گورنر سندھ کا برطانیہ میں اوور سیز پاکستانیوں کیلیے بڑا اعلان
اشاعت کی تاریخ: 22nd, February 2025 GMT
کراچی:
گورنر سندھ کامران خان ٹیسوری نے برطانیہ میں اوور سیز پاکستانیوں کیلیے بڑا اعلان کردیا۔
برمنگھم کی جامع مسجد میں اوور سیز پاکستانیوں سے خطاب کرتے ہوئے کامران ٹیسوری نے کہا کہ گورنر انیشیٹیو کے تحت برطانیہ بھر میں مراکز کھولے جائیں گے جن کے ذریعے سندھ میں بسنے والے افراد کو درپیش مسائل کے حل میں مدد فراہم کی جائے گی۔
گورنر سندھ نے اوور سیز پاکستانیوں کی خدمات کو سراہتے ہوئے کہا کہ انہوں نے ریکارڈ زر مبادلہ بھیج کر ملکی معیشت کو نئی طاقت دی ہے اور ان کا آبائی وطن کی معیشت میں اہم کردار ہے۔ برطانیہ میں آباد پاکستانیوں نے وطن کی بہت خدمت کی میں انکی خدمت کیلیے حاضر ہوں۔
انہوں نے مزید کہا کہ پاکستان کے عام شہری برطانیہ میں اعلیٰ ترین سیاسی عہدوں پر پہنچے ہیں اور بس ڈرائیوروں کے بچوں نے رکن پارلیمنٹ بن کر مثالیں قائم کی ہیں۔
انہوں نے صادق خان کا حوالہ دیتے ہوئے کہا کہ ایک عام شہری کا لندن میں تین بار مسلسل میئر بننا کمال ہے۔ گورنر سندھ نے کہا کہ برطانیہ میں آباد پاکستانیوں نے وطن کی بہت خدمت کی ہے اور وہ ان کی خدمت کے لیے ہمیشہ حاضر ہیں۔
انہوں نے کہا کہ پاکستانی اور کشمیری کمیونٹی پاکستان کے ایمبیسیڈر ہیں، انہیں قانون کی پاسداری کرنی چاہیے اور اپنی شناخت کو فخر بنانا چاہیے۔ انہوں نے سوشل میڈیا پر بغیر تصدیق کے خبریں پھیلانے کی حوصلہ شکنی کرتے ہوئے کہا کہ یہ نہ مہذب معاشرے کی نشانی ہے اور نہ ہی اسلام اس کی اجازت دیتا ہے۔
گورنر سندھ نے برمنگھم کی جامع مسجد میں خطاب کے دوران اتحاد اور مثبت تشخص اجاگر کرنے پر زور دیا اور وطن کی خوشحالی کے لیے خصوصی دعائیں کیں۔
.ذریعہ: Express News
کلیدی لفظ: اوور سیز پاکستانیوں برطانیہ میں گورنر سندھ انہوں نے کہا کہ وطن کی
پڑھیں:
جماعت اسلامی کا فلسطینیوں سے اظہار یکجہتی کیلیے 22 اپریل کو ملک گیر شٹر ڈاؤن ہڑتال کا اعلان
کراچی:جماعت اسلامی نے غزہ میں جاری جارحیت اور فلسطینیوں سے اظہار یکجہتی کیلیے 22 اپریل کو ملک بھر میں شٹر ڈاؤن ہڑتال کا اعلان کردیا۔
کراچی میں فلسطین مارچ میں خطاب کرتے ہوئے حافظ نعیم نے تحریک کے اگلے لائحہ عمل کا اعلان کیا اور عوام پر زور دیا کہ وہ غیر ملکی مصنوعات کے بائیکاٹ کی تحریک کو جاری رکھیں۔
اگلے لائحہ عمل کا اعلان کرتے ہوئے حافظ نعیم نے کہا کہ اگلے مرحلے میں بچوں کا ایک الگ مارچ کیا جائے گا، 18 اپریل کو ملتان 20 اپریل کو اسلام آباد میں غزہ مارچ ہوگا، اسلام آباد میں ملکی تاریخ کا سب سے بڑا اجتماع ہوگا۔
انہوں نے اعلان کیا کہ 22 اپریل کو پورے ملک میں شٹر ڈاؤن ہڑتال ہوگی، جس کی فلسطینی قیادت سے بھی توثیق لی ہے۔ عالم اسلام کی دیگر تنظیموں سے بھی اس روز ہڑتال کی بات کریں گے۔
حافظ نعیم نے کہا کہ 22 اپریل کو پورے ملک میں کاروبار بند کرکے غزہ کے ساتھ اظہار یکجہتی کیا جائے گا۔ انہوں نے کہا کہ اسلامی ممالک کے سربراہان اور انسانی حقوق کی تنظیموں کو بھی خطوط لکھ رہا ہوں، پوری دنیا میں امریکا کی غلاموں کے خلاف تحریک شروع کریں گے۔
انہوں نے مزید کہا کہ امریکا کے غلاموں کے خلاف تحریک کی قیادت کراچی کرے گا اور ہم کامیابی حاصل کریں گے۔
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن