پاکستان اور بحرین کے وزرائے اطلاعات کی ملاقات، میڈیا تعاون کو فروغ دینے پر اتفاق
اشاعت کی تاریخ: 21st, February 2025 GMT
ریاض (نیوز ڈیسک) وفاقی وزیر اطلاعات عطاءاللہ تارڑ اور بحرین کے وزیر برائے اطلاعات رمضان بن عبداللہ النعیمی کے درمیان ایک اہم ملاقات ہوئی جس میں دونوں ممالک کے درمیان میڈیا تعاون کو وسعت دینے، مہارتوں کے تبادلے اور مشترکہ منصوبوں کو فروغ دینے کے عزم کا اظہار کیا گیا۔
عطاءاللہ تارڑ نے کہا کہ پاکستان اور بحرین کے برادرانہ تعلقات انتہائی مضبوط اور مشترکہ عقیدے، تاریخ اور ثقافت پر مبنی ہیں۔ انہوں نے میڈیا کے شعبے میں روابط کو مزید مضبوط بنانے کے لیے میڈیا وفود کے تبادلے کی اہمیت پر زور دیا اور بحرین کے اسٹیٹ میڈیا اداروں کے ساتھ قریبی تعاون کی ضرورت پر روشنی ڈالی۔ انہوں نے بحرین کی نیوز ایجنسی بی این اے اور پاکستان کی سرکاری نیوز ایجنسی اے پی پی کے درمیان خبروں کے اشتراک کی تجویز بھی پیش کی۔
دونوں وزراء نے اس بات پر اتفاق کیا کہ حالیہ برسوں میں اعلیٰ سطحی وفود کے باقاعدہ تبادلے دونوں ممالک کے تعلقات میں مزید استحکام لا رہے ہیں۔ عطاءاللہ تارڑ نے بتایا کہ ان دنوں بحرین کا ایک پارلیمانی وفد پاکستان کے دورے پر ہے اور آج ہی اس وفد کی وزیراعظم شہباز شریف سے اہم ملاقات ہوئی ہے۔ انہوں نے مزید کہا کہ پاکستان کی معیشت درست سمت میں گامزن ہے اور عالمی سرمایہ کاروں کے لیے یہ سرمایہ کاری کا ایک بہترین موقع ہے۔
بحرین کے وزیر اطلاعات رمضان بن عبداللہ النعیمی نے کہا کہ بحرین پاکستان کے ساتھ تعلقات کو قدر کی نگاہ سے دیکھتا ہے اور دونوں ممالک کی قیادت کی دانشمندانہ رہنمائی کے باعث مختلف شعبوں میں مسلسل ترقی ہو رہی ہے۔ انہوں نے میڈیا کے شعبے میں تعاون کو مزید مستحکم کرنے اور مشترکہ کامیابیوں کو فروغ دینے کے لیے بحرین کے عزم کا اعادہ کیا۔
.ذریعہ: Daily Mumtaz
کلیدی لفظ: اور بحرین کے انہوں نے
پڑھیں:
پاک-سعودیہ مشترکہ پروڈکشن کیلئے جوائنٹ کمیٹی تشکیل دینے پر اتفاق
اسلام آباد:پاکستان اور سعودی عرب کے وزرائے اطلاعات و نشریات نے دونوں ممالک کے درمیان مشترکہ پروڈکشن، گانے، فلم اور ڈاکیومینٹریز کی تیاری کے لیے جوائنٹ کمیٹی تشکیل دینے پر اتفاق کیا گیا ہے۔
وفاقی وزیر اطلاعات و نشریات عطا اللہ تارڑ نے سعودی عرب کے وزیر برائے میڈیا سلمان بن یوسف الدوسیری سے ملاقات کی اور اس دوران صحافیوں کے تبادلے اور تربیتی پروگراموں سمیت مختلف شعبوں میں تعاون بڑھانے پر اتفاق کیا گیا۔
دونوں وزرا نے پاکستان اور سعودی عرب کے درمیان میڈیا کے شعبوں میں تعلقات کو فروغ دینے اور مشترکہ تعاون بڑھانے پر تبادلہ خیال کیا اور غلط معلومات اور پروپیگنڈے سے نمٹنے کے لیے مل کر کام کرنے کی اہمیت پر زور دیا۔
وزیر اطلاعات عطاللہ تارڑ نے کہا کہ سعودی عرب ہمارا دوسرا گھر ہے، دونوں ممالک کے درمیان قریبی تعاون سے خطے میں امن اور استحکام کو فروغ دینے میں مدد ملے گی، سعودی وژن 2030 کی حمایت سمیت مختلف شعبوں میں تعلقات کو مضبوط بنانے کے لیے پرعزم ہیں۔
ان کا کہنا تھا کہ پاکستان اور سعودی عرب کے درمیان ڈیجیٹل سرمایہ کاری اور تکنیکی تعاون کے لیے سنہری مواقع موجود ہیں۔
انہوں نے کہا کہ سعودی میڈیا فورم کے زیر اہتمام کانفرنس محض تقریب نہیں بلکہ یہ پاکستان سمیت دنیا بھر کے میڈیا کے لیے ایک موقع ہے کہ وہ باہمی تعاون کی نئی راہیں تلاش کریں۔
عطااللہ تارڑ نے کہا کہ سعودی عرب کے شاہ سلمان بن عبدالعزیز کی زیر سرپرستی ولی عہد محمد بن سلمان کی قیادت میں سعودی عرب وژن 2030کے اہداف سے آگے بڑھ چکا ہے۔
ان کا کہنا تھا کہ سعودی ولی عہد محمد بن سلمان نے سعودی عرب کی مثالی ترقی میں تاریخی کردار ادا کیا ہے، 2030 وژن کے تحت سعودی عرب ہر شعبے کی سرگرمیوں کا مرکز بن چکا ہے، پاکستان سعودی عرب برادرانہ تعلقات اقتصادی شراکت داری میں تبدیل ہو رہے ہیں۔
وفاقی وزیر نے کہا کہ پاکستان اور سعودی عرب کے درمیان دہائیوں پر محیط برادرانہ تعلقات ہر گزرتے دن کے ساتھ مزید مضبوط ہو رہے ہیں، سعودی پاکستان سپریم کوآرڈینیشن کونسل کی اگلی ملاقات پاکستان میں ہوگی۔
سعودی عرب کے وزیر برائے میڈیا نے کہا کہ پاکستانیوں کی بڑی تعداد سعودی عرب کی ترقی میں اہم کردار ادا کر رہی ہے، پاکستان کے ساتھ اطلاعات سمیت تمام شعبوں میں تعاون کا فروغ ہماری ترجیح ہے۔
چیمپئنز ٹرافی، محسن نقوی کا پاک بھارت میچ 4 لاکھ کے باکس کے بجائے عام انکلوژر میں دیکھنے کا فیصلہ