ترقی میں بھارت کو پیچھے نہ چھوڑا تو میرا نام شہباز شریف نہیں، وزیراعظم
اشاعت کی تاریخ: 22nd, February 2025 GMT
ڈیرہ غازی خان (نیوز ڈیسک)وزیراعظم شہباز شریف نے ڈیرہ غازی خان میں عوامی اجتماع سے خطاب کرتے ہوئے کہا ہے کہ ترقی میں بھارت کو پیچھے نہ چھوڑا تو میرا نام شہباز شریف نہیں، جب تک جان میں جان ہے پاکستان کو عظیم بنائیں گے اور ہندوستان کو شکست دیں گے۔
اس موقع پر انہوں نے کہا کہ ڈی جی خان آکر بہت خوشی ہوئی، جتنی آپ نے ہمیں اور پارٹی کو محبت دی ہے اس کا احسان نہیں چکا سکتا، پہلے میں اور میاں نواز شریف نے آپ کی خدمت کی، اب مریم نواز کررہی ہیں، مریم نواز یہاں اسپتالوں کا جال بچھارہی ہیں، جنوبی پنجاب کا کوٹہ ہمیشہ دوسرے علاقوں سے زیادہ رکھا۔
ان کا کہنا تھا کہ نواز شریف کے لیے یہ فیصلہ کرنا مشکل تھا کہ وہ ملک کو بچائیں یا سیاست کو دیکھیں، لیکن انہوں نے سیاست قربان کرنے اور ملک کو بچانے کا فیصلہ کیا۔
وزیراعظم شہباز شریف نے اپنے خطاب میں ڈیرہ اسماعیل خان میں کینسر اسپتال اور راجن پور میں یونیورسٹی بنانے کا بھی اعلان کیا۔
ان کا کہنا تھا کہ بینکوں کی شرح سود 22 سے 12 فیصد پر آگئی، پاکستان قرضوں کے ساتھ ترقی نہیں کرسکتا، دعا کریں کہ قرضے ختم ہوں، میں سمجھتا ہوں کہ آج ہم اس دور میں پہنچ گئے ہیں جہاں سے ترقی کا آغاز ہوگا۔
وزیراعظم نے کہا کہ ایک سیاستدان کہتا تھا کہ شہباز شریف باہر پیسے مانگنے جاتا ہے میں پوچھتا ہوں کیا آپ پیسے دینے جاتے تھے؟ تمام صوبوں سے مل کر پاکستان کی ترقی کے لیے محنت کررہے ہیں، ترقی میں بھارت کو پیچھے نہ چھوڑا تو میرا نام شہباز شریف نہیں، جب تک جان میں جان ہے پاکستان کو عظیم بنائیں گے اور ہندوستان کو شکست دیں گے۔
انہوں نے کہا کہ پاکستان میں امن کے بغیر ترقی ممکن نہیں، دہشتگردی کا خاتمہ کیے بغیر ترقی نہیں ہوسکتی۔ وزیراعظم کا کہنا تھا کہ اسلام آباد پر دھاوا بولا جاتا ہے، ایک دن دھاوا بولا جائے تو اربوں کا نقصان پہنچتا ہے۔
مزیدپڑھیں:آئی سی سی چیمپئنز ٹرافی؛ انگلینڈ کے بین ڈکٹ 21 سالہ ریکارڈ توڑ دیا
ذریعہ: Daily Ausaf
کلیدی لفظ: شہباز شریف تھا کہ
پڑھیں:
وزیراعظم کا ڈیرہ غازی خان میں کینسر ہسپتال اور یونیورسٹی بنانے کا اعلان
وزیراعظم محمد شہباز شریف نے ڈیرہ غازی خان جلسے میں خطاب کرتے ہوئےڈیرہ غازی خان میں کینسر ہسپتال اور یونیورسٹی بنانے کا اعلان کیا ہے۔
وزیراعظم شہباز شریف نے کہا کہ والہانہ اور پرتپاک ستقبال پر ڈیرہ غازی خان کے عوام کا مشکور ہوں، ڈیرہ غازی خان آ کر دلی خوشی ہوئی،ترقی پاکستان کا مقدر بن چکی ہے، پاکستان کی معیشت بہتری کی طرف گامزن ہے، ہم نے عوام کی خدمت کے لئے دن رات کام کیا، محمد نواز شریف کا وژن صرف ترقی ہے،جنوبی پنجاب کے عوام کو پیچھے نہیں چھوڑیں گے۔
وزیراعظم کا کہنا تھا کہ پنجاب کی ترقی محمد نواز شریف کے دور میں ہوئی، مریم نواز شریف پنجاب کے عوام کی خدمت کر رہی ہیں،جنوبی پنجاب میں ترقیاتی منصوبے آپ کا حق ہیں،صحت، تعلیم اور انڈسٹری کی ترقی کے لئے خادم اعلیٰ کی حیثیت سے کام کیا، مریم نواز شریف پنجاب بھر میں ہسپتالوں کا جال بچھا رہی ہیں، ڈیرہ غازی خان میں کینسر ہسپتال بنانے کا اعلان کرتا ہوں،عوام کو روزگار فراہم کرنے کے لئے منصوبوں کے جال بچھائے، مریم نواز پنجاب کے گھر گھر میں ادویات پہنچا رہی ہیں، مریم نواز ہر دہلیز پر سہولیات پہنچانے کیلئے کوشاں ہیں۔
شہباز شریف نے مزید کہا کہ جب ہم نے اقتدار سنبھالا تو مہنگائی عروج پر تھی، نواز شریف نے سیاست قربان کر کے پاکستان کو بچانے کا فیصلہ کیا، مہنگائی 40 فیصد سے کم ہو کر 2.4 فیصد پر آ گئی ہے،ہم نے سیاست قربان کر کے پاکستان کو بچایا، آج ہم اس مقام پر پہنچ گئے ہیں کہ اب ترقی اور خوشحالی کا دور شروع ہوگا،پنجاب، سندھ، بلوچستان اور خیبر پختونخوا کی حکومتوں کے ساتھ مل کر پاکستان کی ترقی و خوشحالی کے لئے دن رات محنت کر رہے ہیں۔
وزیراعظم شہباز شریف نے کہا کہ میرے لئے تمام صوبے برابر ہیں،پاکستان قرضوں کے ساتھ ترقی نہیں کرے گا، ہم پاکستان کی تقدیر بدلیں گے، یہ ملک تبدیل ہوگا، پاکستان ترقی کرے گا،ساری عمر بھی آپ کی خدمت کروں تو آپ کا احسان نہیں اتار سکتا، راجن پور میں یونیورسٹی بنانے کا اعلان کرتا ہوں، اپنے تمام غیر ملکی دوروں میں پاکستان کی ترقی کو ترجیح دی، ایک سال میں پاکستان کی معیشت مستحکم ہو چکی ہے، ترقی اور خوشحالی کا سفر جاری ہے، زراعت، صنعت اور برآمدی صنعت کی ترقی کے لئے دن رات محنت کریں گے، بجلی کے بلوں میں مزید کمی کریں گے۔
انہوں نے مزید کہا کہ پاکستان کی مسلح افواج کی قربانیوں کو فراموش نہیں کریں گے، خارجی طاقتیں پاکستان کو نقصان پہنچانے کے درپے ہیں، ایک سیاستدان نے ہمیشہ ہم پر الزامات لگائے، پاکستان کو تباہ و برباد کرنے کے لئے دن رات سازشیں کی جاتی رہیں، ہڑتالوں اور دھرنوں سے ملک کا نقصان ہوتا ہے، جب تک جان میں جان ہے، ہم پاکستان کو عظیم ملک بنائیں گے، لیہ پل کو مکمل کیا جائے گا، باتوں پر نہیں ہمیشہ کام پر توجہ دی ہے، اتنی محنت کریں گے کہ بھارت کو بھی معاشی میدان میں پیچھے چھوڑ دیں گے، اب ڈیرہ غازی خان کی ترقی دیکھنے آؤں گا۔
مریم نواز کا آسان کاروبار پروگرام” کا آغاز: نوجوانوں کو جلاؤ گھیراؤ کی سیاست سے دور رہنے کا مشورہ