نعیمہ بٹ نے عدیل کو لندن میں رنگے ہاتھوں پکڑ لیا,ویڈیو وائرل
اشاعت کی تاریخ: 22nd, February 2025 GMT
لندن(نیوز ڈیسک) پاکستانی معروف اداکارہ اور ماڈل نعیمہ بٹ عرف رباب نے ایک بار پھر عدیل کا کردار ادا کرنے والے عماد عرفانی کو نتاشا کے بعد لندن میں کسی اور خاتون کیساتھ رنگے ہاتھوں پکڑ لیا۔
عالمی شہرت یافتہ پاکستانی ڈراما سیریل ’کبھی میں کبھی تم’ کی پوری کہانی میں جہاں شرجینا اور مصطفیٰ کی کیمسٹری کو بے حد پسند کیا گیا تھا وہیں رباب اور عدیل کی چالاکیوں نے بھی مداحوں کو بے حد محظوظ کیا۔اب جبکہ ڈرامے کا اختتام ہوئے مہینوں بیت چکے ہیں وہیں نعیمہ بٹ نے ایک بار پھر عدیل کو لندن میں کسی خاتون کیساتھ رنگے ہاتھوں پکڑتے ہوئے سوشل میڈیا پر بے نقاب کردیا۔
فوٹو اینڈ ویڈیو شیئرنگ ایپ انسٹاگرام پر نعیمہ بٹ نے اسٹوری اپڈیٹ کی جس میں انہیں لندن کے بکھنگم پیلس کے باہر گھومتے پھرتے موج مستی کرتے دیکھا گیا تاہم اس دوران ان کی ملاقات اداکار عماد عرفانی سے ہوئی جسے انہوں نے نہ صرف کیمرے میں ریکارڈ کیا بلکہ ان کے ساتھ موجود خاتون کو بھی منظر عام پر لے آئیں۔ویڈیو ریکارڈ کرتے ہوئے اداکارہ کو یہ کہتے سنا گیا کہ ’میں یہاں اس وقت لندن میں موجود ہوں اور دیکھیں میں نے کسے تلاش کیا ہے۔‘یہ کہتے ہی وہ کیمرے کا رخ عماد عرفانی کی طرف موڑ دیتی ہیں جس میں اداکار کسی لڑکی کے ساتھ لندن کی سڑک پر موجود ہیں۔اس کے بعد ویڈیو میں دونوں فنکاروں کی سلام دعا ہوئی پھر نعیمہ بٹ اداکار سے پوچھتی ہیں کہ تم یہاں کیا کر رہے ہو؟جس کے جواب میں اداکار کہتے ہیں ’لندن میں محبت کررہا ہوں’، اس بات کو آگے بڑھاتے ہوئے نعیمہ بٹ کہتی ہیں کسی اور خاتون کیساتھ؟؟
A post shared by Galaxy Lollywood (@galaxylollywood)
نعیمہ بٹ کے اس انکشاف کیساتھ عماد عرفانی نے زور دار قہقہہ لگاتے ہوئے واضح کیا کہ فلم کا عنوان ہے’لو ان لندن’ وہ بھی بکھنگم پیلس کے سامنے۔
ویڈیو سوشل میڈیا وائرل ہوتے ہی صارفین کی جانب سے متضاد تبصروں کا سلسلہ شروع ہوگیا۔ ایک صارف نے اداکار کی ممکنہ اہلیہ پر تنقید کرتے ہوئے لکھا کہ،’اتنا خوبصورت آدمی اس خاتون سے شادی کیسے کر سکتا ہے؟ جبکہ ایک اور صارف کا کہنا تھا کہ،’عدیل آج بھی رباب سے اسی طرح ڈرتا ہے’۔
یاد رہے کہ ڈراما سیریل ’کبھی میں کبھی تم’ اپنی کہانی کے سبب کافی ہائپ پر تھا، ڈرامے کے مرکزی کردار ہانیہ عامر اور فہد مصطفیٰ شرجینا اور مصطفیٰ کے کردار میں نظر آئے جبکہ عماد عرفانی اور نعیمہ بٹ نے رباب اور عدیل کا منفی کردار باخوبی ادا کیا۔
مزیدپڑھیں:پاکستانی شیف کے چکن تندوری نے ریمزی کو بھی تعریف پر مجبور کر دیا
ذریعہ: Daily Ausaf
کلیدی لفظ: عماد عرفانی
پڑھیں:
ریحام خان کی مانسہرہ پریس کلب میں گانا گانے کی ویڈیو سوشل میڈیا پر وائرل
معروف صحافی، مصنف، فلم ساز اور سماجی کارکن ریحام خان نے سوشل میڈیا پر ایک نئی ویڈیو شیئر کر کے مداحوں کے دل جیت لیے ہیں جس میں وہ اپنی مادری زبان ہزارہ میں ایک روایتی گانا (ٹپہ) گا رہی ہیں۔یہ ویڈیو ریحام خان نے اپنے انسٹاگرام اکاؤنٹ پر شیئر کی ہے جس میں انہیں مانسہرہ پریس کلب میں دیگر صحافیوں کے ساتھ بیٹھے ہوئے دیکھا جا سکتا ہے۔ ویڈیو میں ریحام خان کو نہ صرف ہزارہ زبان میں روایتی گیت گاتے ہوئے سنا جا سکتا ہے بلکہ ان کے ساتھ بیٹھے صحافی حضرات بھی ان کی آواز اور انداز گائیکی پر خوب داد دے رہے ہیں۔ریحام خان نے کیپشن میں لکھا: "یہ میرا دنیا بھر میں سب سے پسندیدہ گانا ہے جو مانسہرہ کی روایتی شادیوں میں گایا جاتا ہے۔ اس گانے نے پرانی یادیں تازہ کر دیں۔" انہوں نے مزید بتایا کہ یہ گانا وہ اپنے خاندان کی شادیوں میں اپنے کزنز کے ساتھ گاتی تھیں اور سب مل کر جھومر ڈالتے تھے۔ویڈیو سوشل میڈیا پر تیزی سے وائرل ہو رہی ہے اور صارفین نہ صرف ریحام خان کی آواز کی تعریف کر رہے ہیں بلکہ ان کے ثقافتی ورثے سے جڑے رہنے کے جذبے کو بھی سراہ رہے ہیں۔ کئی صارفین نے تبصرہ کیا کہ اس طرح کے لمحات ہماری ثقافتی شناخت کو زندہ رکھتے ہیں۔ریحام خان کی یہ ویڈیو نہ صرف ایک خوبصورت موسیقی لمحہ ہے بلکہ ہزارہ کی ثقافت اور روایتوں کو عالمی سطح پر اجاگر کرنے کا ایک مثبت پیغام بھی ہے۔
100 سے زائد فلموں میں کام کرنیوالے سینیئر بھارتی اداکار انتقال کر گئے