ترقی کا سفر جاری رہے گا، بھارت کو ہر میدان میں پیچھے چھوڑیں گے، وزیراعظم
اشاعت کی تاریخ: 22nd, February 2025 GMT
ڈی جی خان: وزیراعظم شہباز شریف نے کہا ہے کہ ترقی کا سفر جاری رہے گا۔ ہم ہر میدان میں بھارت کو پیچھے چھوڑیں گے۔
وزیراعظم شہباز شریف نے ڈیرہ غازی خان میں جلسہ عام سے خطاب کرتے ہوئے اپنی حکومت کی کارکردگی اور پاکستان کی ترقی کے لیے کیے گئے اقدامات کو تفصیلاً بیان کیا۔ انہوں نے سابق وزیراعظم عمران خان پر تنقید کرتے ہوئے کہا کہ ایک سیاستدان کہتا تھا کہ شہباز شریف باہر پیسے مانگنے جاتا ہے، لیکن میں پوچھتا ہوں کہ کیا وہ باہر پیسے بانٹنے جاتے تھے؟
انہوں نے کہا کہ پاکستان کی ترقی کے لیے بیرونی ممالک سے مالی تعاون حاصل کرنا ضروری تھا اور ان کے دورِ حکومت میں معیشت کو بہتر بنانے کے لیے کوششیں کی گئیں۔
شہباز شریف ڈیرہ غازی خان کے عوام کے پرتپاک استقبال پر اظہار تشکر کیا اور کہا کہ پاکستان کی ترقی اب ناگزیر ہے۔ نواز شریف کا وژن ہمیشہ پاکستان کی ترقی رہا ہے اور پنجاب کی ترقی بھی انہی کے دور میں ہوئی۔ اب مریم نواز شریف پنجاب کے عوام کی خدمت کر رہی ہیں۔ شہباز شریف نے کہا کہ انہوں نے وزیراعلیٰ کے بجائے خادم اعلیٰ کی حیثیت سے کام کیا اور صحت، تعلیم اور صنعت کے شعبوں میں بڑے پیمانے پر ترقیاتی منصوبے شروع کیے۔
وزیراعظم نے زور دے کر کہا کہ ان کے لیے تمام صوبے برابر ہیں۔ سندھ، بلوچستان، پنجاب، خیبر پختونخوا اور گلگت بلتستان کی ترقی ان کا عزم ہے۔ ان کے تمام غیر ملکی دوروں کا مقصد پاکستان کی ترقی کو فروغ دینا رہا ہے۔ انہوں نے ڈیرہ غازی خان میں کینسر اسپتال اور راجن پور میں یونیورسٹی قائم کرنے کا اعلان بھی کیا، جو علاقے کے عوام کے لیے ایک بڑی خوشخبری ہے۔
وزیراعظم نے توانائی کے شعبے میں ہونے والی بہتری کا ذکر کرتے ہوئے کہا کہ اویس لغاری نے اس سلسلے میں قابل قدر کام کیا ہے۔ انہوں نے کہا کہ حکومت بجلی کے بلوں میں کمی کے لیے مسلسل کام کر رہی ہے تاکہ عوام کو ریلیف مل سکے۔
شہباز شریف کا کہنا تھا کہ جب ان کی حکومت نے اقتدار سنبھالا تو مہنگائی کی شرح 40 فیصد تھی لیکن اب یہ کم ہو کر 2.
وزیراعظم نے سابق حکومت پر سخت تنقید کرتے ہوئے کہا کہ اسلام آباد پر چڑھائی کر کے پاکستان کو برباد کرنے کی کوشش کی گئی لیکن اب اس کا خاتمہ کرنا ہوگا۔ انہوں نے کہا کہ جب تک جان ہے وہ پاکستان کو عظیم بنانے کے لیے کام کرتے رہیں گے۔وزیراعظم نے کہا کہ پاکستان کو بھارت سے کسی صورت کم نہیں سمجھا جانا چاہیے۔ انہوں نے عزم کا اظہار کرتے ہوئے کہا کہ وہ ہندوستان کو ہر میدان میں شکست دینے کے لیے پرعزم ہیں۔
اپنے خطاب کے اختتام پر وزیراعظم نے عوام سے اپیل کی کہ وہ حکومت کے ساتھ مل کر کام کریں اور پاکستان کی ترقی میں اپنا کردار ادا کریں۔ انہوں نے کہا کہ ہم سب کو مل کر پاکستان کو ایک مضبوط اور خوشحال ملک بنانا ہے۔
ذریعہ: Jasarat News
کلیدی لفظ: کرتے ہوئے کہا کہ پاکستان کی ترقی انہوں نے کہا کہ شہباز شریف پاکستان کو شریف نے کے لیے
پڑھیں:
وزیر اعظم لندن پہنچ گئے
منسک (ڈیلی پاکستان آن لائن) وزیراعظم محمد شہباز شریف بیلاروس کا 2 روزہ سرکاری دورہ مکمل کرنے کے بعد لندن پہنچ گئے۔
"دنیا نیوز" کے مطابق منسک کے بین الاقوامی ہوائی اڈے پر بیلاروس کے وزیراعظم عزت مآب الیگزینڈر تورچن، وزیر خارجہ عزت مآب میکسم رائزنکوف اور بیلاروس میں پاکستانی سفارت خانے کے افسران وزیراعظم کو رخصت کیا۔
وزیراعظم شہباز شریف لندن میں 2دن قیام کے بعد واپس پاکستان روانہ ہوں گے، لندن کے دورے میں نجی ملاقاتیں کی جائیں گی۔
واضح رہے کہ وزیر اعظم شہباز شریف کی لندن میں کوئی سرکاری ملاقات شیڈول نہیں ہے۔
صدر زرداری کوہسپتال سےڈسچارج کر دیا گیا
مزید :
100 سے زائد فلموں میں کام کرنیوالے سینیئر بھارتی اداکار انتقال کر گئے