بلوچستان: خصوصی انسداد پولیو مہم دوسرے روز بھی جاری
اشاعت کی تاریخ: 21st, February 2025 GMT
بلوچستان میں پولیو کے ہائی رسک اضلاع میں انسدادِ پولیو کی خصوصی مہم آج دوسرے روز بھی جاری ہے۔
بلوچستان میں پولیو کے ہائی رسک اضلاع کوئٹہ، پشین، قلعہ عبد اللّٰہ اور چمن میں انسدادِ پولیو کی مہم آج دوسرے روز جاری ہے، جہاں بچوں کو پولیو کے حفاظتی ٹیکے لگائے جائیں گے۔
ایمرجنسی آپریشن سینٹر کے حکام کے مطابق کوئٹہ بلاک کے چار اضلاع کی 78 یونین کونسلز میں انسدادِ پولیو کی مہم جاری رہے گی۔
ای او سی حکام کے مطابق مہم کے دوران 4 لاکھ سے زائد بچوں کی ویکسی نیشن کا ہدف رکھا گیا ہے۔
پولیو کے خاتمے کے لیے خصوصی مہم 27 فروری تک جاری رہے گی۔
طبی ماہرین کے مطابق بلوچستان کے متعدد اضلاع کے ماحولیاتی نمونوں میں پولیو وائرس کی موجودگی ابھی تک برقرار ہے۔
.ذریعہ: Jasarat News
کلیدی لفظ: پولیو کے
پڑھیں:
وزیراعظم کی جانب سے سفارتخانوں کی کارکردگی بڑھانے کیلئے خصوصی ذیلی کمیٹی قائم
اسلام آباد (ڈیلی پاکستان آن لائن )وزیراعظم شہباز شریف کی جانب سے بیرون ملک سفارتخانوں کی کارکردگی بڑھانے کے ٹاسک پر نائب وزیراعظم اسحاق ڈار نے خصوصی ذیلی کمیٹی قائم کردی۔
نجی ٹی وی جیونیوز کے مطابق رکن قومی اسمبلی بلال اظہرکیانی 8 رکنی ذیلی کمیٹی کے کنوینرمقرر کئے گئے ہیں جس کا نوٹیفکیشن جاری کردیا گیا ہے۔ذیلی کمیٹی کا پہلا اجلاس کل بلال اظہر کیانی کی زیرصدارت ہوگا، داخلہ، تجارت، خزانہ اور اطلاعات ونشریات کے ایڈیشنل سیکرٹری ذیلی کمیٹی کے رکن ہوں گے۔وزارت اوورسیزپاکستانیز اور خارجہ کے ایڈیشنل سیکرٹری بھی ذیلی کمیٹی کے رکن ہوں گے۔کابینہ ڈویژن کے ادارہ جاتی اصلاحات سیل کے جوائنٹ سیکرٹری بھی ذیلی کمیٹی کے رکن مقرر کئے گئے ہیں۔
ذیلی کمیٹی پاکستانی سفارت خانوں کی مجموعی کارکردگی، ڈھانچے، درپیش مسائل کا جائزہ لےگی۔ ذیلی کمیٹی پاکستانی سفیروں کو بھی فرداً فرداً بلائےگی اور ان سے تجاویز لے گی۔ ذیلی کمیٹی پاکستانی سفارتخانوں کی سیاسی ومعاشی کاوشوں کا جائزہ لےگی۔
ذیلی کمیٹی کسی بھی ملک میں سفارتخانے کے کام کی نوعیت اورسفارتی عملے کی تعدادکا جائزہ لےگی۔ ذیلی کمیٹی اکستانی سفارتخانوں کی کارکردگی بڑھانے،حالات کے مطابق اصلاحات کے لئے اقدامات تجویزکرےگی۔ ذیلی کمیٹی پاکستانی سفارتخانوں کے لئے قومی ضروریات اور مقاصد کے مطابق اہداف کا تعین کرےگی۔
ذیلی کمیٹی پاکستانی سفارتخانوں اور سفارت کاروں کی کارکردگی جانچنے کے لئے طریقہ کار کی تجاویزدے گی۔ ذیلی کمیٹی اپنے کام کی انجام دہی کے لئے کسی ماہراور سفارتی شخصیت کی مدد بھی حاصل کرسکتی ہے۔
بیرون ملک تعینات پاکستانی سفیروں کو ہدایت کی گئی ہے کہ وہ ذیلی کمیٹی کو مکمل معاونت فراہم کریں۔
میوہسپتال لاہور میں لفٹ گر گئی، 3نرسوں کی ٹانگیں فریکچر
مزید :
ٹنڈوجام پریس کلب پردریائے سندھ سے 6 نئی نہریں نکالنے کیخلاف جئے سندھ قومی محاذکے کارکنان مظاہرہ کر رہے ہیں