داڑھی چھوٹی ہونے پر وفاق المدارس کے درجہ ثانوی کے امتحان سے روک دیا گیا، طالبعلم عدالت پہنچ گیا
اشاعت کی تاریخ: 21st, February 2025 GMT
اسلام آباد ہائیکورٹ نے چھوٹی داڑھی رکھنے پر مدرسے کے طالب علم کو امتحان دینے سے روکنے کے خلاف درخواست پر فیصلہ محفوظ کر لیا۔
اسلام آباد ہائیکورٹ کے جسٹس محسن اختر کیانی نے مدرسے کے طالب علم کی درخواست پر سماعت کی۔ درخواست میں مؤقف اختیار کیا گیا تھا کہ اس نے جامعہ الاسلامیہ سے درجہ اوّل کا امتحان پاس کیا، وفاق المدارس کے امتحانی قواعد و ضوابط کی غلط تشریح کرتے ہوئے اسے داڑھی چھوٹی ہونے پر درجہ ثانوی میں امتحان دینے سے روک دیا گیا۔
کامران مرتضیٰ، اسسٹنٹ اٹارنی جنرل اور وزارت تعلیم کے حکام عدالت میں پیش ہوئے۔
عدالت نے کہاکہ کسی بچے کو دینی و دنیاوی تعلیم حاصل کرنے سے نہیں روکا جا سکتا، کیا وفاقی المدارس کے ڈگری ہولڈر بچوں اور دیگر تعلیمی اداروں سے پاس بچوں کو ایک قسم کی سہولیات میسر ہوں گی؟ بنیادی سوال یہ ہے کہ بچہ جو ڈگری وفاق المدارس سے حاصل کرے گا اس کی حیثیت کیا ہو گی؟ وفاق المدارس کس قانون کے تحت دوسرے اداروں کو اپنے پاس رجسٹرڈ کرتی ہے؟
عدالت نے ریمارکس دیےکہ سپریم کورٹ نے ججمنٹ دی لا کالجز کو ریگولیٹ کیا، اسی طرح میڈیکل کالجز کو ریگولیٹ کیا گیا، اب کوئی بھی کالج یا یونیورسٹی 100 سے زائد بچوں کو لا میں داخلہ نہیں دے سکتی۔
عدالت نے اسسٹنٹ اٹارنی جنرل کو مخاطب کر کے کہا آپ مدارس کو ریگولیٹ تو کر رہے ہیں مگر یہ نہیں بتا رہے نظام تعلیم کیسے چلے گا؟ وزارت تعلیم کے حکام نے بتایا کہ ملک بھر میں مدارس کی رجسٹریشن کا عمل جاری ہے۔
عدالت نے فریقین کے دلائل سننے کے بعد طالب علم کی درخواست پر فیصلہ محفوظ کرلیا۔
ذریعہ: Daily Mumtaz
کلیدی لفظ: وفاق المدارس عدالت نے
پڑھیں:
اگر ویرات کوہلی کی داڑھی نہ ہو تو وہ کیسے نظر آئیں گے؟ دلچسپ ویڈیو وائرل
بھارتی ٹیم کے کپتان ویرات کوہلی کی داڑھی کا اسٹائل ناصرف ان کی ٹیم بلکہ دنیا بھر میں کافی مقبول ہے اس لیے وہ اپنی داڑھی شیو نہیں کرتے۔
حال ہی میں سوشل میڈیا پر ایک صارف نے فوٹو شاپ کا استعمال کرتے ہوئے ویرات کوہلی کے چہرے سے ان کی داڑھی ہٹا دی۔ یہ ویڈیو سوشل میڈیا پر وائرل ہو گئی جس پر صارفین نے دلچسپ تبصرے کیے۔
ایک صارف نے لکھا کہ بالی ووڈ فلم ’رب نے بنا دی جوڑی‘ میں شاہ رخ خان کی جگہ ویرات کوہلی کو کردار ادا کرنا چاہیے تھا۔
https://Twitter.com/crazy__shikhu/status/1910203291880878150
ایک ایکس صارف نے ویرات کوہلی کو بھارتی کھلاڑی شبھمن گل سے تشبیہہ دیتے ہوئے کہا کہ داڑھی ہٹانے کے بعد کوہلی بالکل شبھمن گل کی طرح لگ رہے ہیں۔
https://Twitter.com/ffayyv/status/1909693955023028581
انوج لکھتے ہیں کہ پل بھر میں ویرات کوہلی کو ’ہیرو‘ سے ’زیرو‘ کر دیا۔
https://Twitter.com/ANUJ0095/status/1910181216206139687
امت نامی صارف نے مذاق اڑاتے ہوئے کہا کہ بہت اچھی ایڈیٹنگ کی ہے۔
https://Twitter.com/khansmeme/status/1910007199847297438
ایک سوشل میڈیا صارف کا کہنا تھا کہ یہ ویرات کوہلی سے کرن جوہر بن گئے ہیں۔
https://Twitter.com/satty285/status/1910029544528175444
واضح رہے کہ ماضی میں ایک تقریب کے دوران بھارتی ٹیم کے کپتان سے سوال کیا گیا کہ کیا وہ کبھی اپنی داڑھی کا اسٹائل بھی ختم کریں گے جسے وہ انتہائی باریک بینی سے تراشتے ہیں تو کوہلی نے دوٹوک الفاظ میں کہا تھا کہ میرا نہیں خیال میں ایسا کروں گا کیونکہ میں اسے پسند کرتا ہوں۔
جب ویرات کوہلی کی بیوی اور بالی وڈ اداکارہ انوشکا شرما سے سوشل میڈیا پر اس حوالے سے سوال کیا گیا تو انہوں نے کوہلی کو مخاطب کرتے ہوئے کہا کہ آپ اپنی داڑھی کا اسٹائل نہیں بدل سکتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین کرکٹ ٹیم انوشکا شرما بالی ووڈ شبھمن گل ویرات کوہلی
آئی پی یو اسمبلی، چیئرمین سینٹ کا سماجی انصاف کیلئے عالمی پارلیمانی اتحاد کا مطالبہ