگانے اور عوام کو دبانے کے بجائے آئین، قانون اور حقوق کی بالادستی یقینی بنانے پر توجہ دے۔
بلتستان، روحِ انسانی کی معراج اور عشقِ اہلبیتؑ کی سر زمین