یوٹیوب اپنا کونسا فیچر دوبارہ لانچ کرنے جا رہا ہے؟
اشاعت کی تاریخ: 21st, February 2025 GMT
ویڈیو اسٹریمنگ پلیٹ فارم یوٹیوب اپنا ختم کیا گیا فیچر ایک بار پھر لانچ کرنے جا رہا ہے۔
2021 میں یورپی صارفین کے لیے 6.99 یورو فی مہینہ کے عوض متعارف کرایا گیا یوٹیوب کا یہ پریمیئم لائٹ سبسکرپشن پلان 2023 میں بند کر دیا گیا تھا۔
اس پلان کے تحت صارفین یوٹیوب میوزک اور موبائل پر بیک گراؤنڈ پلے بیک یا آف لائن ڈاؤن لوڈز (جو سہولیات اسٹینڈرڈ ٹیئر پریمیئم سبسکرپشن میں شامل تھیں) کے علاوہ تمام ویڈیوز کو بغیر اشتہارات کے دیکھ سکتے تھے۔
اب بلومبرگ کی ایک تازہ رپورٹ میں دعویٰ کیا گیا ہے کہ پلیٹ فارم کی جانب سے پریمیئم لائٹ صارفین کے لیے جلد ہی دوبارہ متعارف کرایا جانے والا ہے۔
رپورٹ کے مطابق کمپنی جلد ہی یوٹیوب پریمیئم لائٹ امریکا، آسٹریلیا، جرمنی اور تھائی لینڈ میں دستیاب ہوگا لیکن اشتہارات کے بغیر یہ سہولت مخصوص قسم کے کانٹینٹ پر ہی دستیاب ہوگی۔
بلومبرگ کی جانب سے اس بات کی وضاحت کی گئی کہ صارفین یوٹیوب پر میوزک ویڈیوز کے علاوہ تمام ویڈیوز اشتہارات کے بغیر دیکھ سکیں گے۔
تاہم، کمپنی کی جانب سے نئے پریمیئم لائٹ پلان کی لانچ کے حوالے سے تاریخ اور قیمت کے متعلق کوئی تفصیلات پیش نہیں کی گئیں۔
.ذریعہ: Express News
کلیدی لفظ: پریمیئم لائٹ
پڑھیں:
دانش تیمور کے دو ڈراموں نے یوٹیوب پر ویوز کے نئے ریکارڈ قائم کر دیے
پاکستانی ڈرامے نہ صرف ملک میں بلکہ بیرون ملک بھی بے حد مقبول ہیں اور سوشل میڈیا کی موجودگی نے ان کی شہرت میں مزید اضافہ کر دیا ہے یوٹیوب پر روزانہ لاکھوں صارفین پاکستانی ڈرامے دیکھتے ہیں اور کئی ڈرامے تو اربوں ویوز حاصل کر چکے ہیں ان سب میں سب سے نمایاں نام اداکار دانش تیمور کا ہے جن کے صرف دو ڈراموں کو یوٹیوب پر آٹھ ارب سے زائد مرتبہ دیکھا جا چکا ہے یہ اعزاز تاحال کسی اور پاکستانی اداکار کو حاصل نہیں ہو سکا دانش تیمور کے سپر ہٹ ڈراموں میں شامل جان نثار نے تقریباً تین ارب جبکہ کیسی تیری خود غرضی نے پانچ ارب ویوز حاصل کیے ہیں یہ دونوں ڈرامے نہ صرف پاکستان بلکہ دنیا بھر میں اردو ڈرامہ دیکھنے والوں کے دلوں پر راج کر رہے ہیں اگرچہ اداکار وہاج علی کے ڈرامے بھی چار ارب مجموعی ویوز کا سنگ میل عبور کر چکے ہیں مگر دانش تیمور وہ واحد اداکار ہیں جن کے دو الگ الگ ڈرامے یوٹیوب پر دو دو ارب سے زیادہ ویوز حاصل کر چکے ہیں دانش تیمور نے اپنے کیریئر کا آغاز دو ہزار پانچ میں ڈرامہ دو سال بعد سے کیا تھا بعد ازاں ان کا ڈرامہ ڈریکولا بھی مقبول ہوا ان کے دیگر کامیاب ڈراموں میں رہائی اب دیکھ خدا کیا کرتا ہے دیوانگی اور عشق شامل ہیں مگر جان نثار اور کیسی تیری خود غرضی نے ان کی مقبولیت کو نئی بلندیوں تک پہنچا دیا ہے
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا