چیمپئنز ٹرافی: جنوبی افریقا کی شاندار فتح، افغانستان کو 107 رنز سے شکست
اشاعت کی تاریخ: 21st, February 2025 GMT
کراچی:انٹرنیشنل کرکٹ کونسل ( آئی سی سی) چیمپئنز ٹرافی کے تیسرے میچ میں جنوبی افریقا نے عمدہ کارکردگی کا مظاہرہ کرتے ہوئے افغانستان کو 107 رنز سے شکست دے دی۔
تفصیلات کے مطابق نیشنل اسٹیڈیم کراچی میں کھیلے گئے گروپ بی کے پہلے میچ میں جنوبی افریقا نے ٹاس جیت کر پہلے بیٹنگ کا فیصلہ کرتے ہوئے مقررہ 50 اوورز میں 6 وکٹوں کے نقصان پر 315 رنز کا بڑا ٹارگٹ بناکرمخالف کو مشکل میں ڈال دیا۔
جنوبی افریقہ نے پروٹیز کی شاندار بیٹنگ کی، رائن رکلٹن نے شاندار 103 رنز کی اننگز کھیلی، کپتان ٹیمبا بووما نے 58 رنز بنائے، اسی طرح ???? راسی وان ڈیر ڈوسن نے 52 رنز کی ذمہ دارانہ اننگز کھیلی جبکہ ???? ایڈن مارکرم 52 رنز بنا کر ناٹ آؤٹ رہے۔
افغانستان کی جانب سے محمد نبی نے 2 وکٹیں حاصل کیں جبکہ فضل حق فاروقی، عظمت اللہ عمر زئی اور نور احمد نے 1، 1 کھلاڑی کو آؤٹ کیا۔
316 رنز کے تعاقب میں افغانستان کی ٹیم 44 ویں اوور میں 208 رنز پر ڈھیر ہوگئی، رحمت شاہ 90 رنز کی شاندار اننگز کھیل کر نمایاں رہے، تاہم کوئی دوسرا بلے باز خاطر خواہ کارکردگی نہ دکھا سکا، راشد خان اور عظمت اللہ عمر زئی نے 18، 18 رنز بنائے، ????رحمان اللہ گربز 10، نور احمد 9 جبکہ کپتان حشمت اللہ شاہدی بغیر کوئی رن بنائے آؤٹ ہوگئے۔
پروٹیز کے باؤلرز نے شاندار کارکردگی دکھاتے ہوئے افغانستان کی بیٹنگ لائن کو بے بس کردیا، کیگیسو رباڈا نے 3 کھلاڑیوں کو آؤٹ کیا، اسی طرح وائین ملڈر اور لُنگی اینگیڈی نے 2، 2 وکٹیں حاصل کیں جبکہ مارکو جینسن اور کیشو مہاراج نے 1، 1 وکٹ اپنے نام کی۔
جنوبی افریقا کی اس فتح کے بعد ان کے سیمی فائنل تک رسائی کے امکانات مزید روشن ہوگئے ہیں، جبکہ افغانستان کو اگلے مرحلے میں جگہ بنانے کے لیے مزید محنت کرنا ہوگی۔
.ذریعہ: Jasarat News
کلیدی لفظ: جنوبی افریقا
پڑھیں:
چیمپئینز ٹرافی: جنوبی افریقا کی افغانستان کے خلاف بیٹنگ جاری
انٹرنیشنل کرکٹ کونسل ( آئی سی سی ) چیمپئنز ٹرافی کے تیسرے میچ میں جنوبی افریقا کی افغانستان کے خلاف بیٹنگ جاری ہے۔
کراچی کے نیشنل بینک اسٹیڈیم میں کھیلے جارہے میچ میں جنوبی افریقا کے کپتان ٹمبا باوُوما نے ٹاس جیت کر پہلے بیٹنگ کرنے کا فیصلہ کیا۔
اس وقت 3 اورز کا کھیل مکمل ہوچکا ہے اور جنوبی افریقا نے بنا کسی تقصان کے 8 رنز بنا لیے ہیں۔
ٹاس کے بعد گفتگو کرتے ہوئے جنوبی افریقا کے کپتان ٹمبا باوُوما نے کہا کہ وکٹ عام طور پر پاکستان میں جیسی ہوتی ہے اس سے مختلف لگ رہی ہے، ہمیں وکٹ کا جائزہ لینا ہوگا، ہمیں خود پر اعتماد ہے، اچھا اسکور کرنے کی کوشش کریں گے۔
افغانستان کے کپتان حشمت اللہ شاہدی نے کہا کہ اگر ہم ٹاس جیتتے تو ہم بھی بولنگ کرتے، ہم اچھا اسٹارٹ کریں گے تو خوشی ہو گی، ہمارے پاس بہترین اسپنرز موجود ہیں، کوشش ہوگی کہ جنوبی افریقا کو کم اسکور تک محدود رکھیں، ہم نے شارجہ میں جنوبی افریقہ کے خلاف معیاری کرکٹ کھیلی ہے۔
وزیر خارجہ اسحاق ڈار سلامتی کونسل کے اجلاس میں شرکت کیلئے نیویارک پہنچ گئے