کسٹمز ایجنٹس کا 25 فروری سے غیرمعینہ مدت کے لیے کام بند کرنے کا اعلان
اشاعت کی تاریخ: 22nd, February 2025 GMT
کسٹمز ایجنٹس نے 25 فروری سے غیر معینہ مدت کے لیے کام بند کرنے کا اعلان کردیا۔
کراچی میں آل پاکستان کسٹمز ایجنٹس ایسوسی ایشن کے چئیرمین سیف اللہ خان، کراچی کسٹمز ایجنٹس ایسوسی ایشن کے صدر محمد عامر، ارشد خورشید، منصور علی، ایف پی سی سی آئی کے نائب صدر حاجی آصف خرم اعجاز نے پریس کانفرنس میں کہا کہ اجناس اور خوردنی تیل سمیت چیزوں کی درآمدات کا کام 25فروری سے بند کردیں گے۔ کسٹمز ایجنٹ 400 ارب روپے کی ڈیوٹی فراہم کرتی ہے۔ ہمارا کام بند ہونے سے ریونیو شارٹ فال ہوگا۔ کسٹمز ایجنٹس منگل کو ایکسپورٹ کا کام بند کردیں گے۔
انہوں نے مزید کہا کہ رمضان المبارک میں اشیائے خوردونوش اور خوردنی تیل کی قلت ہوتی ہے تو ہم ذمہ دار نہیں ہوں گے۔ ہمارا مطالبہ ہے کہ 45 کسٹمز ایجنٹس کے لائسنس معطل کیے اس کی تحقیقات کے لیے جے آئی ٹی بنائی جائے۔
کسٹمز ایجنٹس کے مطابق 40 ایجنٹس کے لائسنس عدالت نے بحال کردئیے ہیں تاہم ہم چاہتے ہیں کہ جو شوکاز نوٹس جاری کیا گیا ہے اس پر بھی فیصلہ جاری کیا جائے۔ ہمیں شک ہے کہ 45 کے بعد 450 ایجنٹس کے لائسنس بھی معطل کر دئیے جائیں گے۔ چیئرمین ایف بی آر نے مڈل مین کا کردار ختم کرنے کا عندیہ دیا تھا۔ کسٹمز کے ساتھ تنازع ہوا تھا جس میں 45 لائسنس بغیر شوکاز کے معطل کر دئیے گئے۔ 10 فروری تک اس کیس کی سماعت ہونی تھی لیکن کوئی شنوائی نہیں ہوئی۔ 4 فروری کو ہم نے لائسنس کی بحالی کے لیے 15 روز کی مہلت دی تھی۔ کسٹمز نے 15 یوم گزرنے کے باوجود 45 ایجنٹوں کے لائسنس بحال نہیں کیے۔
کسٹمز ایجنٹس کا مزید کہنا تھا کہ اس ہراسانی ماحول میں ہمارے لیے کام کرنا مشکل ہے۔ حکام بالا سے بھی اس حوالے سے بات کی لیکن کوئی پیشرفت نہ ہوئی۔
کراچی کسٹمز ایجنٹس ایسوسی ایشن کے صدر محمد عامر نے کہا کہ 45 لائسنسوں کی بحالی کے لیے عدالت سے رجوع کیا۔ عدالت نے ہمارے موقف کو درست قرار دیا جس کے بعد دوسری سماعت 21 تاریخ کو رکھی۔
کسٹمز کی دوسری سماعت میں کسٹمز ایجنٹس کے خلاف کوئی ثبوت پیش نہیں کیا گیا۔ لائسنسنگ اتھارٹی متنازع ہوچکی ہے۔ ہمارا مطالبہ ہے کہ کسی خودمختار ادارے سے انکوائری کرائی جائے یا جے آئی ٹی بنائی جائے
یا تھرڈ پارٹی انکوائری کروائی جائے ہم تیار ہیں۔
محمد عامر کا کہنا تھا کہ ملک میں 5 سے 6ہزار کسٹمز ایجنٹس ہیں۔ 75 فیصد تک ریوینیو میں شارٹ فال آسکتا ہے۔ قومی مفاد میں ایجنٹس صرف ایکسپورٹس کی جی ڈیز داخل کریں گے۔ ہمارا تنازع ایکسپورٹ کلکٹریٹ سے نہیں اپریزمنٹ ساؤتھ کے ساتھ ہے۔
.ذریعہ: Express News
کلیدی لفظ: کسٹمز ایجنٹس ایجنٹس کے کے لائسنس کام بند کے لیے
پڑھیں:
پنجاب میں گندم کے کاشتکاروں کے لیے بڑے پیکج کا اعلان، 15 ارب روپے کی سبسڈی بھی ملے گی
وزیراعلیٰ پنجاب مریم نواز شریف نے گندم کے کاشتکاروں کے لیے صوبے کی تاریخ کے پہلے منفرد اور بے مثال پیکج کا اعلان کیا ہے، اس پیکج کے تحت گندم کے 5 لاکھ 50 ہزار کاشتکاروں کو براہ راست گندم اسپورٹ فنڈ کے تحت 15 ارب روپے کے فنڈز دیے جائیں گے۔
وزیراعلیٰ پنجاب مریم نواز شریف نے اعلان کیا ہے کہ گندم کے کاشتکاروں کو کسان کارڈ کے ذریعے براہ راست مالی مدد فراہم کی جائے گی، اس کے علاوہ اس سال گندم کے کاشتکاروں کے لیے ابیانہ اور فکس ٹیکس میں بھی چھوٹ دی جائے گی، گندم کو موسمی اثرات اور کسانوں کو مارکیٹ کے دباؤ سے محفوظ رکھنے کے لیے 4 ماہ کی مفت اسٹوریج کی سہولت مہیا کی جائے گی۔
یہ بھی پڑھیں: کاشتکاروں کے لیے خوشخبری، پنجاب حکومت نے بڑی چھوٹ دے دی
صوبائی نے ای ڈبلیو آر (الیکٹرانک وئیر ہاؤسنگ ریسیٹ) سسٹم کے نفاذ کا بھی فیصلہ کیا ہے، اس سسٹم کے تحت گندم سٹور کرنے والے کاشتکاروں کو الیکٹرانک رسید ملے گی جسے 24 گھنٹے کے اندر بینک میں جمع کروا کر ٹوٹل لاگت کا 70 فیصد تک قرض حاصل کیا جا سکے گا۔
وزیراعلیٰ پنجاب نے گندم کی خریداری کے لیے فلور ملز اور گرین لائسنس ہولڈرز کو بینک آف پنجاب سے حاصل کردہ 100 ارب روپے تک کے قرضوں کا مارک اپ ادا کرنے کا بھی فیصلہ کیا ہے۔
یہ بھی پڑھیں: پیاز اور ٹماٹر کی پیداوار بڑھانے کے لیے کاشتکاروں کو پنجاب حکومت کی انقلابی پیشکش
فلور ملز اور گرین لائسنس ہولڈرز کو گندم کی فوری اور لازمی خریداری اور اسٹوریج کی مجموعی کیپسٹی کے 25 فیصد تک لازمی گندم اسٹور رکھنے کے لیے فوری طور پر کابینہ سے منظوری لی جائے گی، گندم اور گندم سے تیار شدہ اشیاء کی ایکسپورٹ کے لیے وفاقی حکومت سے رابطہ کیا جائے گا۔
صوبائی اور ضلعی سرحدوں پر گندم اور آٹے کی نقل و حمل پر عائد پابندی ختم کردی گئی ہے، پرائیویٹ سیکٹر کو گندم اسٹوریج کے لیے ویئر ہاؤس کی بحالی اور تعمیر کے لیے بینک آف پنجاب فنانسنگ کرے گا اور گندم کے کاشتکاروں کو اسٹوریج کی سہولت مہیا کرنے کے لیے 5 ارب روپے کا مارک اپ حکومت پنجاب ادا کرے گی۔
یہ بھی پڑھیں: پنجاب میں گندم کے کاشتکار مفت ٹریکٹرز اور لینڈلیولرز کیسے حاصل کرسکتے ہیں؟
وزیراعلیٰ مریم نواز شریف نے اس عزم کا اظہار کیا کہ وہ کسی بھی صورت میں کسانوں کا نقصان نہیں ہونے دیں گی۔
انہوں نے کہا ہے کہ کہ اگر کاشتکار نے گندم لگائی ہے تو اسے بھرپور معاوضہ ملے گا۔ انہوں نے کاشتکاروں کو اپنا بھائی قرار دیتے ہوئے کہا کہ وہ ہر دم کاشتکاروں کے ساتھ ہیں اور رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پنجاب کاتشکار کسان کارڈ گندم وزیراعلیٰ مریم نواز
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی