ڈی ریگولیشن سے کراچی سے نارتھ تک پیٹرول مہنگا ہوگا، پاکستان پیٹرولیم ایسوسی ایشن
اشاعت کی تاریخ: 21st, February 2025 GMT
راولپنڈی:
پاکستان پیٹرولیم ڈیلرز ایسوسی ایشن کے نمائندگان کا کہنا ہے کہ ڈی ریگولیشن ہونے سے کراچی سے نارتھ تک پیٹرول مہنگا ہوگا اس لیے ڈی ریگولیشن ہمیں منظور نہیں۔
راولپنڈی میں پریس کانفرنس کرتے ہوئے کوآرڈینیٹر راجا وسیم نے کہا کہ مصدق ملک کے بیان کے حوالے سے آج ہم وضاحت کریں گے، ہم نے مصدق ملک کو خط لکھے لیکن جواب نہیں دیا گیا۔
انہوں نے کہا کہ ہمارے 13 سے 14 ہزار پیٹرول پمپس ہیں، عوام کو ریلیف دینے کے لیے حکومت ہمارے ساتھ بیٹھے اور لیوی ختم کریں تاکہ عوام کو ریلیف ملے، عوام کو 60 روپے پیٹرول سستا ملنے چاہیے۔
مزید پڑھیں؛ پاکستان پیٹرولیم ڈیلرز نے پیڑول پمپس بند کرنے کا عندیہ دے دیا
راجا وسیم نے کہا کہ حکومت ہمیں روڈ میپ نہ دے تو کاروبار بند ہو جائے گا، ہر پمپ پر ہزاروں ملازم ہیں ہمارا کام متاثر ہو رہا ہے، مذاکرات کے راستے ہم نے بند نہیں کیے۔
نارتھ ریجن کے صدر چوہدری ظفر نے کہا کہ وفاقی وزیر نے ہمیں کوئی روڈ میپ نہیں دیا اور سڑکوں کی بندش کے حوالے سے ہمیں آگاہ نہیں کیا گیا۔ کراچی کی بہ نسبت راولپنڈی میں پیٹرول کی قیمت 15 روپے زیادہ ہوگئی۔
انہوں نے کہا کہ لیوی کا آج تک پتا نہیں چلا کہ اس پیسے سے کیا فائدہ ہوا، ڈویلپمنٹ کر کے کوئی پروجیکٹ کیے گئے ہمیں آگاہ کیا جائے، لیوی کے خلاف میڈیا بھی ہمارا ساتھ دے۔
چوہدری ظفر نے کا کہنا تھا کہ 8 روپے 64 پیسے ہمارا مارجن ہے جبکہ کراس مارجن 5 لیٹر ہے، جو مشین پیٹرول ڈالتی ہے آج سے کچھ سال پہلے 14 لاکھ کی تھی اور اب ٹیکسز کے بعد قیمت 47 لاکھ ہے۔ حکومت نے ٹیکسز بڑھا دیے اور ہماری مشکلات بھی بڑھ گئیں۔
.ذریعہ: Express News
کلیدی لفظ: نے کہا کہ
پڑھیں:
پیٹرولیم مصنوعات کی قیمتوں کی ڈی ریگولیشن پر کام کررہے ہیں،مصدق ملک
اسلام آباد(آن لائن) وزیر پیٹرولیم مصدق ملک نے کہا ہے کہ ملک کے توانائی کے شعبے میں تبدیلی لا رہے ہیں، پیٹرولیم مصنوعات کی قیمتوں کی ڈی ریگولیشن پرکام کر رہے ہیں اورتمام غیر ضروری ریگولیشن کو ختم کریں گے، وزیر اعظم اداروں کی بہتری کے لیے کام کر رہے ہیں‘ملک کے اندر حقیقی تبدیلی آ رہی ہے، انتشاری ٹولے کو بھی مشورہ ہے کہ وہ انتشار چھوڑ کر اب ملک کی تعمیر و ترقی کا حصہ بنے ۔ تفصیلات کے مطابق اوجی ڈی سی ایل میں منعقدہ تقریب سے خطاب کرتے ہوئے وزیر پیٹرولیم مصدق ملک نے کہا کہ وزیر اعظم نے اداروں کی رائٹ سائزنگ کے لیے کمیٹی تشکیل دے رکھی ہے۔ ان کا کہنا تھا کہ ہم پیٹرولیم
مصنوعات کی قیمتوں کی ڈی ریگولیشن پر کام کر رہے ہیں، تمام غیر ضروری ریگولیشن کو ختم کرینگے، اس سلسلے میں وزیر اعظم کی اس حوالے سے واضح ہدایات آچکی ہیں، ایک پیٹرول پمپ کھولنے کے لیے18اداروں کے چکر لگانا پڑتے ہیں۔ مصدق ملک کا کہنا تھا کہ ایک سیاسی جماعت نے ملک کے اخلاقی نظام کو تباہ کر دیا ہے، ان لوگوں نے مادر وطن کی ساکھ کو تباہ کرنے کا فیصلہ کر رکھا ہے، ملک میں یہ ماحول پیدا کرنا درست ہے کہ آئی ایم ایف پروگرام ختم کرا دو؟مصدق ملک نے کہا کہ آپ نے ملک کیخلاف کمپین شروع کی ہے، کون کہتا ہے آئی ایم ایف پیسے نہ دے ملک، دیوالیہ ہو؟ مصدق ملک کا مزید کہنا تھا کہ ایک خاص سیاسی ٹولے نے ملک کو ٹارگٹ کرنے کی پالیسی بنا رکھی ہے، 40فیصد سے مہنگائی کی شرح 3 فیصد پر آچکی، شرح سود کم ہوگیا، مہنگائی کم ہو رہی ہے۔ انہوں نے کہا کہ ملک میں تبدیلی آرہی اب ملکی وسائل پر انحصار کریں گے، ملک کے توانائی کے وسائل کو جمع کر کے ترقی کریں گے، خاموش انقلاب آپ کے سامنے آرہا ہے۔ وزیر پیٹرولیم کا مزید کہنا تھا کہ تمام غیر ضروری قوانین کو ختم کررہے ہیں، وزیر اعظم نے کہا ہے کہ تمام غیر ضروری ریگولیشنز کو ختم کر دیا جائے، صرف انتہائی ضروری کو رکھنا ہے، باقی سب ختم ہو گا، صرف عوام کو فائدہ دینے والی وزارتیں اور ادارے موجود رہیں گے۔
جئے سندھ محاذ کا پیدل مارچ سجاول میں داخل ہورہاہے