پشاور کے کرکٹ اسٹیڈیم کو نام سے منسوب کرنے والے ارباب نیاز کون تھے؟
اشاعت کی تاریخ: 21st, February 2025 GMT
خیبر پختونخوا حکومت نے پشاور کے واحد بین اقوامی معیار کے کرکٹ اسٹیڈیم ارباب نیاز کا نام تبدیل کرکے ’عمران خانکرکٹ اسٹیڈیم‘ رکھنے کا فیصلہ کیا ہے جس کے لیے وزیر اعلیٰ علی امین گنڈاپور نے منظوری دے دی ہے، اب یہ معاملہ کابینہ میں پیش کیا جائے گا۔
وزیرا علیٰ خیبر پختونخوا کی جانب سے منظور کردہ سمری میں ارباب نیاز کرکٹ سٹیڈیم کے قیام سے لے کر مختلف امور کاذکر کیا گیا ہے جس میں موقف اپنایا گیا ہے کہ صوبے میں بین الاقوامی معیار کے کھیل کی سہولیات صوبائی یا وفاقی حکومتوں کے ذریعے فراہم کی گئیں۔ اور سیاسی شخصیات اور سابق بین الاقوامی/قومی سطح کے کھلاڑیوں کی خدمات کے اعتراف میں ان کے ناموں سے منسوب کرنے کافیصلہ کیاگیا۔
سمری کے مطابق لالہ ایوب ہاکی اسٹیڈیم اور عبدالقیوم اسٹیڈیم پشاور اسپورٹس کمپلیکس کا نام بھی اہم شخصیات سے منسوب ہیں جبکہ عبدالولی خان اسپورٹس کمپلیکس چارسدہ اور اوزی محب ہاکی اسٹیڈیم بنوں بھی اہم شخصیات سے منسوب ہیں۔چونکہ عمران خان کی گراں قدر خدمات ہیں، اس لیے ارباب نیاز اسٹیڈیم کا نام تبدیل کرکے عمران خان اسٹیڈیم رکھا جائے گا۔
پشاور کے بااثر سیاسی خاندان کے ارباب نیاز
ارباب نیاز کا پورا نام محمد نیاز خان تھا جو پشاور کے علاقہ تہکال کے بااثر سیاسی ارباب خاندان سے تعلق رکھتے تھے۔ انہوں نے کمیشن حاصل کرکے پاک فوج میں شمولیت حاصل کی تھی۔
پشاور کے سینئیر صحافی احتشام طورو کے مطابق ارباب نیاز با اثر سیاسی خاندان سے تعلق رکھتے تھے۔ جب وہ پاک فوج میں لیفٹیننٹ کرنل تھے تو پاکستان کے پہلے وزیر اعظم لیاقت علی خان کی حکومت کے خلاف 1951ء میں ہونے والی مبینہ بغاوت راولپنڈی سازش کیس میں گرفتار ہوکر فوج سے سبکدوش ہوئے۔ فیض احمد فیض بھی ان کے ساتھ اسیر رہے تھے۔
یہ بھی پڑھیےارباب نیاز کرکٹ اسٹیڈیم کا نام عمران خان نیازی اسٹیڈیم رکھنے کا فیصلہ
احتشام طورو نے بتایا کہ ارباب محمد نیاز بغاوت کیس میں ریاست کی جانب سے عام معافی ملنے پر رہا ہوئے تھے۔ بعدازاں وہ ضیا الحق دور میں وفاقی وزیر بھی رہے۔
ارباب نیاز کا خاندان سیاسی طور پر بااثر ہے۔ ان کے بھائی ارباب جہانگیر خان وزیر اعلیٰ خیبر پختونخوا اور وفاقی وزیر رہے تھے۔ جبکہ ارباب نیاز جنرل ضیاء الحق کابینہ میں کھیل، ثقافت و سیاحت کے وفاقی وزیر تھے۔ وہ پشاور کے میئر بھی رہے۔ جبکہ ارباب نیاز کے دوسرے بھائی ارباب فتح محمد خان بھی پشاور کے میئر رہے ہیں۔
ارباب نیاز کا خاندان اب بھی سیاست میں سرگرم ہے۔ ان کے بیٹوں میں ارباب طارق پشاور کے میئر، ارباب شہزاد خیبرپختونخوا کے چیف سیکرٹری اور وزیراعظم عمران خان کے مشیر، تیسرے بیٹے ارباب دوست محمد کمشنر افغان مہاجرین رہے۔ پی ٹی آئی کے موجودہ رکن قومی اسمبلی ارباب شیر علی ارباب نیاز کے پوتے ہیں۔
یہ بھی پڑھیے’کب تک پرانے منصوبوں پر اپنے نام کی تختیاں لگائیں گے؟‘، ارباب نیاز اسٹیڈیم کا نام تبدیل کرنے پر سوشل میڈیا پر نئی بحث
ارباب شہزاد ملازمت سے ریٹارمنٹ کے بعد پی ٹی آئی میں ہیں۔ وہ عمران خان کابینہ کا حصہ بھی تھے۔ جبکہ ارباب نیاز کے بھتیجے ارباب عالمگیر بھی سیاست میں ہیں اور پی پی پی سے وابستہ ہیں۔ ان کے بیٹے ارباب زرک اس وقت رکن خیبر پختونخوا اسمبلی ہیں۔
نیا اسٹیڈیم نہ بنا سکے تو نام تبدیل کر دیا
صوبے میں حکمران پاکستان تحریک انصاف پشاور کے علاقہ ریگی میں عمران خان سے منسوب نیا اسٹیڈیم تعمیر کرنے کا منصوبہ بنا رہی تھی۔ لیکن اب پشاور کے واحد کرکٹ اسٹیڈیم کا نام ہی تبدیل کرنے کا فیصلہ کیا گیا ہے۔
صحافی انور زیب کے مطابق پشاور کا با اثر ارباب خاندان نام نہیں بچا سکا۔ ان کے مطابق ارباب خاندان کے افراد ہر سیاسی جماعت میں موجود ہیں اور پی ٹی آئی میں بھی ہیں لیکن اسٹیڈیم کا نام تبدیل کرنے کو نہیں روک سکے۔
پشاور کے صحافی زائد امداد کے مطابق حکومت کو چاہیے تھا کہ نیا اسٹیڈیم بنا کر اسے عمران خان سے منسوب کرتی تو بہت اچھا ہوتا۔
‘نام تبدیل کرنا کون سا بڑا کارنامہ ہے۔ چاہیے تو یہ تھا کہ نیا اسٹیڈیم بناتے جس سے صوبے کو بھی فائدہ ہوتا۔’
زائد امداد نے کہا کہ حکومت کو نام تبدیل کرنے میں دلچسپی ہے، کام سے نہیں۔ یہ سلسلہ گزشتہ 8 سال سے جاری ہے اور ختم ہونے کا نام ہی نہیں لے رہا۔ انہوں نے کہا کہ نام تبدیل کرنے سے میچز نہیں ہوں گے۔ حکومت پشاور میں پی ایس ایل اور بین الاقومی میچز بحال کرنے کے لیے اقدامات کرے جن کا شائقین کرکٹ بے تابی سے انتظار کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارباب محمد نیاز ارباب نیاز اسٹیڈیم ارباب نیاز اسٹیڈیم پشاور.ذریعہ: WE News
کلیدی لفظ: ارباب محمد نیاز ارباب نیاز اسٹیڈیم ارباب نیاز اسٹیڈیم پشاور ارباب نیاز اسٹیڈیم نام تبدیل کرنے اسٹیڈیم کا نام خیبر پختونخوا ارباب نیاز کا کرکٹ اسٹیڈیم کا نام تبدیل نام تبدیل کر نیا اسٹیڈیم کہ ارباب پشاور کے کے مطابق
پڑھیں:
’کب تک پرانے منصوبوں پر اپنے نام کی تختیاں لگائیں گے؟‘، ارباب نیاز اسٹیڈیم کا نام تبدیل کرنے پر سوشل میڈیا پر نئی بحث
خیبرپختونخوا کے دارالحکومت پشاور کے ارباب نیاز کرکٹ اسٹیڈیم کا نام تبدیل کرکے عمران خان اسٹیڈیم رکھنے کا فیصلہ کیا گیا ہے۔
سوشل میڈیا پر صارفین کی جانب سے اس فیصلے پر مختلف تبصرے کیے جا رہے ہیں۔ جہاں عمران خان کے حامی صارفین اس فیصلے پر خوشی کا اظہار کرتے نظرآتے ہیں وہیں ناقدین کا خیال ہے کہ یہ غلط فیصلہ ہے اور ایسا صرف عمران خان کو خوش کرنے کے لیے کیا جا رہا ہے۔
عرفان خان نامی صارف لکھتے ہیں کہ جب عوام کے ٹیکس کے 3 ارب روپے باپ دادا کی جاگیر سمجھے جائیں تو پھر ارباب نیاز کرکٹ اسٹیڈیم کا نام تبدیل کرکے عمران خان کرکٹ اسٹیڈیم رکھا جاتا ہے۔
انہوں نے مزید کہا کہ یہ عمران خان دیگر سیاستدانوں کے بارے میں کہا کرتے تھے کہ عوام کے ٹیکس کی رقم سے ذاتی تشہیر نہیں ہونی چاہیئے۔
جب عوام کے ٹیکس کے 3 ارب روپے باپ دادا کی جاگیر سمجھی جائے تو پھر ارباب نیاز کرکٹ سٹیڈیم کا نام تبدیل کرکے عمران خان کرکٹ سٹیڈیم رکھا جاتا ہے۔
یہ مشہور قوم عمران خان دیگر سیاستدانوں کے بارے میں کہا کرتے تھے کہ عوام کے ٹیکس کی رقم سے ذاتی تشہیر نہیں ہونی چاہیئے۔ pic.twitter.com/lUjPGrvog0
— Irfan Khan (@irfijournalist) February 20, 2025
پی ٹی آئی کے حامی صارف فیصل خان لکھتے ہیں کہ پشاور ارباب نیاز اسٹیڈیم کا نام تبدیل کرکے عمران خان اسٹیڈیم رکھ دیا گیا اس خبر سے کافی لوگوں کو تکلیف پہنچے گی۔
پشاور ارباب نیاز اسٹیڈیم کا نام تبدیل کرکے عمران خان اسٹیڈیم رکھ دیا گیا اور اس خبر سے کافی لوگوں کو تکلیف پہنچے گی ???? pic.twitter.com/wjynrEeVbl
— Faisal Khan (@KaliwalYam) February 20, 2025
وہاب خان نے صوبائی کابینہ کے اس فیصلے پر لکھا کہ عمران کا ڈر ہے،عمران تو ہو گا۔
پشاور کے ارباب نیاز کرکٹ اسٹیڈیم کا نام بدل کر عمران خان اسٹیڈیم رکھ دیا گیا ہے،
عمران کا ڈر ہے عمران تو ہو گا،
ریٹویٹ کرتے جائیں۔ pic.twitter.com/QeuLzpppv8
— Wahab Khan (@Itx_Wahab123) February 20, 2025
صحافی صدیق جان نے لکھا کہ عمران خان نے اپنی حکومت میں بڑے بڑے کام کیے لیکن کبھی اپنا نام ساتھ نہیں لگایا کیونکہ عمران خان ان چیزوں کے خلاف ہیں، ان کا مزید کہنا تھا کہ کے پی کے حکومت نے پہلے سے بنے ہوئے اسٹیڈیم کا نام تبدیل کرکے ایک چھوٹی حرکت کی ہے، مریم نواز انہیں حرکتوں کی وجہ سے تنقید کی زد میں ہیں۔
عمران خان نے اپنی حکومت میں بڑے بڑے کام کیے لیکن کبھی اپنا نام ساتھ نہیں لگایا کیونکہ عمران خان ان چیزوں کے خلاف ہے ،
کے پی کے حکومت نے پہلے سے بنے ہوئے اسٹیڈیم کا نام تبدیل کرکے ایک چھوٹی حرکت کی ہے ،
مریم نواز انہیں حرکتوں کی وجہ سے تنقید کی زد میں ہے ،
کے پی کے حکومت کی جانب…
— Siddique Jan (@SdqJaan) February 20, 2025
ایک صارف نے لکھا کہ وزیراعلی خیبر پختونخوا علی امین گنڈاپور نے 11 سال سے آرائشی کام مکمل نا ہونے والے ارباب نیاز سٹیڈیم کا نام ’عمران خان کرکٹ اسٹیڈیم‘ میں تبدیل کرنے کی منظوری دی۔ یہ وہ لوگ ہیں جو 12سال سے پرانے منصوبوں پر اپنےنام کے تختیاں لگاتےآرہےہیں۔
وزیراعلی خیبر پختونخوا علی امین گنڈاپور نے 11 سال سے آرائشی کام مکمل نا ہونے والے ارباب نیاز سٹیڈیم کا نام "عمران خان کرکٹ سٹیڈیم" میں تبدیل کرنے کی منظوری دی۔
یہ وہ لوگ ہیں جو 12سال سے پرانے منصوبوں پر اپنےنام کے تختیاں لگاتےآرہےہیں . pic.twitter.com/iDpqYTBdjw
— Waqas Iftikhar (@WaqasIftikhar9) February 20, 2025
ایک ایکس صارف نے علی امین گنڈاپور کے اس اقدام پر لکھا کہ سلطنت عمرانیہ میں ہم اتنا تو کر ہی سکتے ہیں ناں۔
وزیر اعلیٰ خیبر پختونخوا نے ارباب نیاز کرکٹ اسٹیڈیم کا نام عمران خان کرکٹ اسٹیڈیم رکھنے کی منظور دے دی ???? ????
سلطنت عمرانیہ میں ہم اتنا تو کر ہی سکتے ہیں ناں ???? pic.twitter.com/npjh2UXbyH
— Durkhanai (@DurriiK) February 20, 2025
واضح رہے کہ ارباب نیاز کے صاحبزادے، ارباب شہزاد نے اسٹیڈیم کا نام تبدیل کرنے کے فیصلے کو مسترد کر دیا ہے۔ انہوں نے کہا کہ اس اقدام سے عمران کو خوش کرنے کی ناکام کوشش کی جارہی ہے، ان کے والد کی خدمات کے اعتراف میں پشاور میونسپل کمیٹی نے ان کی وفات کے بعد ایک قرارداد کے ذریعے اسٹیڈیم کا نام رکھا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارباب نیاز اسٹیڈیم پشاور پی ٹی آئی عمران خان اسٹیڈیم
یوٹیلیٹی اسٹورز ملازمین کی جبری برطرفی قابل مذمت ہے،جاوید قصوری