آرمی چیف کا دورۂ برطانیہ، سوشل میڈیا پر مہم چلانے والوں کے خلاف کارروائی کا اعلان
اشاعت کی تاریخ: 21st, February 2025 GMT
آرمی چیف کو لندن میں ملنے والی عزت سے پاکستان کے وقار میں اضافہ ہوا اور یہ پی ٹی آئی کو ہضم نہیں ہورہا، احتجاج اور سوشل میڈیا پر مہم چلانے والوں کے خلاف قانونی کارروائی کی جائے گی
پی ٹی آئی نے ہمیشہ پاکستان کی معیشت کے خلاف احتجاج کیا، آپ جو مرضی کوشش کرلیں، پاکستان ترقی کرے گا، آپ کی پاکستان کی ساکھ کو متاثر کرنے کی مذموم کوششیں ناکام ہوں گی، وزیراطلاعات
وفاقی وزیر اطلاعات عطائاللہ تارڑ نے کہا ہے کہ برطانیہ میں چیف آف آرمی اسٹاف کو ملنی والی عزت اور وقار تحریک انصاف کو ہضم نہیں ہوا، احتجاج اور سوشل میڈیا پر مہم چلانے والوں کے خلاف قانونی کارروائی کی جائے گی۔تفصیلات کے مطابق وفاقی وزیر اطلاعات و نشریات عطا تارڑ نے کہا کہ آرمی چیف برطانیہ کے دورے پر ہیں جہاں ان کا پرتپاک استقبال کیا گیا، جس سے پاکستان کی عزت اور وقار میں اضافہ ہوا، پاک فوج کی پیشہ ورانہ صلاحیتوں کی پوری دنیا معترف ہے ۔عطا تارڑ نے کہا کہ تحریک انصاف کو آرمی چیف کا برطانیہ میں پرتپاک استقبال ہضم نہیں ہوا، اس لیے مٹھی بھر شرپسند عناصر سوشل میڈیا پر مہم چلا رہے ہیں جبکہ کچھ لوگوں نے احتجاج بھی کیا، تاہم محب وطن پاکستانیوں نے شرپسند عناصر کی اس مہم کو مسترد کر دیا ہے ، جو کوئی بھی پاکستان کی سالمیت، بقا اور مفاد کو نقصان پہنچائے گا اس کے لئے قانون موجود ہے ۔انہوں نے کہا کہ مہم چلانے اور احتجاجیوں کے خلاف قانون کے اندر رہتے ہوئے کارروائی عمل میں لائی جائے گی اور ایکشن لازمی لیا جائے گا، جہاں ملکی مفاد کی بات ہو، تحریک انصاف کے لئے یہ بات ہضم کرنا مشکل ہے کیونکہ ان کے لئے پاکستان کوئی معنی نہیں رکھتا۔وزیر اطلاعات کا کہنا تھا کہ پاکستان ترقی کی نئی منازل طے کر رہا ہے ، معیشت میں واضح بہتری آ رہی ہے، معاشی اعشاریے بہتر ہو رہے ہیں، ترسیلات زر میں 32 فیصد اضافہ ہوا ہے ، بیرون ملک پاکستانیوں کا ترسیلات زر بھجوانے میں اہم کردار ہے ، ایک طرف بیرون ملک پاکستانی ذمہ دارانہ کردار ادا کر رہے ہیں اور دوسری جانب شرپسند ٹولہ پاکستان سے دشمنی کا کوئی موقع ہاتھ سے نہیں جانے دیتا، اس ٹولے نے انتشار پھیلایا، نفرتیں اور تقسیم پیدا کی ہیں۔عطا تارڑ نے کہا کہ اس ٹولے نے دفاعی تنصیبات کو نشانہ بنایا، جناح ہاؤس کو آگ لگائی، اس پر حملہ کیا، یہ بھی نہیں دیکھا کہ یہ قائداعظم محمد علی جناح کا گھر ہے جبکہ شہدا کی یادگاروں کو بھی مسمار کیا گیا، ملک کی سلامتی کیلئے اپنا خون بہا دیں ان سے کسی کوکیا دشمنی ہوگی۔انہوں نے کہا کہ پی ٹی آئی ملک دشمن قوتوں کے ایجنڈے پر کاربند ہے اور خاص ایجنڈے پر چلتے ہوئے ان کی خواہش پورا کرنے کی کوشش کرتی ہے ، تحریک انصاف دہشت گردوں کو پاکستان لائی اور انہیں اپنا دوست بنایا، بانی چیئرمین پی ٹی آئی نے ہمیشہ دہشت گردوں کی حمایت کی۔وفاقی وزیر اطلاعات نے کہا کہ پی ٹی آئی نے نو مئی کو جو کچھ کیا اس کے شواہد موجود ہیں، بانی چیئرمین پی ٹی آئی نے آئی ایم ایف کو خط لکھ کر ملک سے دشمنی کا ثبوت دیا۔عطا تارڑ کا مزید کہنا تھا کہ پی ٹی آئی نے ہمیشہ پاکستان کی معیشت کے خلاف احتجاج کیا، آپ جو مرضی کوشش کرلیں، پاکستان ترقی کرے گا، آپ کی پاکستان کی ساکھ کو متاثر کرنے کی مذموم کوششیں ناکام ہوں گی۔انہوں نے دعویٰ کیا کہ تحریک انصاف کی سیاست زوال کا شکار ہے ، ان کے پاس کوئی ایجنڈا نہیں ہے اس لئے یہ کبھی آئی ایم ایف کو خط لکھتے ہیں اور کبھی آرمی چیف کے دورے پر احتجاج کرتے ہیں، آپ کو اگر پاکستان کی عزت ہضم نہیں تو آپ سڑتے رہیں، آپ کی تمام مذموم کوششیں ناکام ہوں گی۔
.ذریعہ: Juraat
پڑھیں:
ڈیلٹا ایئر لائنز کا ٹورنٹو میں حادثے کا شکار ہونے والوں کو 30 ہزار ڈالر دینے کا اعلان
نیویارک: امریکی ایئرلائن ڈیلٹا نے اعلان کیا ہے کہ رواں ہفتے ٹورنٹو میں لینڈنگ کے دوران حادثے کا شکار ہونے والے پرواز کے تمام مسافروں کو30 ہزار ڈالر فی مسافر ادا کرے گی۔
غیر ملکی میڈیا رپورٹس کےمطابق
کمپنی کے ترجمان نے کہاکہ حادثے کا شکار ہونے والے مسافروں کو 30,000 ڈالر کی پیشکش کی جا رہی ہے، یہ معاوضہ “کسی بھی شرط کے بغیر” دیا جا رہا ہے اور اس سے مسافروں کے قانونی حقوق پر کوئی اثر نہیں پڑے گا۔
ڈیلٹا کے چیف ایگزیکٹو ایڈ بسٹین نے کہاکہ تین دن گزرنے کے باوجود حادثے کی وجوہات سے متعلق تفصیلات ابھی تک سامنے نہیں آئیں، پرواز ایک تجربہ کار عملے کے ساتھ تھی،” تاہم انہوں نے مزید تفصیلات فراہم نہیں کیں۔
دوسری جانب کینیڈا کی ایک قانونی فرم روچون جینووا نے تصدیق کی ہے کہ وہ کچھ متاثرہ مسافروں کی نمائندگی کر رہی ہے، جو ایئرلائن سے مزید ہرجانہ حاصل کرنے پر غور کر رہے ہیں، بین الاقوامی ہوابازی کے قوانین کے مطابق جب کوئی حادثہ زخمیوں یا اموات کا باعث بنتا ہے، تو ایئرلائنز پر لازم ہوتا ہے کہ وہ متاثرہ مسافروں کو ابتدائی مالی معاونت فراہم کریں۔
خیال رہےکہ گزشتہ دنوں ڈیلٹا فلائٹ 4819 نے جب ٹورنٹو پیئرسن انٹرنیشنل ایئرپورٹ پر لینڈنگ کی کوشش کی تو طیارہ الٹ گیا اور اس کا دایاں بازو مکمل طور پر الگ ہو گیا تھا، اس حادثے کے باوجود 80 افراد (76 مسافر اور 4 عملے کے افراد) محفوظ رہے تھے۔
واضح رہےکہ حادثے کے بعد 21 زخمی مسافروں کو اسپتال منتقل کیا گیا تھا، تاہم اگلی صبح تک سوائے ایک کے تمام کو اسپتال سے فارغ کر دیا گیا، خوش قسمتی سے کسی بھی مسافر کو زندگی کے لیے خطرہ لاحق زخم نہیں آئے تھے۔
یاد رہےکہ ڈیلٹا ایئرلائنز کی ویب سائٹ کے مطابق اگر کسی مسافر کی موت واقع ہو جائے تو ابتدائی ادائیگی کم از کم 20,000 ڈالر ہونی چاہیے جبکہ زخمی ہونے کی صورت میں ادائیگی کی رقم ایئرلائن طے کرتی ہے۔
یہ پہلا موقع نہیں جب کسی ایئرلائن نے حادثے کے بعد مسافروں کو ابتدائی معاوضے کی پیشکش کی ہو،2013 میں سان فرانسسکو میں حادثے کا شکار ہونے والی آسیانا ایئرلائنز نے زندہ بچ جانے والے 288 مسافروں کو 10,000 ڈالر فی کس ادا کیے تھے۔
2024 میں الاسکا ایئرلائن کے ایک طیارے کے دورانِ پرواز دروازے کا ایک پینل الگ ہو گیا تھا، جس پر ایئرلائن نے مسافروں کو 1,500 ڈالر اور مکمل کرایہ واپسی کی پیشکش کی تھی۔
میرپورخاص،محکمہ آبپاشی کی نااہلی ،جرواری نہر نالے میں تبدیل