ایم ڈی اے یے ریکارڈ میں چھیڑ چھاڑ،پیراگون کے دفتر پر چھاپہ
اشاعت کی تاریخ: 21st, February 2025 GMT
ایم ڈی اے کے ڈائریکٹر لینڈ اور اسسٹنٹ ڈائریکٹر لینڈ کی شاہ لطیف کے ملازمین کے ساتھ یلغار
70ہزار فائلیں اٹھا کر شاہ لطیف سبزی منڈی پر زبردستی شفٹ کرنے کی اطلاعات ،الاٹیز میں غصہ
ایم ڈی اے کے ریکارڈ میں چھیڑ چھاڑ کی خبریں، لینڈ مافیا کے سرپرست ایم ڈی اے کے عناصر پیراگون پر پل پڑے۔ اطلاعات کے مطابق ایم ڈی اے میں متعدد گھپلوں میں ملوث لینڈ مافیا کے سرپرست افسران کی ان دنوں نیندیں حرام ہو گئی ہے۔ اطلاعات کے مطابق ڈائریکٹر لینڈ فاروق بگٹی اور اسسٹنٹ ڈائریکٹر لینڈ ظہور خان نے شاہ لطیف کے عارضی ملازمین اور پولیس کی معاونت سے پیراگون کے دفتر پر چھاپہ مارا ہے۔پیراگون کے ذرائع کے مطابق تیسر ٹاؤن اسکیم45 کا ریکارڈ ایک معاہدے کے تحت ان کی زیرنگرانی ہے اور جب تک اسکیم آباد نہیں ہو جاتی، یہ ریکارڈ پیرا گون کی ملکیت ہی رہے گا لیکن گزشتہ کچھ عرصے سے اس ریکارڈ کے ساتھ چھیڑ چھاڑ کی جارہی ہے۔ جرأت کے ذرائع کے مطابق ریکارڈ ٹمپرنگ کی ایم ڈی اے کے افسران کی طرف سے لگاتار کوششیں ہو رہی تھیں۔ پیرا گون کے انکار کے بعد زبردستی یہ اقدام ایم ڈی اے کے ڈائریکٹر لینڈ فاروق بگٹی اور اسسٹنٹ ڈائریکٹر لینڈ ظہور خان نے اٹھایا ہے۔اطلاعات کے مطابق تقریباً 70ہزار فائلیں اٹھا کر شاہ لطیف سبزی منڈی پر زبردستی شفٹ کی گئی ہیں۔ اس ریڈ کے دوران پیراگون کے اسٹاف کو بری طرح مارا پیٹا گیا اور اس مار پیٹ میں فاروق بگٹی کے دست راست عاصم نامی شخص سر فہرست ہیں۔ اس ریڈ کے دوران تشدد کے بعد پیرا گون کے سب ملازمین کو کمروں میں بند کر دیا گیا۔ ایم ڈی اے کی طرف سے ریڈ کی سربراہی فاروق بگٹی خود کر رہے تھے ۔ پیراگون کے ذرائع کے مطابق فائلوں کے ساتھ ساتھ باقی سامان بھی اٹھا لیا گیا ہے اور بعد کی کارروائی سے بچنے کے لئے سی سی ٹی وی کیمرے بھی اکھاڑ کر ساتھ لے گئے ہیں۔ذرائع کے مطابق ڈائریکٹر لینڈ فاروق بگٹی کی اس غیر قانونی سرگرمی سے سارے تیسر ٹاؤن کے الاٹیز اور انویسٹر میں شدید غم و غصہ ہے۔ پیراگون سٹی کے ذرائع کا کہنا ہے کہ قانونی چارہ جوئی کا حق محفوظ رکھتے ہوئے ایم ڈی اے کے ڈائریکٹر لینڈ فاروق بگٹی اور ظہور خان کو بھرپور جواب دیا جائے گا۔اس غیر قانونی اقدام کے لیے منسٹر لوکل گورنمنٹ سعید غنی کو از خود نوٹس لینا چاہئیں۔
.ذریعہ: Juraat
پڑھیں:
بلوچستان کے اسپتالوں کو مثالی بنائیں گے: سرفراز بگٹی
سرفراز بگٹی--فائل فوٹووزیرِ اعلیٰ بلوچستان سرفراز بگٹی نے کہا ہے کہ بلوچستان کے اسپتالوں کو مثالی طبی ادارے بنائیں گے۔
بلوچستان کے وزیرِ اعلیٰ سرفراز بگٹی کی زیرِ صدارت اجلاس ہوا جس میں ان کو محکمۂ صحت بلوچستان و پنجاب کے ماہرینِ طب کی محکمہ جاتی اصلاحات پر بریفنگ دی گئی۔
اجلاس میں بلوچستان میں صحت کے نظام کی بہتری کے لیے تمام اسٹیک ہولڈرز کے ساتھ جامع حکمتِ عملی اپنانے کا فیصلہ کیا گیا۔
وزیراعلیٰ بلوچستان سرفراز بگٹی نے کہا ہے کہ کچھی کینال سے زرعی انقلاب آئے گا۔
سرفراز بگٹی نے بلوچستان میں صحت کے بنیادی ڈھانچے کی بہتری کے لیے اقدامات تیز کرنے کی ہدایت کی۔
انہوں نے اجلاس میں گفتگو کے دوران کہا کہ صحت کے شعبے کو جدید خطوط پر استوار کرنے کے لیے پُر عزم ہیں، اسپتالوں میں جدید سہولتوں کی فراہمی یقینی بنائیں گے۔
وزیرِ اعلیٰ بلوچستان نے ہدایت کی کہ ڈیجیٹلائزیشن سے طبی سہولتیں، ادویات کی فراہمی اور مربوط نظام قائم کیا جائے۔
سرفراز بگٹی نے یہ بھی کہا کہ بی ایم سی، سنڈیمن اور شیخ زید النہیان اسپتالوں کو مثالی طبی ادارے بنائیں گے۔
حیدرآباد ،جسقم وسندھ سجاگ فورم کی جانب سے ہٹڑی تھانے کی پولیس کیخلاف پریس کلب کے سامنے احتجاج کیا جارہا ہے