سعودی سفیر برائے فرانس فہدالروالی نے پاکستانی نژاد ڈاکٹر حمزہ تاج کو مریم میکیبا ایوارڈ شیلڈ پیش کی
اشاعت کی تاریخ: 21st, February 2025 GMT
پیرس(اُردو پوائنٹ اخبارتازہ ترین۔ 21 فروری2025ء)فرانس میں پہلے فرانسیسی ارود ڈیجیٹل پلیٹ فارم FP92TV اور براعظم افریقہ کیلئے Afrik1 ٹی وی کے سی ای او ڈاکٹرحمزہ تاج کو پیرس میں ایک پروقار تقریب میں فرانس میں تعینات سعودی سفیر فہد الروالی نے انٹرنیشنل افریقن یونین آف جرنلسٹس کی طرف سے "مریم میکیبا ایوارڈ" کی شیلڈ سے نوازا جبکہ سنٹرل افریقی وزیربرائےکلچر ماری پوتو رمضان نے انہیں میکیبامیڈل پہنایا۔
تفصیلات کے مطابق فرانس میں افریقی ممالک کی نمائندہ تنظیموں پر مشتمل جیوری ہر سال انٹرنیشنل افریقن یونین آف جرنلسٹس کے پلیٹ فارم سے اپنے شعبوں میں نمایاں کارکردگی دکھانے والے افریقی و یورپی شہریوں کیلئے" مریم میکیبا ایوارڈ" کا اعلان کرتی ہے۔اس سال فرانسیسی نژاد پاکستانی ڈاکٹر حمزہ تاج سکھیرا کو اس ایوارڈ کیلئے چناگیا۔(جاری ہے)
ڈاکٹر حمزہ تاج سکھیرا پہلے اردو فرنچ ڈیجیٹل چینل FP92TV کے بانی ہیں انہوں نے افریقی ممالک کیلئے فرنچ نیوز چینل Afrik1 بھی لانچ کررکھا ہے۔
افریقی کمیونٹی نےدنیا تک اپنی آواز پہنچانے کا پلیٹ فارم مہیا کرنے پر ڈاکٹر حمزہ تاج کو گذشتہ روز ایک پروقار تقریب میں سعودی سفیر فہد الروالی کے ہاتھوں" مریم میکیباایوڑد" سے نوازا۔ اس موقع پر سنٹرل افریقہ سے خصوصی طورپر تشریف لائی وزیرکلچر ماری پوتو رمضان نے انہیں میکیبا میڈل پہنایا۔ پیرس میں ہونیوالی اس تقریب میں افریقی ممالک کے کئی سفراء ،سفارتی نمائندوں، تجارتی گروپس سمیت تیونسی صدر کے سابق مشیر اور سابق سفیر فرید میمیش،الجیریا کی سابق خاتون اول انیسہ بومیدین،فرانس ٹیلیویژن کے جوائنٹ ڈائریکٹر انٹرنیشنل افئیرز جیرارڈ سیباج،فرانکو فونی کے ترجمان سٹیفن ٹیکی،لوسین پایئےفاونڈیشن کی جولی پیگینی،اوبرویلیئر کی جوائنٹ میئر خرطوم سیکھو سمیت فرانس بھر سے مختلف شعبہ ہائے زندگی تعلق سے رکھنے والے افراد، کامیاب افریقی بزنس مین، سیاسی و سماجی تنظیموں کی عہدیداران اور نمائندوں نے شرکت کی۔اس تقریب میں فرانس میں پاکستانیوں کے مثبت کردار کو سراہا گیا اور ڈاکٹر حمزہ تاج سکھیرا کی صنعتی وتجارتی میدان میں کامیابیوں کے ساتھ ساتھ میڈیا کے میدان میں نمایاں کردار ادا کرنے پر انہیں زبردست خراج تحسین پیش کیا گیا۔اس موقع پرافریقی ممالک کیلئےمختلف شعبوں میں خدمات انجام دینے والے فرانسیسی کاروباری،سیاسی و سماجی شخصیات نے اپنے خیالات کا اظہار کیا۔ اس خوبصورت ملٹی کلچرل تقریب میں شاندارافریقی میوزک اور ڈانس دیکھنے کو ملا۔اس تقریب کے آخر میں ڈاکٹر حمزہ تاج نے کہا کہ یہ میرےلئےیہ بہت بڑا اعزاز ہے کہ گذشتہ سال یہ ایوارڈ سینیگال کے وزیراعظم کو دیا گیا تھا اور اس مرتبہ پہلی دفعہ ایک غیر افریقی کو ایوارڈ کیلئے منتخب کیا گیا۔ یہ میرے لئے،فرانس اور پاکستان کیلئے یکساں طور پر اعزاز اور عزت کا مقام ہے جس کیلئے تمام افریقی ممالک کے لوگوں، آرگنائزرزاور صحافتی تنظیموں کا شکرگزار ہوں۔میں وعدہ کرتا ہوں کہ میں افریقہ کیلئےپہلے سے زیادہ موثر آواز بنوں گا۔.ذریعہ: UrduPoint
کلیدی لفظ: تلاش کیجئے ڈاکٹر حمزہ تاج افریقی ممالک مریم میکیبا کیلی ے
پڑھیں:
نواز شریف کی ہدایت کے باوجود حمزہ شہباز پارٹی امور میں دلچسپی کیوں نہیں لے رہے؟
مسلم لیگ ن کے نائب صدر حمزہ شہباز تقریباً 82 دن تک وزیر اعلیٰ پنجاب رہے۔ وہ پنجاب کی عوام کے لیے کچھ زیادہ تو نہ کر سکے لیکن وزرات عالیہ چھن جانے کے بعد وہ پارٹی امور میں زیادہ سرگرم نہیں رہے ہیں یہاں تک کہ اپوزیشن لیڈر بننے پر بھی ان کی کارکردگی کچھ قابل ذکر نہیں رہی۔
یہ بھی پڑھیں: سابق وزیراعلیٰ پنجاب حمزہ شہباز گمنامی میں چلے گئے ہیں؟
جب وفاق میں پی ڈی ایم کی حکومت اور وزیراعظم ان کے والد شہباز شریف تھے تو حمزہ شہباز تھوڑا بہت میڈیا سے رابطہ کرتے رہتے تھے لیکن پارٹی معاملات میں ویسے دکھائی نہیں دیے جیسے پہلے پارٹی اجلاسوں میں شرکت کے موقعے پر نظر آتا تھا۔
لیگی ذرائع کے مطابق حمزہ شہباز شریف کی خاموشی کی ایک بڑی وجہ یہ بھی ہے کہ ان کے پاس عوام کو بتانے کے لیے کچھ نہیں ہے۔ حالات واضح نہیں ہیں کہ کیا ہونے جارہا ہے جس کی وجہ سے وہ خاموش ہوگئے ہیں۔ وزرات اعلیٰ چھن جانے کے بعد وہ پارٹی معاملات میں اب مداخلت بہت کم کرتے ہیں۔ پارٹی سیکریٹریٹ آتے ضرور ہیں لیکن دلچسپی نہیں لیتے۔
مسلم لیگ ن کے ایک سینیئر رہنما نے بتایا کہ حمزہ شہاز شریف پارٹی کے نائب صدر ہیں اور ان کی پارٹی میں عدم دلچپسی سمجھ سے بالاتر ہے وہ پارٹی اجلاسوں میں شرکت کرتے ہیں لیکن کوئی تجویز نہیں دیتے ہیں ملتے سب سے ہیں لیکن ان کی دلچسپی نہ لینے سے پارٹی کو نقصان ہورہا ہے۔
مزید پڑھیے: رمضان شوگر ملز ریفرنس: عدالت نے شہباز شریف اور حمزہ شہباز کو بری کردیا
سینیئر رہنما نے بتایا کہ 8 فروری کے الیکشن میں حمزہ شہباز زیادہ ایکٹو دیکھائی نہیں دیے جس کی وجہ سے الیکشن میں پارٹی کو کافی نقصان اٹھانا پڑا۔
وزیر اعلیٰ پنجاب مریم نواز سے حمزہ شہباز کی ناراضگی ہے؟مسلم لیگ ن کے سنئیر رہنما نے وی نیوز کو بتایا کہ حمزہ شہباز شریف نے اس بات کا اظہار تو نہیں کیا کہ انہیں وزیر اعلیٰ کیوں نہیں بنایا گیا اور نہ ہی یہ سامنے آنے دیا ہے کہ وہ وزیر اعلی نہ بنے کی وجہ سے ناراض ہیں لیکن ہو سکتا ہے انہوں نے اپنے والد شہباز شریف سے کچھ اظہار کیا ہو مگر پارٹی کے لوگوں کے سامنے ایسا کچھ نہیں کہا اور کبھی اس بات کا تذکرہ بھی نہیں کیا۔
سینیئر رہنما نے بتایا کہ اب ان کے دل میں کیا بات ہے یہ تو وہ ہی بتا سکتے ہیں لیکن انہوں نے پارٹی معاملات میں دلچسپی لینی بند کر دی ہے۔
انہوں نے بتایا کہ مسلم لیگ ن کے صدر نواز شریف نے بھی حمزہ شہباز شریف کو ایک 2 مرتبہ دریافت کیا ہے کہ کہیں وہ ناراض تو نہیں ہیں جس پر حمزہ شہباز شریف نے بتایا کہ ایسی کوئی بات نہیں ہے وہ بس اپنی ذاتی مصروفیات کی وجہ سے پارٹی کو زیادہ وقت نہیں دے پا رہے۔
مزید پڑھیں: حمزہ شہباز زندگی سے ناامید کب ہوئے تھے؟ وی نیوز سے گفتگو میں سابق وزیراعلیٰ پنجاب نے تفصیل بتادی
لیگی رہنما نے بتایا کہ حمزہ شہباز اس وقت ایکٹیو تھے جب پاکستان میں شریف خاندان کا کوئی فرد بھی موجود نہیں تھا۔ سابق آرمی چیف پرویز مشرف کے دور میں انہوں نے جیل کاٹی لیکن پارٹی کے لیے کام کرتے رہے لیکن اب وہ سیکرٹریٹ تک محدود ہوگئے ہیں اور کوئی ملنے آجائے تو مل لیتے ہیں ویسے کہیں نہیں جاتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حمزہ شریف ناراض حمزہ شہباز شریف میاں نواز شریف ن لیگ
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان