بانی پی ٹی آئی نے آرمی چیف کو قوم کا باپ قرار دیا، جس کو باپ کہتے تھے اسی کے بارے میں بدزبانی کرتے ہیں، خواجہ محمد آصف
اشاعت کی تاریخ: 21st, February 2025 GMT
وزیر دفاع خواجہ محمد آصف نے کہا ہے کہ پی ٹی آئی والے ایک دور میں آرمی چیف کو باپ کہتے تھے۔ بانی پی ٹی آئی نے بھی آرمی چیف کو قوم کا باپ قرار دیا، جس کو باپ کہتے تھے اسی کے بارے میں بدزبانی کرتے ہیں۔ بانی پی ٹی آئی فیض حمید کو آرمی چیف بنانا چاہتے تھے، وہ چاہتے تھے کہ فوج ان کی جماعت کا ذیلی ادارہ بن جائے۔
سرکاری ٹی وی کو دیئے گئے انٹرویو میں ان کا کہنا تھا کہ آرمی چیف سید عاصم منیر برطانیہ کے اہم دورے پر ہیں، پاکستان کے برطانیہ کے ساتھ اہم سفارتی، عسکری اور معاشی مثالی تعلقات ہیں۔ یہ (پی ٹی آئی) سوشل میڈیا پر اداروں کے خلاف گالم گلوچ کر رہے ہیں۔کوئی سازش پاکستان کو نقصان نہیں پہنچا سکتی، یہ ملک اور قوم کی توہین کر رہے ہیں۔
مزید پڑھیں:حکومت ملک ریاض پر ہاتھ ڈالے گی اور انہیں یو اے ای سے واپس لائے گی، خواجہ آصف
وزیر دفاع خواجہ آصف نے کہا کہ اقتدار سے محرومی کے بعد پی ٹی آئی اپنے زخم چاٹ رہی ہے، مذموم مقاصد کے لیے 9 مئی اور 26 نومبر کے واقعات رونما کیے گئے۔ قومی املاک پر حملے اور شہدا کی یادگاروں کی بےحرمتی کے واقعات ایک حقیقت ہیں۔
خواجہ آصف کا کہنا تھا کہ پی ٹی آئی والوں کی سیاست ایک ذات کے لیے ہے، انہیں ملک کی کوئی فکر نہیں۔ پی ٹی آئی کا طرز عمل ہرگز سیاسی نہیں۔ الحمدللہ، ملک استحکام کی راہ پر گامزن ہے۔ معاشی میدان میں کامیابیاں حاصل ہورہی ہیں۔ قومی محاذ پر کامیابیوں سے پی ٹی آئی کی پریشانی اور بیزاری بڑھ گئی ہے۔
مزید پڑھیں: ٹرمپ نے تعمیری تقریر کی، کوئی بیان آیا تو پاکستان اسے سنبھال لے گا، وزیر دفاع خواجہ آصف
انہوں نے کہا کہ تحریک انصاف نے ملکی مفادات کو نقصان پہنچانے کی سازشیں کیں۔ یہ سنجیدہ لوگ نہیں، ذاتی مفادات کے لیے ترلے کر رہے ہیں۔ عوام باشعور ہیں، پی ٹی آئی کا مکروہ چہرہ سامنے آگیا، ملک کے خلاف تمام سازشیں ناکام ہوں گی۔
وزیر دفاع نے کہا کہ ہم نے سیاسی انتقام کا سامنا کیا لیکن ملکی وقار کے خلاف کوئی بات نہیں کی۔ ماضی میں نوازشریف اور بینظیر بھٹو کی حکومت کا تختہ الٹا گیا۔ یہ خط لکھ رہےہیں، پاؤں پکڑ رہے ہیں، منتیں ترلےکر رہے ہیں۔ انتشار کی سیاست ہمیشہ کے لیے دفن ہو جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف باپ بانی پی ٹی آئی جنرل عاصم منیر خواجہ محمد آصف عمران خان فیض حمید.ذریعہ: WE News
کلیدی لفظ: ا رمی چیف باپ بانی پی ٹی ا ئی خواجہ محمد ا صف فیض حمید بانی پی ٹی ا ئی خواجہ ا صف وزیر دفاع ا رمی چیف رہے ہیں کے لیے نے کہا
پڑھیں:
بانی چیئرمین عوام کے لیڈر ہیں، جبکہ مریم نواز فارم 47 کی لیڈر ہیں۔ بیرسٹر محمد علی سیف
خیبرپختونخوا کے مشیر اطلاعات بیرسٹر محمد علی سیف نے وزیراعلیٰ پنجاب مریم نواز شریف کے بیان پر ردعمل دیتے ہوئے کہا ہے کہ مریم نواز چاہتی ہیں بانی پی ٹی آئی انہیں خط لکھیں، مگر ان کی یہ حسرت کبھی پوری نہیں ہوگی۔ بیرسٹر سیف نے کہا کہ بانی چیئرمین عوام کے لیڈر ہیں، جبکہ مریم نواز فارم 47 کی لیڈر ہیں۔ انہوں نے الزام لگایا کہ مریم نواز بانی چیئرمین کے منصوبوں، بشمول کینسر اسپتال، کی نقل کر رہی ہیں۔ مشیر اطلاعات کا کہنا تھا کہ مریم نواز کی ہر تقریر میں بانی چیئرمین کا ذکر ہوتا ہے۔ ان کے بقول، نواز شریف اور مریم نواز حکومت حاصل کرنے کے باوجود دکھی ہیں، جبکہ بانی چیئرمین ناحق جیل میں قید ہو کر بھی مسکرا رہے ہیں۔بیرسٹر سیف نے مزید کہا کہ بانی پی ٹی آئی جیل میں ہونے کے باوجود آزاد ہیں، جبکہ حکومت میں رہنے والے لوگ بھی صفر ہیں۔ انہوں نے مریم نواز کو مشورہ دیا کہ وہ بانی چیئرمین کی بجائے عوام پر توجہ دیں۔
جعفریہ الائنس پاکستان کے تحت کراچی میں علما و ذاکرین کانفرنس