سندھ بلڈنگ، ڈائریکٹر ڈیمالیشن عبدالسجاد خان کے غیر قانونی دھندے جاری
اشاعت کی تاریخ: 21st, February 2025 GMT
ناظم آباد میں لا قانونیت کا بازار گرم ،بیٹر مافیا کو چھوٹ ،رقوم بیرون ملک منتقل
نمبر 5A 10/14منہدم کی جانے والی خطرناک کمزور عمارت کی ازسرنو تعمیر
سندھ بلڈنگ کنٹرول اتھارٹی میں رائج سسٹم کے تحت ضلع وسطی کے علاقے ناظم آباد میں بھی دیگر علاقوں کی طرح ڈائریکٹر ڈیمالیشن عبدالسجاد خان کے غیر قانونی دھندے جاری ہیں۔خطیر رقم بٹورنے کے بعد بیرون ملک منتقل کی جارہی ہیں، لا قانونیت کا بازار گرم رکھتے ہوئے بیٹر مافیا کو غیر قانونی امور پر چھوٹ دی جا رہی ہے جس کا با آسانی اندازہ اس بات سے لگایا جا سکتا ہے کہ ناظم آباد نمبر 5 بلاک A پلاٹ نمبر 10/14 پر بغیر نقشے کے بننے والی دوسری منزل کی تعمیر پر گزشتہ دنوں نمائشی توڑ پھوڑ کرنے کے بعد عدلیہ اور سول سوسائٹی کو گمراہ کیا گیا تھا ۔بعد ازاں بیٹر مافیا نے گٹھ جوڑ کرنے کے بعد دوسری منزل کی ازسر نو تعمیر تیسری اور پھر چوتھی منزل کی تعمیر کی آزادی حاصل کر لی ہے۔ زیر نظر تصویر میں واضح طور پر دیکھا جا سکتا ہے کہ کمزور عمارت پر جاری تعمیرات انسانی جانوں کیلئے انتہائی خطرناک ہے۔ ذاتی مفادات کی خاطر انسانی جانوں کو داؤ پر لگایا جا رہا ہے، واضح رہے کہ سجاد خان کا نام غیر قانونی تعمیرات کی بحفاظت تکمیل کیلئے تحفظ کی ضمانت بنتا جا رہا ہے اور موصوف کی سرپرستی سے جاری بے ہنگم عمارتوں کی بلا روک ٹوک تعمیرات کے باعث کراچی کا انفراسٹرکچر برباد ہوتا دکھائی دیتا ہے اور علاقہ مکین مسلسل بڑھنے والے مسائل سے پریشان ہیں۔
.ذریعہ: Juraat
پڑھیں:
پنجاب اور خیبر پختونخوا میں بارشوں کا سلسلہ جاری، خشک سالی کا خاتمہ
لاہور : پنجاب اور خیبر پختونخوا کے مختلف علاقوں میں طویل عرصے بعد تیز بارشیں ہوئی ہیں، جس سے موسم خوشگوار ہوگیا اور خشک سالی کے اثرات بھی کم ہوئے۔ بدھ کی رات لاہور، فیصل آباد، گوجرانوالہ، گجرات اور حافظ آباد جیسے شہروں میں بارشیں ہوئیں، اور راولپنڈی میں تقریباً چار ماہ بعد تیز بارش کا سامنا کیا گیا۔
محکمہ موسمیات کے مطابق، راولپنڈی کے مختلف علاقوں میں بارش کی مقدار 18 سے 22 ملی میٹر کے درمیان ریکارڈ کی گئی۔ اس کے علاوہ، محکمہ نے راولپنڈی اور اسلام آباد میں مزید تین دن تک بارشوں کی پیش گوئی کی ہے۔
آزاد کشمیر کے علاقے نکیال میں بھی بارشوں کے باعث خشک سالی کا خاتمہ ہوگیا، جبکہ مری اور گلیات میں برفباری کا سلسلہ جاری ہے، جس سے سیاحوں کی تعداد میں اضافہ ہوا ہے۔ خیبر پختونخوا کے مختلف علاقوں میں بھی بارشوں کے بعد سردی بڑھ گئی اور کوہ سفید پر برفباری بھی ہوئی۔
محکمہ موسمیات نے آئندہ دنوں میں بالائی پنجاب، خیبر پختونخوا، کشمیر اور گلگت بلتستان میں مزید بارشوں اور پہاڑوں پر برفباری کی پیش گوئی کی ہے، اور کچھ علاقوں میں ژالہ باری کا امکان بھی ظاہر کیا ہے۔
حیدرآباد ،جسقم وسندھ سجاگ فورم کی جانب سے ہٹڑی تھانے کی پولیس کیخلاف پریس کلب کے سامنے احتجاج کیا جارہا ہے