’آئی ایم ایف حکومتِ پاکستان کی سنجیدگی اورعزم کو سراہتا ہے‘
اشاعت کی تاریخ: 21st, February 2025 GMT
سٹی 42 : آئی ایم ایف نے گورنننس اورکرپشن کے تشخیصی جائزے کیلئے پاکستان کے اقدامات کی تعریف کی ہے ۔
آئی ایم ایف نے مشن کے حالیہ دورہ پاکستان پربیان جاری کردیا ، جس میں کہا گیا ہے کہ آئی ایم ایف حکومتِ پاکستان کی سنجیدگی اورعزم کو سراہتا ہے، پاکستان کےساتھ تعاون کو آگے بڑھانے کے لیے پُرامید ہیں، آئی ایم ایف ٹیم مزیدمعلومات اکٹھی کرنے کیلئے رواں سال کے آخر میں دوبارہ پاکستان کادورہ کرے گی، ٹیم گورننس، شفافیت، اقتصادی نتائج کو بہتربنانےکےمواقع تلاش کرنے اور حتمی جائزے کی تیاری میں مدد حاصل کرنے کے لیے پاکستان کا دورہ کرے گی ۔
اسرائیل سے رہا ہونے والے ابو وردہ کی خان یونس میں یرغمالیوں کی میتیں واپس دینے کی تقریب میں شرکت
آئی ایم ایف مشن نے 6 فروری سے14 فروری تک پاکستان کادورہ کیا، جس کا مقصدگورننس، بدعنوانی کےتشخیصی جائزے کی تیاری کیلئے ابتدائی کام مکمل کرنا تھا، مشن کا مقصد 6بنیادی ریاستی افعال میں گورننس، بدعنوانی کےخطرات کاابتدائی جائزہ لیناتھا، ان میں مالیاتی طرزحکمرانی، مرکزی بینک کی حکمرانی اورآپریشنز شامل تھے، مالیاتی شعبےکی نگرانی، مارکیٹ کے ضوابط،قانون کی حکمرانی سےمتعلق امور شامل تھے، اس کے علاوہ منی لانڈرنگ اوردہشت گردی کی مالی معاونت کےانسداد سےمتعلق اموربھی شامل تھے ۔
روس پر پابندیاں یوکرین کے مذاکرات میں کردار ادا کریں گی, امریکی وزیر خزانہ کی امید
آئی ایم ایف کی ٹیم اسکوپنگ مشن نےدورے میں متعدد اسٹیک ہولڈرزسے ملاقات کیں، وفد نےوزارت خزانہ،ایف بی آراوراسٹیٹ بینک آف پاکستان کےحکام سے ملاقاتیں کیں، وفدنےوزارت قانون اورسپریم کورٹ آف پاکستان سےمشاورت کی۔ اس کے علاوہ وفد نےایس ای سی پی اورآڈیٹرجنرل آف پاکستان کےحکام سمیت کاروباری برادری،سول سوسائٹی اورعالمی پارٹنرزسے بھی ملاقاتیں کیں ۔
.ذریعہ: City 42
کلیدی لفظ: آئی ایم ایف پاکستان کے
پڑھیں:
حکومت نے یوٹیلٹی سٹورز بند نہ کرنے کا اعلان کر دیا
اسلام آباد(اردوپوائنٹ اخبار تازہ ترین۔21فروری 2025)وفاقی وزیر رانا تنویر حسین کا کہنا ہے کہ یوٹیلیٹی سٹورز کو بند نہیں کیا جا رہا، نجی شعبے کے تعاون سے یوٹیلیٹی سٹورز کو بہتر کیا جائے گا،حکومت نے ایوان بالا میں پالیسی بیان میں کہا کہ یوٹیلیٹی سٹورز کو بند نہیں کیا جائے گا نظام کو بہتر کر کے نجکاری ہوگی،ایوان میں یوٹیلیٹی سٹورز کی بندش کے حوالے سے سوال پر وزیر صنعت و پیداوار رانا تنویر حسین نے بتایا کہ یوٹیلٹی سٹورز بند نہیں کریں گے بلکہ ان کی نجکاری ہوگی جس کیلئے اصلاحاتی عمل اپنایا جا رہاہے۔ہر سال یوٹیلیٹی سٹورز کو 50 ارب کی سبسڈی دیتے ہیں۔گزشتہ برس رمضان پیکج کے تحت یوٹیلیٹی سٹورز کو 17 ارب روپے کی سبسڈی دی گئی۔رواں سال حکومت نے رمضان پیکج کیلئے سبسڈی کی مد میں 20 ارب روپے مختص کئے ان کا کہنا تھا کہ پہلی بار 40 لاکھ افراد کو رمضان پیکج کے تحت نقد امداد دی جائے گی۔(جاری ہے)
وفاقی وزیر کا کہنا تھا کہ یوٹیلیٹی سٹورز میں صرف غیر منافع بخش سٹورز بند کر رہے ہیں۔
مستقل اور کنٹریکٹ ملازمین کے حقوق کا تحفظ کیا جائے گا۔رانا تنویر حسین نے کہا کہ یوٹیلیٹی سٹورز کے ذریعے رمضان پیکج کے تجربات اچھے نہیں رہے۔ یوٹیلیٹی سٹورز کے ذریعے غریب کو معیاری اشیاءنہیں مل پا رہی تھیں۔سینیٹ اجلاس میں پیپلزپارٹی کے سینیٹرز شہادت اعوان اور شیری رحمٰن نے سرکاری ملازمین کے 2 روز سے جاری احتجاج کا معاملہ ایوان میں اٹھایا۔وزیر قانون اعظم نذیر تارڈ نے بتایا کہ وزیر خزانہ ملازمین کے ساتھ بات چیت کر رہے ہیں۔ ملازمین کی بات سنی جائے گی لیکن بلیک میل کسی سے نہیں ہونگے۔پریزائڈنگ آفیسر عرفان صدیقی نے بلوچستان میں پنجاب کے 7شہریوں کے المناک قتل کو بلوچستان اور پنجاب کے درمیان منافرت کی بجائے دہشگردی قرار دیتے ہوئے کہا کہ پنجاب اور بلوچستان میں کے درمیان کوئی منافرت نہیں نہ کوئی منافرت پھیلا سکتا ہے۔اجلاس میں نیپرا انتظامیہ کی جانب سے کابینہ کی منظوری کے بغیر تنخواہوں میں اضافے کا معاملہ بھی اٹھایا گیا۔ایجنڈے میں شامل معمول کی دیگر کارروائی کے بعد اجلاس غیر معینہ مدت کیلئے ملتوی کر دیا گیا۔
دہشت گردہتھیار ڈال دیں ورنہ ریاست سے رحم کی توقع نہ کریں، آرمی چیف