امریکہ کی ایران کیخلاف ایکبار پھر ہرزہ سرائی
اشاعت کی تاریخ: 21st, February 2025 GMT
اپنے ایک انٹرویو میں امریکی وزیر خارجہ کا کہنا تھا کہ ایران جو بھی آمدنی حاصل کرتا ہے اسے اپنے جوہری پروگرام اور دہشتگردی کی حمایت میں خرچ کرتا ہے۔ اسلام ٹائمز۔ نئی امریکی انتظامیہ کی جانب سے ایران کے خلاف سلسلہ وار بے بنیاد الزامات جاری ہیں۔ اس ضمن میں امریکی وزیر خارجہ "مارکو روبیو" نے کہا کہ ایران جو بھی آمدنی حاصل کرتا ہے اسے اپنے جوہری پروگرام اور دہشت گردی کی حمایت میں خرچ کرتا ہے۔ انہوں نے ان خیالات کا اظہار کینیڈین اینکر کیتھرین ھریج کو انٹرویو دیتے ہوئے کیا۔ جو سماجی رابطے کی سائٹ ایکس پر نشر کیا گیا۔ اس موقع پر واشنگٹن نے ایک بار پھر تہران کے خلاف اپنے ناپاک عزائم کا اظہار کیا۔ انہوں نے کہا کہ وہ مذکورہ بالا الزامات کی بنیاد پر ایران کے خلاف امریکہ کی زیادہ سے زیادہ دباؤ کی پالیسی پر دوبارہ سے عمل پیرا ہیں۔ قابل غور بات یہ ہے کہ امریکہ کی جانب سے صیہونی رژیم کی بے جا حمایت کرنے کے نتیجے میں غزہ کی پٹی میں 7 اکتوبر 2023ء کے بعد سے اب تک 48 ہزار سے زائد فلسطینی لقمہ اجل بن چکے ہیں لیکن اس کے باوجود مارکو روبیو، خطے میں عدم استحکام کا الزام ایران پر دھر رہے ہیں۔
دوسری جانب ایرانی حکام نے بارہا ایٹم بم کے حصول میں عدم دلچسپی کا اظہار کیا تاہم امریکی وزیر خارجہ اس بات پر مُصِر ہیں کہ ایران کو کسی صورت بھی جوہری بم حاصل کرنے کی اجازت نہیں دی جا سکتی۔ مارکو روبیو کا کہنا ہے کہ ڈونلڈ ٹرامپ کے عہد صدارت میں ایٹمی ایران کی کوئی جگہ نہیں۔ واضح رہے کہ ڈونلڈ ٹرامپ اپنے پہلے دورہ صدارت میں ایران کی جانب سے جوہری معاہدے کی پاسداری کے باوجود اس بین الاقوامی معاہدے سے یکطرفہ طور پر دستبردار ہو گئے۔ انہوں نے ایران کے خلاف زیادہ سے زیادہ دباؤ کی پالیسی اپنائی جس کا کوئی نتیجہ نہیں آیا بلکہ اس کے برعکس ایران نے اپنی جوہری سرگرمیوں کو مزید بڑھا دیا۔ اس کے باوجود کہ امریکہ اس وقت ایران کے ساتھ جوہری معاہدے میں شامل نہیں مگر پھر بھی مارکو روبیو اس بات پر زور دے رہے ہیں کہ امریکہ ایک ایسے میکانزم کی تلاش میں ہے جس کے ذریعے سے ایران کے خلاف ہتھیاروں کی پابندی کو بحال کیا جا سکے۔
ذریعہ: Islam Times
کلیدی لفظ: ایران کے خلاف مارکو روبیو کرتا ہے
پڑھیں:
امیر جماعت اسلامی کے خلاف جعلی مقدمہ
صوبہ سندھ میں اپنے روایتی غیر سیاسی غیر جمہوری گھٹیا ہتھکنڈوں اور مقتدرہ کی کامل حمایت اور سرپرستی سے لگ بھگ گزشتہ دو عشروں سے مسلط کردہ پاکستان پیپلز پارٹی کی حکومت نے اپنی بدحکومتی، بدانتظامی اور بے پناہ بدعنوانی سے نہ صرف اپنے سیاسی مخالفین بلکہ اہل سندھ کی زندگی بھی اجیرن کرکے رکھ دی ہے۔ اب اس امر میں کوئی کلام ہے اور نہ ہی رتی برابر کوئی شبہ کہ نام نہاد جمہوریت اور جمہوری اقدار کی علمبردار پی پی پی درحقیقت اپنے باطن میں بدترین فسطائیت اور غیر جمہوری پست ذہنیت اور حد درجہ بدنما کردار کی حامل جماعت ہے جس کے بظاہر خوش نما اور روشن چہرے کے پس پردہ اس کے مکروہ عزائم اور ارادے چھپے ہوئے ہیں۔ بقول علامہ اقبالؒ
چہرہ روشن اندرون چنگیز سے تاریک تر
پی پی پی کی حکومت کی حد درجہ بیڈ گورننس کی وجہ سے دیگر شعبوں کے ساتھ سندھ میں گزشتہ ایک عرصے سے امن وامان کی صورت حال بھی بہت برے طریقے سے تباہی سے دوچار ہوچکی ہے۔ خصوصاً سندھ کے بالائی اضلاع گھوٹکی، شکارپور، لاڑکانہ، جیکب آباد، کشمور، کندھکوٹ، قنبر شہداد کوٹ میں تو حالات بدترین ہوچکے ہیں۔ ان اضلاع میں اغوا برائے تاوان سمیت جرائم کی دیگر بڑھتی ہوئی وارداتوں کی بنا پر اہل علاقہ محفوظ مقامات کی جانب ہجرت کرنے پر مجبور ہوگئے ہیں اور مستند ذرائع کے مطابق گزشتہ چند ماہ کے دوران ہندو برادری کے 20 ہزار کے قریب افراد شدید بدامنی کے سبب انڈیا، پنجاب اور صوبہ سندھ کے بڑے شہروں کی طرف نقل مکانی کرچکے ہیں۔ سندھ کے مذکورہ اضلاع میں بہت زیادہ بدامنی کے باعث کاروبار زندگی متاثر ہوا ہے وہیں معمولات زندگی، معیشت، زراعت اور تعلیمی سرگرمیوں کو بھی بہت زک پہنچی ہے۔ اس وقت بھی دو درجن سے زائد مغوی اغوا برائے تاوان کے لیے قید میں پڑے ہوئے ان کا بہیمانہ تشدد (جس کی ڈاکو خود ہی ویڈیوز بنا کر سوشل میڈیا پر دے دیتے ہیں) سہنے پر مجبور ہیں۔ اب تو ڈاکوئوں کی دیدہ دلیری کا عالم یہ ہے کہ وہ صاحب ثروت افراد کے گھروں پر بطور دھمکی تاوان یا بھتے کی وصولی کے لیے راکٹ لانچرز تک بھیجنے لگے ہیں۔ ایسی بدترین اور سنگین بدامنی کی حالت میں حکومت سندھ کے ذمے داران بجائے اپنے صوبے کے عوام کو امن فراہم کرنے اور زندگی کی بنیادی ضروری مہیا کرنے کے یا تو دن رات ہمہ وقت بدعنوانی میں ملوث ہیں اور یا پھر اپنے سیاسی مخالفین کو ہراساں کرنے کے لیے ان پر جعلی اور جھوٹے مقدمات قائم کرنے میں مصروف ہیں۔ صوبائی وزیر داخلہ ضیا الحسن لنجار نے سندھی میڈیا کے مطابق ضلع نوشہرو فیروز میں پی پی پی کے سیاسی مخالفین بشمول سابق مشیر حکومت سندھ اور صدر زرداری کے سابق نفس ناطقہ اسماعیل ڈاہری پر زمین تنگ کر ڈالی ہے اور ماسوائے ان کے زن بچہ کو کولہو میں پلوانے کے ان پر ہر ظلم و ستم ہی برپا کر ڈالا ہے۔ دوسری جانب جتوئی خاندان کے معزز فرد سابق وزیراعظم غلام مصطفی جتوئی کے صاحبزادے جی ڈی اے کے مرکزی رہنما غلام مرتضیٰ جتوئی کو بھی محض پی پی پی میں شمولیت اختیار نہ کرنے کی وجہ سے ان پر جعلی مقدمات قائم کرکے انہیں گرفتار کرلیا ہے جو پی پی کے بدترین فاشزم کا آئینہ دار ہے۔
یہ کیسی ستم ظریفی ہے اور کتنا بڑا المیہ ہے کہ پی پی پی کی سندھ پر عرصہ گزشتہ دو دہائیوں سے مسلط حکومت بجائے صوبے سے بدامنی بدعنوانی بے روزگاری مہنگائی اور غربت کو ختم کرنے کے اپنے سیاسی مخالفین کو بے جا تنگ، ہراساں اور خوفزدہ کرنے کے لیے ان پر جعلی مقدمات قائم کرنے میں مصروف ہے۔ سندھ کے شہر، قصبات اور دیہات ہر قسم کی بنیادی سہولت سے محروم ہیں۔ تعلیمی ادارے، اسپتال، مراکز صحت، روڈ راستے بدامنی، بدنظمی اور کرپشن سے تباہ و برباد ہو کر رہ گئے ہیں لیکن پی پی پی کی حکومت کو اصلاح احوال کی ذرہ برابر مطلق پروا نہیں ہے۔ بدامنی کی ایسی ابتر اور حد درجہ بگڑی ہوئی صورت حال کے پیش نظر جماعت اسلامی سندھ کے جوان سال امیر کاشف سعید شیخ اپنی متحرک ٹیم کے ہمراہ اہل سندھ کو امن وامان کی فراہمی کے لیے حکومت سندھ کی توجہ مبذول کروانے کے لیے میدان عمل میں نکلے ہوئے ہیں اور مسلسل لگا تار اس حوالے سے اپنی جملہ مساعی کو بروئے کار لانے میں مصروف ہیں جس کی وجہ سے پی پی پی کی بدعنوان اور بدنام زمانہ نااہل، نالائق اور نکمی ترین حکومت کو حد درجہ تکلیف ہے کہ آخر اس کی مجرمانہ غفلت کا پردہ چاک اور وہ بھی اس منظم، مربوط انداز میں تواتر کے ساتھ جماعت اسلامی سندھ کی قیادت کیوں کررہی ہے جس کی وجہ سے اہل سندھ میں آگاہی، شعور اور بیداری کی ایک طاقتور لہر جنم لے چکی ہے۔
یوں لگتا ہے کہ جماعت اسلامی سندھ کے ہاتھوں پی پی پی کو یوں اپنے سابقہ اور موجودہ بیڈگورننس کی انتہا سمیت دیگر جرائم آشکار ہونے کا خوف ہی لاحق اور درپیش تھا کہ پہلے تو اس نے 16 فروری بروز اتوار شکار پور میں انڈس ہائی وے پر اس کی جانب سے دیے گئے امیر صوبہ کاشف سعید شیخ کی زیر قیادت پرامن احتجاجی دھرنے کے انعقاد کے لیے قائم کردہ کیمپ میں رکھے گئے ضروری سامان اور پرچموں، بینرز وغیرہ کو ضلع شکار پور کی پولیس کی بھاری نفری کے ساتھ لے جانے کی مذموم سعی کی تا کہ دھرنے کو سبوتاژ اور ناکام بنایا جاسکے تاہم اس موقع پر موجود نائب قیم صوبہ امداد اللہ بجارانی، ضلعی امیر شکارپور عبدالسمیع بھٹی نے مع کارکنان پولیس کے مذموم عزائم کو شدید مزاحمت کے ذریعے سے ناکام بنا ڈالا اور پولیس افسران کو مع بھاری نفری ناکام و نامراد واپس جانا پڑا۔ البتہ یہ ہزیمت، ناکامی اور پسپائی کا داغ ان کے دل ہی میں رہ گیا جس کی وجہ سے جماعت اسلامی سندھ کے مذکورہ مقام پر دیے گئے یادگار، تاریخی اور شاندار دھرنے کی کامیابی کے بعد جس میں ہزاروں کارکنان، عام شہری، تمام دینی، سیاسی جماعتوں، وکلا، اساتذہ، اقلیتی برادری، سول سوسائٹی کے رہنمائوں اور نمایاں افراد نے قابل ذکر تعداد میں شرکت کی اور سندھ میں بحالی امن کے لیے انڈس ہائی وے پر کئی گھنٹوں تک لگاتار پرامن دھرنا دیا گیا۔ کے اختتام پر شکارپور پولیس کی جانب سے امیر صوبہ کاشف سعید شیخ، نائب قیم صوبہ امداد اللہ بجارانی، امیر ضلع شکارپور عبدالسمیع بھٹی، امیر شہر مولانا صدر الدین مہر، اقلیتی رہنما ڈاکٹر مہر چند اور کاشف عمران منگی کے خلاف گزشتہ دن ایک جعلی مقدمہ کی بنیاد پر ایف آئی آر کا اندراج کیا گیا ہے جس کی سندھ بھر میں ہر سطح پر شدید مذمت کی جارہی ہے۔
واضح رہے کہ بدامنی سے متاثرہ اضلاع میں جماعت اسلامی سندھ کی سنجیدہ، ٹھوس اور تسلسل سے کی گئی جدوجہد کو عوام سمیت سندھ کے سوشل، پرنٹ اور الیکٹرونک میڈیا پر قابل ذکر پزیرائی سے پی پی پی حکومت اور قیامت کے سینے پر سانپ لوٹ گئے ہیں اور اس نے اسی تناظر میں مارے خوف کے جماعت اسلامی صوبہ سندھ کے امیر سمیت دیگر ذمے داران پر مذکورہ جعلی مقدمہ قائم کرکے اپنے خبث باطن کا ایک واضح ثبوت فراہم کردیا ہے۔ شکارپور پولیس جس کی جانب سے مذکورہ جعلی ایف آئی آر کا اندراج کیا گیا ہے اس کے متعلق امیر صوبہ کاشف سعید شیخ نے دھرنے سے دوران خطاب یہ انکشاف بھی کیا تھا کہ اس کے 80 اہلکاروں کو جرائم پیشہ عناصر سے روابط رکھنے اور مجرمانہ سرگرمیوں میں ملوث ہونے کے سبب ضلع بدر کیا جاچکا ہے۔
واضح رہے کہ شکارپور پولیس کے بارے میں ہی کچھ عرصے پہلے سندھی میڈیا یہ حیران کن اطلاع سامنے آئی تھی کہ اس کی خفیہ پولیس کا انچارج ایک جرائم پیشہ فرد رہا ہے۔ یہی نہیں سارا ضلع بدامنی کی آگ میں بُری طرح سے جل رہا ہے۔ خان پور ناپرکوٹ کے 9 مزدوروں سمیت دیگر کئی مغوی ڈاکوئوں کے قبضے میں ہیں لیکن بجائے انہیں بازیاب کروانے کے شکارپور پولیس حکومت سندھ کے ایما پر اسے اس کی بدحکومتی، نااہلی، نالائقی اور بدعنوانی سمیت دیگر جملہ خرابیوں پر آئینہ دکھانے والی جماعت اسلامی سندھ کی حق گو قیادت کے خلاف جعلی ایف آئی آر کا اندراج کرکے اپنے لیے مزید جگ ہنسائی کا سامان وافر طور پر مول لینے میں مصروف ہے جس پر اسے غالب کے الفاظ میں یہی کہہ کر شرم اور عاد دلائی جاسکتی ہے کہ ’’شرم تم کو مگر نہیں آتی‘‘۔
جئے سندھ محاذ کا پیدل مارچ سجاول میں داخل ہورہاہے