شائد آپ نے نوٹ کیا ہو کہ 20سال کے نوجوانوں اور 40سال کے ادھیڑ عمر کے لوگوں میں کھڑے ہونے کا ایک بنیادی فرق ہوتا ہے۔ آپ مشاہدہ کر کے دیکھنا کہ نوجوان بلکل سیدھے اور ادھیڑ عمر قدرے جھک کر کھڑے ہوتے ہیں، نوجوانوں کا سینہ باہر نکلا ہوتا ہے اور پوری ٹانگیں سیدھی ہوتی ہیں جبکہ ادھیڑ عمروں کی ٹانگیں کافی حد تک آگے کی طرف جھکی ہوتی ہیں کیونکہ اس عمر میں گوڈے انچ آدھا انچ آگے کی طرف نکل جاتے ہیں۔ آپ کھڑے ہونے کے اس فرق کو فٹ بال ٹیم کے ’’لائن اپ‘‘کے دوران آسانی سے محسوس کر سکتے ہیں۔ آج ایک دوست اشفاق احمد پسروری نے کھڑے ہونے کے اس انداز کو ایک چونکا دینے والی وضاحت کے ساتھ بیان کیا۔ انہوں نے بتایا کہ عمر کے بڑھنے سے آپ کے دماغ میں ذمہ داریوں کا بوجھ بڑھ جاتا ہے، فکر اور وسوسوں کی مقدار زیادہ ہو جاتی ہے اور آپ کے اندر سوچنے اور عمل کرنے کی طاقت بھی کم ہو جاتی ہے۔ یہ ایک حقیقت بھی ہے کہ نوجوانی میں ہمارے اندر سوچنے اور عمل کرنے کی قوت زیادہ ہوتی ہے۔ جب ہم نوجوان ہوتے ہیں تو رات کو سوچتے ہیں اور صبح اس پر عمل کر کے کامیاب ہو جاتے ہیں۔ لیکن جب عمر بڑھتی ہے ایک تو ہمارے دماغ میں غم و آلام کی تعداد میں اضافہ ہوتا ہے دوسرا ہمارے اندر خود اعتمادی میں کمی آ جاتی ہے اور جب یہ چیزیں ہمارے دماغ میں زیادہ جمع ہو جاتی ہیں تو ان کا بوجھ ہمارے سر میں واقع دماغ سے نکل کر ہماری جسم اور ٹانگوں پر پڑتا ہے۔ایک اردو کا محاورہ ہے کہ ’’سر کا بوجھ ٹانگوں کو اٹھانا پڑتا ہے‘‘ جس کا اصطلاحی مفہوم یہ ہے کہ سوچ و فکر کی کمی کی وجہ سے آپ نوجوانی میں جو غلطیاں اور کوتاہیاں کرتے ہیں ان کا خمیازہ آپ کو ادھیڑ عمر اور بڑھاپے میں بھگتنا پڑتا ہے۔ آپ نے دیکھا ہو گا کہ کچھ زیادہ عمر کے بوڑھے لوگوں کی کمر جھک جاتی ہے اور وہ عموماً چھڑی کے سہارے پر جھک کر چلتے ہیں۔ جہاں کمر جھکنے کا تعلق عمر سے ہے وہاں اس کا تعلق آپ کے سر میں موجود ماضی کا وہ بوجھ بھی ہوتا ہے جس کو آپ نظر انداز کر کے آگے بڑھنے کی کوشش کرتے رہے ہوتے ہیں۔ نوجوانی میں عقل و دانش سے کام لینا آپ کو بڑھاپے میں سہارا دیتا ہے اور آپ کمر میں ٹیڑھے پن کی بیماری سے بچ جاتے ہیں۔
ہمارے آج کے طلباء اور نوجوانوں کو اپنے گزرے ہوئے کل کی بجائے آنے والے کل کی زیادہ فکر کرنی چایئے جو صرف اپنے حال پر نظر رکھ کر زیادہ بہتر طریقے سے کی جا سکتی ہے۔ آج ہم کامیاب ہونے کے لیئے جتنی محنت کرتے ہیں وہ ہمارے آنے والے کل میں کام آتی ہے۔ ہمیں ہمیشہ کچھ نہ کچھ برسات کے دن کے لئے رکھتے رہنا چایئے۔ ہماری زندگی کے سارے دن ہمیشہ ایک جیسے نہیں رہتے ہیں۔ اگر آج ہمارے اچھے دن ہیں تو ہمیں چایئے کہ ہم آنے والے کل کے لیئے کچھ نہ کچھ بچا کر رکھیں، اور آج ہم پر برے دن ہیں تو ہم پر لازم ہے کہ ہم صبر کریں، حوصلہ رکھیں اور محنت سے کام لیں، اور اپنے برے دنوں سے نکلنے کے لیئے دن رات ہاتھ پاو’ں مارتے رہیں۔انگریزی کا ایک محاورہ ہے کہ”Stich in Time Saves Nine.
والدین، رشتہ دار، دوست اور معاشرہ ہم سے نفرت کرنے لگتا ہے کیونکہ ہم کم کماتے ہیں یا بلکل ہی نہیں کماتے ہیں، تو ہم نہ صرف ہم اپنے قریبی لوگوں پر بوجھ بن جاتے ہیں بلکہ ہم خود بھی اپنا بوجھ اٹھانے سے قاصر ہونے لگتے ہیں۔بڑھاپے میں کمر جھکنے کی یہ بھی ایک بنیادی وجہ ہے کہ ہم اپنی جوانی نادانیوں سے برباد کر چکے ہوتے ہیں۔ دنیا میں عموما لوگ 25 سے 35 سال کی عمر میں تیزی سے ترقی کرتے ہیں۔ اس عمر میں دماغ اور جسم دونوں میں وافر مقدار میں “انرجی” ہوتی ہے۔ جب زندگی 40 اور 50 میں داخل ہوتی ہے تو اس کے بعد آدمی پیسہ جسم سے زیادہ دماغ سے کماتا ہے۔ اس دور میں ہم وقت کا بہتر استعمال کریں، اور جسم و دماغ دونوں کا بھرپور فائدہ اٹھائیں تو بڑھاپے میں ہماری کمر جھکنے سے بچ جاتی ہے۔ یہ بات ان لوگوں کے لیئے اور بھی زیادہ اہم ہے کہ جو لوگ جس عمر میں بھی ہوں وہ وقت ضائع کر رہے ہیں تو مستقبل میں ان کی پریشانیوں میں ضرور اضافہ ہو گا اور وہ وقت سے پہلے ہی بوڑھے لگنے لگیں گے۔ سوچ اور عمل کا نتائج پر لازم اثر پڑتا ہے کہ کچھ لوگ 20 سال کی عمر میں 60 سال کے بوڑھے اور کچھ 60 سال کی عمر میں 20 سال کے نوجوان لگتے ہیں۔
ذریعہ: Daily Ausaf
کلیدی لفظ: جاتے ہیں ہوتے ہیں ہوتا ہے کا بوجھ جاتی ہے پڑتا ہے کے لیئے ہے اور ہیں تو سے کام سال کے عمر کے
پڑھیں:
ٹیکس نیٹ میں موجود ریٹیلرز پر مزید بوجھ نہیں ڈالا جائے گا: وزیراعظم
ویب ڈیسک: وزیراعظم شہباز شریف نے کہا ہے کہ ایسےریٹیلرز جو ٹیکس نیٹ میں موجود ہیں ان پر ٹیکس کا مزید بوجھ نہیں ڈالا جائے گا۔
وزیرِاعظم محمد شہباز شریف سے پاکستان ریٹیل بزنس کونسل کے چیئرمین زید بشیر کی قیادت میں وفد نے ملاقات کی، وزیرِ اعظم نے ریٹیلرز کے وفد کا خیرمقدم کیا اور مسائل کے حل کی یقین دہانی کرائی،وزیرِ اعظم نے متعلقہ حکام کو ریٹیلرز کے مسائل کے حل کیلئے کمیٹی تشکیل دینے کی ہدایت کی۔
اسرائیل سے رہا ہونے والے ابو وردہ کی خان یونس میں یرغمالیوں کی میتیں واپس دینے کی تقریب میں شرکت
اس موقع پر گفتگو کرتے ہوئے وزیراعظم شہباز شریف کا کہنا تھا کہ ایسے ریٹیلرز جو ٹیکس نیٹ میں موجود ہیں ان پر ٹیکس کا مزید بوجھ نہیں ڈالا جائے گا، ایسے تمام ریٹیلرز جو ٹیکس نہیں دیتے ان کو ٹیکس نیٹ میں لانے کیلئے ترجیحی بنیادوں پر اقدامات کر رہے ہیں، استعمال شدہ اشیاء کی آڑ میں ہونے والی سمگلنگ کے سد باب کیلئے بھی اقدامات تیز کر رہے ہیں۔
انہوں نے کہا کہ مقامی صنعت جدت کو اپناتے ہوئے اپنی اشیاء کی برآمدات کیلئے جدید ٹیکنالوجی اپنائے تاکہ وہ بین الاقوامی مارکیٹ کا مقابلہ کر سکے، ایف بی آر کی دیگر اصلاحات کے ساتھ ساتھ حکومت معیشت کو کیش لیس بنانے کیلئے اقدامات کر رہی ہے۔
روس پر پابندیاں یوکرین کے مذاکرات میں کردار ادا کریں گی, امریکی وزیر خزانہ کی امید
وفد کے شرکاء نے وزیراعظم سے گفتگو کرتے ہوئے کہا کہ ملکی معیشت کے استحکام کیلئے آپ اور آپکی ٹیم کو خراج تحسین پیش کرتے ہیں، مہنگائی اور شرح سود میں خاطر خواہ کمی سے مصنوعات کی کھپت اور پیداوار میں اضافہ ہو رہا ہے جو خوش آئند ہے، امید ہے ان اقدامات سے شرح مہنگائی میں مزید کمی آئے گی۔
شرکاء کا کہنا تھا کہ صنعتوں کا پہیہ چلنے سے روزگار کے نئے مواقع پیدا ہو رہے ہیں، حکومتی اصلاحات خوش آئند ہیں اور ان کے معیشت پر دور رس مثبت اثرات مرتب ہونگ، ریٹیلرز کو ٹیکس نیٹ میں لانے سے محصولات میں اضافہ ہوگا، ایسے ریٹیلرز جو ٹیکس نیٹ میں موجود ہیں انکے مسائل کے حل کیلئے حکومتی اقدامات کے معترف ہیں۔
عظمی بخاری باکسر بن گئیں، گرین شرٹس پر آہنی مکوں کی بوچھاڑ کر ڈالی
یوٹیلیٹی اسٹورز ملازمین کی جبری برطرفی قابل مذمت ہے،جاوید قصوری